কেমিকেল্স অমসুং ফর্তিলাইজর মন্ত্রালয়
হার কম্পেনীশিংনা কোবিদ অনাবশিংগীদমক্তা নোংমদা মেদিকেল ওক্সীজেন মেত্রিক তোন (এম.তি.) ৫০ পীরগনি
Posted On:
28 APR 2021 11:47AM by PIB Imphal
পোর্ত, শিপ্পিং অমদি ৱাতরৱেজ অমসুং কেমিকেল অমসুং ফর্তিলাইজরগী রাজ্য মন্ত্রী (আই./সি.), শ্রী মনশুখ মন্দাবিয়ানা লুচিংদুনা পব্লিক, প্রাইভেৎকা লোয়ননা কো-ওপরেতিব সেক্তরগী হার কম্পেনীশিংগা মখোয়গী প্লান্তশিংদা ওক্সীজেন পুথোকপা য়াবগী ফিভমশিং খন্নবগী মীফম অমা ফমখ্রে।
শ্রী মন্দাবিয়ানা হার কম্পেনীশিংদা মখোয়গী হৌজিক লৈরিবা ওক্সীজেন পুথোকপা ঙম্বগী মতিকপু ফগৎহন্দুনা অমসুং হোস্পিতালশিংদা মেদিকেল থাক্কী ওক্সীজেন পীবগী চাং হেনগৎহন্দুনা লাইচৎ মনুংদা খুন্নাইদা তেংবাংনবা ৱাফম থমখি। হার কম্পেনীশিংনা এম.ও.এস.কী খোঙথাংবু তরাম্না ওকপগা লোয়ননা ভারত সরকারনা লৈবাক অসিদা কোবিদ-১৯গী ইরাং লাকশিন্নবা হোৎনবগী থৌওংশিংদা শরুক য়ানিংবগী অপাম্বসু উৎখি। মীফম অদুগী মহৈশিং মখাদা পীরিঃ
- আই.এফ.এফ.সি.ও.না গুজরাত্তা লৈবা মখোয়গী কালোল য়ুনিত্তা পুংদা ক্যুবিক মিতর ২০০ পুথোকপা ঙম্বা ওক্সীজেন প্লান্ত শেম্বা অমসুং মসিগী মতুং ইন্না নোংমদা ক্যুবিক মিতর ৩৩,০০০ পুথোকপা ঙমহনবা।
- জি.এস.এফ.সি.না মখোয়গী প্লান্তশিংদা অপিকপা শেমদোক-শেমজিন তৌদুনা লিক্বিদ ওক্সীজেন পীবা হৌখ্রে।
- জি.এন.এফ.সি.নসু মখোয়গী এয়র সেপেরেসন য়ুনিৎ হৌদোক্লবা তুংদা অনা-লাইয়েংগীদমক্তা লিক্বিদ ওক্সীজেন পীবা হৌখ্রে।
- জি.এস.এফ.সি. অমসুং জি.এন.এফ.সি.না মখোয়গী ওক্সীজেন পুথোকপা ঙম্বগী মতিক হেনগৎহন্নবা থবক পায়খৎপসু হৌখ্রে।
- অতোপ্পা হার কম্পেনীশিংনা সি.এস.আর.না শেল থাদবগী খুত্থাংদা লৈবাক্কী খনগৎলবা মফমশিংদা লৈবা হোস্পিতাল/প্লান্তশিংদা মেদিকেল প্লান্ত শেমগৎকনি।
হায়রিবশিং অসি পুন্সিন্দুনা, হার কম্পেনীশিংনা কোবিদ অনাবশিংনা শিজিন্নবা য়ানবা মেদিকেল ওক্সীজেন নোংমদা চাউরাক্না মেত্রিক তোন (এম.তি.) ৫০ ফংহনবা ঙমগনি হায়না থাজবা থম্লি। মসিগী খোঙথাংশিং অসিনা লাক্কদৌরিবা নুমিৎশিংদা লৈবাক্কী হোস্পিতালশিংদা মেদিকেল গ্রেদ ওক্সীজেন পীবগী চাং হেনগৎপা ঙমহনগনি।
******
(Release ID: 1714688)
Visitor Counter : 182