ભારતમાં ચાલી રહેલી કોવિડ-19 વિરોધી રસીકરણ કવાયત અતંર્ગત આજદિન સુધીમાં આપવામાં આવેલા કોવિડ-19 રસીના કુલ ડોઝનો આંકડો આજે 15,49,89,635 સુધી પહોંચી ગયો છે. છેલ્લા 24 કલાકમાં 27 લાખ કરતાં વધારે રસીના ડોઝ આપવામાં આવ્યા છે.

આમાં પ્રથમ ડોઝ લેનારા 94,12,140 HCWs અને બીજો ડોઝ લેનારા 62,41,915 HCWs સામેલ છે. આ ઉપરાંત, પ્રથમ ડોઝ લેનારા 1,25,58,069 FLWs અને બીજો ડોઝ લેનારા 68,15,115 FLWs છે, 45થી 60 વર્ષની વચ્ચેના વય જૂથમાં 5,27,07,921 (પ્રથમ ડોઝ) અને 37,74,930 (બીજો ડોઝ) લાભાર્થી તેમજ 60 વર્ષથી વધુ ઉંમરના લાભાર્થીઓમાં પ્રથમ ડોઝ લેનારા 5,23,78,616 અને બીજો ડોઝ લેનારા 1,11,00,929 છે.

સમગ્ર દેશમાં આજદિન સુધીમાં આપવમાં આવેલા રસીના કુલ ડોઝમાંથી 67.0% ડોઝ દસ રાજ્યોમાં આપ્યા છે.

દેશમાં કોવિડ વિરોધી રસીકરણ કવાયતના 105મા દિવસે (30 એપ્રિલ 2021ના રોજ) રસીના કુલ 27,44,485 ડોઝ આપવામાં આવ્યા હતા. આમાં, 23,356 સત્રોનું આયોજન કરીને 15,69,846 લાભાર્થીને પ્રથમ ડોઝ જ્યારે 11,74,639 લાભાર્થીને રસીનો બીજો ડોઝ આપવામાં આવ્યો હતો.

ભારતમાં કુલ સાજા થયેલા દર્દીઓની સંખ્યા આજે 1,56,84,406 સુધી પહોંચી ગઇ છે.

રાષ્ટ્રીય સાજા થવાનો સરેરાશ દર 81.84% નોંધાયો છે જેમાં 2,99,988 દર્દીઓ છેલ્લા 24 કલાકમાં સાજા થયા હોવાનું નોંધાયું છે.

નવા સાજા થનારા 76.09% દર્દીઓ દસ રાજ્યોમાંથી છે.

કોવિડ-19ને નિયંત્રણમાં લેવાના પ્રયાસોમાં એક સીમાચિહ્નરૂપ સિદ્ધિ તરીકે ભારતમાં છેલ્લા 24 કલાકમાં 19,45,299 પરીક્ષણો કરવામાં આવ્યા છે. ભારતમાં દૈનિક પોઝિટીવિટી દર હવે 20.66% છે.

છેલ્લા 24 કલાકમાં 4,01,993 નવા પોઝિટીવ દર્દીઓ નોંધાયા છે.

મહારાષ્ટ્ર, કર્ણાટક, કેરળ, ઉત્તરપ્રદેશ, દિલ્હી, તમિલનાડુ, પશ્ચિમ બંગાળ, આંધ્રપ્રદેશ, રાજસ્થાન અને બિહાર આ દસ રાજ્યોમાં નવા પોઝિટીવ નોંધાયેલા કુલ દર્દીઓમાંથી 73.71% કેસ છે.

મહારાષ્ટ્રમાં સમગ્ર દેશમાં એક દિવસમાં સર્વાધિક 62,919 નવા કેસ નોંધાયા છે. ત્યારપછીના ક્રમે, કર્ણાટકમાં એક દિવસમાં વધુ 48,296 કેસ જ્યારે કેરળમાં 37,199 નવા કેસ નોંધાયા છે.