প্রধানমন্ত্রীগী লোইশঙ
প্রধান মন্ত্রীনা রাইসিনা দাইলোগ ২০২১ হৌদোকপগী থৌরমদা ঙাংখিবা ৱারোল
Posted On:
13 APR 2021 8:33PM by PIB Imphal
এক্সেলেন্সিশিং!
মরুপশা,
খুরুমজরি!
রাইসিনা দাইলোগ হায়রিবা মসিগী ইদিসন অসি মীওইবগী পুৱারীদা অহোংবা অমা লাকখিবা মিকুপ অমগীনি। মালেমগী ওইবা লায়চৎ অমনা চহি অমা হেন্না মাং তাকপা থোকহল্লি। মসিগী মমাংদা থোকখিবা মালেমগী লায়চৎ অসি চহি চা অমগী মমাংদনি। অদুম ওইনমক মীওইবনা লৌনগনবা লায়না অমদি মতম অদুদগী মায়োক্নদুনা লাক্লি, মালেম অসি ঙসিদি কোবিদ-১৯ লায়চৎ অসি লাকশিন্নবা হোৎনদুনা লৈরি।
ঐখোয়গী সাইন্তিস্ত, রিসর্সরস অমসুং ইন্দস্ত্রীশিংনা ৱাহং খরগী পাউখুম লৈরে।
ভাইরস অসি করিনো?
মতৌ করম্না মসি শন্দোকপগে?
মতৌ করম্না মসি নেম্থহনগদগে?
মতৌ করম্না ঐখোয়না ভেক্সিন অমা পুথোক্কদগে?
মতৌ করম্না ভেক্সিন অসি স্কেল অমদা অমসুং য়াম্না থুনা শিজিন্নগদগে?
হায়রিবা অসিদা অমসুং অতৈ অতোপ্পা ৱাহং কয়া অমগী পাম্বৈ কয়া অমা লাক্লি। অমসুং চিংনবা লৈতনা অতৈ কয়া অমসু লাক্কদৌরি। অদুবু মালেমগী ওইনা ৱাখল খনবা অমসুং লুচিংবা অমা ওইনা ঐখোয় ইশানা ৱাহং খর হেন্না তৌবা তারি।
হৌজিক চহি অমা হেন্না ঐখোয়গী সমাজ অসিগী খ্বায়দগী ৱাখল তাবশিংনা লায়চৎ অসিবু থেংননবা হোৎনরি। মালেমগী সরকার খুদিংমক্না থাক কয়াদা লায়চৎ অসিবু নমথনবা অমসুং লাকশিন্নবা হোৎনরি। হায়রিবা অসিদা করিগীদমক লাক্লিবনো? মরমদি মীওইবা অসিনা ইকোনোমিক চাওখৎনবা হোৎনবনা মরম অমনি।
মসি অহেনবা তান্নবগী মতম্না ওইরিবরা, মতেং পীনবগী ইথিল অসি কাওনখ্রে। অসিগুম্বা ৱাহং অসিগী পাওখুম অসি হৌখিবা মতম খর অসিদগী ফংগনি। মরুপশা অহানবা অমসুং অনিশুবা পৃথিবীগী ওইবা লানজাওগী অকি-তুজুংবা অসিনা মালেম অসি অনৌবা অমা ওইরকখি। পৃথিবীগী অনিশুবা লানজাও লোইখ্রবা দিকেৎ খরগী মতুংদা স্ত্রকচর অমসুং ইন্সিতিত্যুসন কয়া অমা শাগৎখি অদুবু লানজাও অনি অসিগী মরম্না ৱাহং অমখক হংনরকখি মদুদি অহুমশুবা পৃথিবীগী লানজাও মতৌ করম্না ঙাকথোক্কদগে হায়বা অসিনি?
ঙসিদি, ঐহাক্না অদোমদা ৱাহং অসি লাল্লি হায়জরি, মরম অসিনা অনাবা অমবু লায়ওং খঙদনা লায়েংবা অমা পীরি। অদুগা মসিবু তোঙান্না লৌদুনা, অরোইবা লাল অমা ঙাকথোক্নবা খোঙথাং অসিনা মথং অমা নত্তে। শেংনা হায়রবদা মীওইবা অসিনা পৃথিবীগী অহুমশুবা লালজাও অসি থেংনদ্রিঙৈ, মীয়ামগী পুন্সিদা হিংসাগী অকিবা অসি অমদি কোক্লরোই। লাল পাম্বগী মশীং অমসুং লোইবা নাইদবা তেররগী লান্দারকপা অসিনা হিংসা অসি অসুম লৈরগনি।
মরম অদুনা মসিগী চপ চাবা ৱাহং অসি করি ওইগনি?
মখোয়দা য়াওবা য়ারিবা অসি:
করিগীদমক ঐখোয়না চাক তাংবা অমসুং চাক লাম্বা লৈরিবনো?
ঐখোয়না লায়রবা করিগী লৈরিবনো?
নত্রগা খ্বায়দগী অহানবদা
করিগীদমক ঐখোয়না অমগা অমগা মতেং পীনদুনা মীওইবনা থেংনরিবা অৱাবশিং অসি কোক্নবা হোৎনদ্রি?
ঐহাক্না থাজবা লৈজৈ অদুদি ঐখোয়গী ৱাখল অসিনা হায়রিবা অশুম্না খল্লবা, অদু ওইরবদি পাম্বৈ কয়া অমা থোক্লক্নি।
মরুপশা!
