প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা এসোসিএসন ওফ ইন্দিয়ন য়ুনিভর্সিতীগী ৯৫শুবা এনুয়েল মীত অমসুং ভাইস-চান্সেলরশিংগী নেস্নেল সেমিনারদা ৱা ঙাংখ্রে। মহাক্না বাবাসাহেব দাঃ বি.আর. অম্বেদকরকা মরী লৈনবা শ্রী কিশোর মকাৱানানা ইবা লাইরিক মরি অমসু ফোংখি। গুজরাতকী গবর্নর, চীফ মিনিস্তর অমসুং এজুকেসন মিনিস্তর অমসুং য়ুনিয়ন মিনিস্তশিংনা থৌরম অসিদা শরুক য়াখি। থৌরম অসি আহমেদাবাদকী দাঃ বাবাসহেব অম্বেদকর ওপন য়ুনিভর্সিতীনা য়ুম্বু ওইখি।   

প্রধান মন্ত্রীনা লৈবাক অসিগী মায়কৈদগী মহুৎ শিন্দুনা ভারত রত্না বাবাসাহেব দাঃ অম্বেদকরবু ইকাই খুম্নবা উৎখি অমসুং মহাক্না হায়খি মদুদি লৈবাক অসিনা অজাদ কা অম্রুত মহোৎসব পাংথোক্লিবা মতম অসিদা মহাক্কী মপোক কুমোন অসিনা অনৌবা শক্তি অমা পীরি।  

শ্রী মোদীনা হায় মদুদি ভারত অসি মালেম অসিদা দেমোক্রেসীগী মমানি অমসুং দেমোক্রেসী অসিনা মীওইবা খুনাই অমা চাওখৎপা অমসুং পুন্সি মহিং অসিদা চাওরবা শরুক অমা ওইরি। বাবাসাহেবনা ইন্দিয়ন দেমোক্রেতিক হেরিতেজ চিংখৎনবা অমসুং চেৎশিন্নবা অকনবা খোঙফম শেম্লমখি, হায়না প্রধান মন্ত্রীনা হায়খি।

বাবাসাহেবকী ৱাখল্লোনগী মরমদা ৱা ঙাংলদুনা, প্রধান মন্ত্রীনা হায় মদুদি দাঃ অম্বেদকরনা লৌশিং, ইশানা-ইশাবু ইকাই খু্ম্নবা অমসুং পুকচেল শেংবা অসিনা ইশ্বরগী ওইবা চেৎনা থম্বা অহুম্নি হায়না লৌরি। ইশাবু ইকাই খুম্নবা অসি লৌশিং অসিদগী লাকপনি অমসুং কনাগুম্বা অমনা মহাক্কী হক অদুবু খঙজরি। মান্নবা হক্না সমাজ অমা পুনশিল্লি অমসুং লৈবাক অমগী চাওখৎপা পুরকই। ঐখোয়গী ইজুকেসন সিস্তেম অমসুং য়ুনিভর্সিতী অসিনা বাবাসাহেবনা পীরম্লিবা লম্বী অসিদা পুরক্তুনা লৈবাক অসি মাংলোমদা পুনবগী থৌদাং অদু লৌগদবনি, হায়না মোদীনা মখা তাখি।

নেস্নেল ইজুকেসন পোলিসি অসিদা, প্রধান মন্ত্রীনা হায় মদুদি মহৈরোয় খুদিংদা তোপ তোপ্পা অঙম্বা অমমম লৈজরি। মসিগী অঙম্বা অসিনা মহৈরোয় অমসুং ওজাশিংদা ৱাহং অহুম হংলি। অহানবদা – মখোয়না করি তৌবা ঙম্বগে? অনিশুবদা, করিগুম্বা মখোয় অসি নিংথিনা তাকপি-তম্বিবা ঙম্লবদি করি তৌবা ঙমগনি? অমসুং অহুমশুবদা মখোয়না করি তৌবা পাম্বগে? অহানবা ৱাহং অসিগী পাউখু অসি মহৈরোয়শিং অসিগী নুংগী ওইবা পাঙ্গল অদুনি। অদুম ওইনমক করিগুম্বা ইন্সতিত্যুৎকী ওইবা শক্তি অসিনা মখোয়গী নুংগী ওইবা শক্তি অসিদা মতেং পীরবা মদু ওইরবদি মখোয়গী ফগৎলক্তুনা মখোয়না পাম্লিবা থবক অদু পাংথোকপা ঙমগনি। দাঃ সর্বপল্লী রাধাকৃষ্ণণ পল্লদুনা প্রধান মন্ত্রীনা হায় মদুদি এন.ই.পি. অসি দাঃ রাধাকৃষ্ণণগী মহৈ তম্বগী মিয়েং লৈবাক অমগী চাওখৎ থৌরাংদা অয়েৎপা য়াওদবা অমসুং শক্তি পীদুনা শরুক য়াবা অসিদা পান্দম থম্বনি। ইজুকেসনগী মেনেজমেন্ত অসি মালেম অসিবু য়ুনিৎ অমদা থম্বা অদুবু, ভারতকী মহৈ খুতমদা পুক্নিং চিংশিনবা অসিনি।   

হেন্না ময়েক লানা চংশিল্লক্লিবা আত্মনির্ভর ভারত অসিদা হৈ-শিংবগী অপাম্বা হেনগৎলক্লিবা অসিদা ৱা ঙাংলদুনা, প্রধান মন্ত্রীনা হায় মদুদি ভারত অসি তুংদা আর্তিফিসিএল ইন্তিলিজেন্স, ইন্তর্নেত ওফ থিংস, অচৌবা দেতা, ৩.দি. প্রিন্তিং, ভর্চুএল রিএলিতী অমসুং রোবোতিক্স, মোবাইল তেক্নোলোজী, জিও-ইনফোর্মেতিক্স, স্মার্ত হেলথ কেয়র অমসুং দিফেন্স সেক্তর অসিদা মায় ওনশিল্লি। স্কীলশিং অসিগী মচাকশিং অসি ফংনবা ইন্দিয়ন ইন্সতিত্যুৎ ওফ স্কীল অসি লৈবাক অসিগী চাওর-চাওরবা মোত্রোপোলিতান অহুমদা লিংখৎলি। মুম্বাইদা, ইন্দিয়ন ইন্সতিত্যুৎ ওফ স্কীলগী অহানবা বেতচ হান্ননা হৌদোকখ্রে। ২০১৮দা, তুংগী ওইবা স্কীলগী খোঙথাংশিং এন.এ.এস.এস.সি.ও.এম.না হৌদোকখ্রে হায়না প্রধান মন্ত্রীনা হায়রি। মহাক্না হায় মদুদি ঐখোয়না য়ুনিভর্সিতী পুম্বা মল্তি-দিসিপ্লিনরী, মহৈরোয়শিংদা কোমথোকহনবা পাম্লি হায়না। মহাক্না ভাইস-চান্সেলরশিংদা পন্থুং অসিগীদমক থবক তৌনবা হায়জখি।

শ্রী মোদীনা বাবাসাহেবকী বিচার মীপুম খুদিংগী মান্নবা হক অমসুং মান্নবা খুদোংচাবা অসি মরীক চুম্না হায়খি। প্রধান মন্ত্রীনা মরু ওইবা পীদুনা হায় মদুদি স্কীমশিং হায়বদি জনধন একাউন্ত অসিনা মীপুম খুদিংদা ফাইনান্সিএল ইনক্লুজন ফংলি অমসুং দি.বি.তি.গী মতেংনা হকথেংননা মখোয়গী একাউন্তদা য়ৌরি। প্রধান মন্ত্রী হন্না হায়খি মদুদি মীপুম খুদিংদা বাবাসাহেবকী পাউজেল অসি য়ৌহনগদবনি। মহাক্না মসি অমসু হায়রি মদুদি জল জীবন মীসন, ফ্রী হাউসিং, ফ্রী ইলেক্ত্রিসিতী, লায়চৎ মনুংদা মতেং পাংবা অমসুং নুপীদা শক্তি পীবগী খোঙথাং অসি বাবাসাহেবকী মংলানদা চংশিনবনি।

প্রধান মন্ত্রীনা বাবাসাহেব দাঃ বি.আর. অম্বেদকরকা মরী লৈনবা শ্রী কিশোর মকাৱানানা ইবা মখাদা পীরিবা লাইরিক মরি অমসু ফোংখি:

১.         দাঃ অম্বেদকর জিবন দর্শন

২.         দাঃ অম্বেদকর ব্যক্তি দর্শন

৩.         দাঃ অম্বেদকর রাস্ত্রা দর্শন, অমসুং

৪.         দাঃ অম্বেদকর আয়াম দর্শন

প্রধান মন্ত্রীনা হায় মদুদি লাইরিকশিং অসি মতমগী ওইবা অসিদগী তাবা নত্তে অমসুং বাবাসাহেবকী মালেমগী ওইবা মিয়েং পীরি। মহাক্না আসা তৌই মদুদি অসিগুম্বা লাইরিক অসি মহৈরোয়শিংনা কোলেজ অমসুং য়ুনিভর্সিতীশিংদা পাক্তক্ননা পানরগনি।

*****