মসি হৌজিক ফাওবদা থেংবা ওইদ্রি। হৌখিবা দিকেৎ তরেৎ অসিদা শোইখিবা অমসুং লান্না তৌখিবশিং অসিনা লাক্কদৌরিবা তুংদা অপনবা ওইহল্লোইদবনি। কোবিদ-১৯ লায়চৎ অসিনা মালেম অসি অনৌবা অমা শেম্বা অমসুং ঐখোয়গী ৱাখল অসি শেমদোকপগী খুদোংচাবা অমা পীরি। ঐখোয়না ঙসি থেংনরিবা অৱাবা অমসুং হয়েংগী মুক্নবশিং অসি শেমদোক্নবা অনৌবা মওং অমা শেমহৌগদবনি। অমসুং ঐখোয়না মীওইবা পুম্বগী ওইনা খনগদবনি অমসুং মসি ঐখোয়গী ঙমখৈগী নাকন্দা লৈরিবা অসি খক্তা নত্তনা। মীওইব অসিনা মপুং ওইনা ঐখোয়গীদমক খনবা অমসুং থবক ওইনা পাংথোকপা।
মরুপশা!
লায়চৎ অসিগী মনুংদা, ঐখোয়না চাওথোকচনা, ঐখোয়গী অকক্নবা রিসোর্স অমদা, ঐখোয় ভারতনা ৱারী শান্ননবা হোৎনরি। ঐখোয়না ঐখোয়গী নাগরীক বিল্লিয়ন ১.৩ লায়চৎ অসিদগী ঙাকথোক্নবা হোৎনরি। হায়রিবা মতম অসিদা ঐখোয়না অতোপ্পগী মতেং পীনবা হোৎনরি। ঐখোয়গী য়ুম্লোন্নশিংদা ঐখোয়না ক্রাইসিসকী মতম অসিদা মতেং পীনবা লৈরি হায়না পু্ক্নিং থৌগৎলি। মমাংগী চহিদা ঐখোয়না হিদাক-লাংথক অমসুং অতৈ মচাক কয়া অমা লৈবাক চাম্মা-য়াঙ্খৈদা পীখি। ঐখোয়না মুন্না খঙই মদুদি মীওইবা অসিনা লায়চৎ্ অসি পুন্না হোৎনদুনা, মফম খুদিংদা খুৎশম্নদ্রবদি পুরকপা ঙম্লোই।
মরম অসিনা, চহি অসিদা অৱাবা কয়া অমা মায়োক্নরবসু, ঐখোয়না লৈবাক ৮০ হেন্না ভেক্সিন পীখি। ঐখোয়না খঙই মদুদি পীরিবা অসি মতিক চাদবা অমা ওই। ঐখোয়না খঙই মদুদি অপাম্বনা হেন্না লৈরিবনি। ঐখোয়না খঙই মদুদি মীপুম খুদিং ভেক্সিন পীদ্রিঙৈদা মতম শাংনা লৌগনি। হায়রিবা মতম অসিদা ঐখোয়না খঙই মদুদি আসা খক্তনা মসি পুরকপা ঙমগনি। মরম অদুনা ঐখোয়না থেংনরকপা, ঐখোয়গী হৈ-শিংবা অমসুং ঐখোয়গী রিসোর্স অসি লায়চৎ অসি থেংননবা লেপ্তনা পীগনি।
মরুপশা!
হন্দক্কী চহি অসিগী রাইসিনা দাইলোগ অসিদা ভর্চুএল ওইনা লাকপা অসিদা ঐহাক্না য়াম্না শক্তি লৈবা মীওইবগী ওইবা অমা পুরক্নবা হায়রি। করিগুম্বদা প্লান এ অমসুং প্লান বি হায়নরকপা মতমদা প্লান বি হায় অমা লৈতে মসি প্লানেৎ পৃথিবী খক্তনি। অমসুং ঐখোয়না নিংশিংগদবা অসি ঐখোয়গী তুংগী মীরোলগীদমক প্লানেৎ অসি খক্তনি।
ঐহাক্না মসিগী ৱাখল্লোন অসি পীরি অমসুং লাক্কদৌরিবা নুমিৎ খর অসিদা য়াম্না কান্নরবা খন্ন-নৈনবা অমা পুরকপা ওইরসনু। ঐহাক্না লোইশিন্দ্রিঙৈদা, খন্ন-নৈনবা অসিদা ৱাফম কয়া অমা পীরক্লিবা দিগ্নতরীশিংবু থাগৎপা ফোংদোকচরি। ঐহাক্না অখন্ননা দিয়র এক্সেলেন্সি রৱান্দাগী রাস্ত্রপতী অমসুং দেন্মার্ক্কী প্রধান মন্ত্রীবু দাইলোগ অসিদা মখোয়গী মমল লৈরবা শরুক য়ারিবা অসিবু থাগৎপা ফোংদোকচরি। ঐহাক্কী মরুপ মপাং ওস্ত্রেলিয়াগী প্রধান মন্ত্রী অমসুং য়ুরোপিয়ন কাউন্সিলগী রাস্ত্রপতীবু মতুংদা শরুক য়াগদৌরিবা অসিবু থাগৎপা ফোংদোকচরি।
লোইশিল্লকপদা ওর্গানাইজেসন পুম্বা অসিদা ঐহাক্কী হায়নিংঙাই লৈতনা অমসুং থম্মোয়নুংদগী থাগৎপা ফোংদোকচরি। মখোয়না অৱাবা কয়া অসিগী মরক্তা পুন্ন হোৎনদুনা হন্দক্কী চহি অসিগী রাইসিনা দাইলোগ য়াম্না নিংথিনা পাংথোকখি।
থাগৎচরি। য়াম্না থাগৎচরি।
***
(Release ID: 1711757)
Visitor Counter : 154
Read this release in:
Kannada
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam