ભારતમાં ચાલી રહેલી કોવિડ-19 વિરોધી રસીકરણ કવાયત અંતર્ગત આજદિન સુધીમાં આપવામાં આવેલો કુલ ડોઝનો આંકડો આજે 9.80 કરોડથી વધારે થઇ ગયો છે.

આજે સવારે 7 વાગ્યા સુધીના હંગામી અહેવાલ અનુસાર દેશમાં અત્યાર સુધીમાં 14,75,410 સત્રોનું આયોજન કરીને દેશમાં કુલ 9,80,75,160 રસીના ડોઝ આપવામાં આવ્યા છે. આમાં 89,88,373 HCWsએ પ્રથમ ડોઝ લીધો છે, 54,79,821 HCWsએ બીજો ડોઝ લીધો છે, 98,67,330 FLWs (પથમ ડોઝ) અને 46,59,035 FLWs (બીજો ડોઝ) છે, તેમજ 60 વર્ષથી વધુ ઉંમરના લાભાર્થીઓમાં 3,86,53,105 એ પ્રથમ ડોઝ, 15,90,388 એ બીજો ડોઝ અને 45 વર્ષથી 60 વર્ષની વચ્ચેના લાભાર્થીઓમાં 2,82,55,044 પ્રથમ ડોઝ અને 5,82,064 બીજો ડોઝ લેનારા લાભાર્થીઓ સામેલ છે.

દેશમાં આપવામાં આવેલા રસીના કુલ ડોઝમાંથી 60.62% ડોઝ આઠ રાજ્યોમાં આપવામાં આવ્યા છે.

દેશમાં છેલ્લા 24 કલાકમાં રસીના 34 લાખ કરતાં વધારે ડોઝ આપવામાં આવ્યા છે.

કોવિડ વિરોધી રસીકરણ કવાયતના 84મા દિવસે (9 એપ્રિલ 2021ના રોજ) રસીના કુલ 34,15,055 ડોઝ આપવામાં આવ્યા હતા. આમાં, 46,207 સત્રોનું આયોજન કરીને 30,06,037 લાભાર્થીને પ્રથમ ડોઝ જ્યારે 4,09,018 લાભાર્થીને રસીનો બીજો ડોઝ આપવામાં આવ્યો હતો.

દૈનિક ધોરણે આપવામાં આવતા ડોઝના સંદર્ભમાં ભારત સમગ્ર દુનિયામાં દૈનિક ધોરણે રસીના સરેરાશ 38,93,288 આપીને સતત સૌથી ટોચનું સ્થાન જાળવી શક્યું છે.

ભારતમાં દૈનિક ધોરણે નવા કેસોની સંખ્યામાં સતત વૃદ્ધિનું વલણ જોવા મળી રહ્યું છે અને છેલ્લા 24 કલાકમાં નવા સંક્રમિત થયેલા દર્દીઓની સંખ્યા 1,45,384 નોંધાઇ છે.

દસ રાજ્યો એટલે કે, મહારાષ્ટ્ર, છત્તીસગઢ, ઉત્તરપ્રદેશ, દિલ્હી, કર્ણાટક, તમિલનાડુ, કેરળ, મધ્યપ્રદેશ, ગુજરાત અને રાજસ્થાનમાં દરરોજ કોવિડના નવા કેસોમાં વૃદ્ધિ જોવા મળી રહી છે. એક દિવસમાં નવા નોંધાયેલા કુલ કેસોમાંથી 82.82% દર્દીઓ આ દસ રાજ્યોમાંથી છે.

દેશમાં એક દિવસમાં સૌથી વધુ 58,993 નવા દર્દીઓ મહારાષ્ટ્રમાં નોંધાયા છે. તે પછીના ક્રમે, છત્તીસગઢમાં એક દિવસમાં નવા 11,447 જ્યારે ઉત્તરપ્રદેશમાં નવા 9,587 કેસ નોંધાયા છે.

ભારતમાં હાલમાં કુલ સક્રિય કેસોનું ભારણ હવે 10,46,631 સુધી પહોંચી ગયું છે. કુલ નોંધાયેલા પોઝિટીવ કેસોમાંથી સક્રિય કેસોનો આંકડો હવે 7.93% થઇ ગયો છે. છેલ્લા 24 કલાકમાં કુલ સક્રિય કેસોના ભારણમાં 67,023 દર્દીનો ચોખ્ખો વધારો થયો છે.

મહારાષ્ટ્ર, છત્તીસગઢ, કર્ણાટક, ઉત્તરપ્રદેશ અને કેરળ આ પાંચ રાજ્યોમાં દેશના કુલ સક્રિય કેસોમાંથી 72.23% દર્દીઓ છે. માત્ર મહારાષ્ટ્રમાં જ દેશના 51.23% સક્રિય કેસોનું ભારણ છે.

દેશમાં કુલ સક્રિય કેસોમાંથી 45.65% દર્દીઓ દસ રાજ્યોમાં છે.

ભારતમાં કુલ સાજા થયેલા દર્દીઓનો આંકડો આજે વધીને 1,19,90,859 સુધી પહોંચી ગયો છે. રાષ્ટ્રીય સાજા થવાનો સરેરાશ દર 90.80% નોંધાયો છે.

છેલ્લા 24 કલાકમાં વધુ 77,567 દર્દીઓ સાજા થયા છે.

દૈનિક ધોરણે નવા નોંધાતા મૃત્યુઆંકમાં વૃદ્ધિ જોવા મળી રહી છે. છેલ્લા 24 કલાકમાં દેશમાં કુલ 794 દર્દીનાં મૃત્યુ નોંધાયા છે.

નવા નોંધાયેલા દૈનિક મૃત્યુઆંકમાંથી 86.78% દર્દીઓ દસ રાજ્યોમાં છે. મહારાષ્ટ્રમાં મહત્તમ મૃત્યુ (301) નોંધાયા છે. છત્તીસગઢમાં એક દિવસમાં વધુ 91 દર્દીના મૃત્યુ થયા છે.

બાર રાજ્યો/કેન્દ્રશાસિત પ્રદેશોમાં છેલ્લા 24 કલાકમાં કોવિડ-19ના કારણે એકપણ દર્દીનું મૃત્યુ નોંધાયું નથી. આમાં પુડુચેરી, લદાખ (કેન્દ્રશાસિત પ્રદેશ), દમણ અને દીવ તેમજ દાદરા અને નગર હવેલી, નાગાલેન્ડ, ત્રિપુરા, મેઘાલય, સિક્કિમ, મિઝોરમ, મણીપુર, લક્ષદ્વીપ, આંદામાન અને નિકોબારના ટાપુઓ તેમજ અરુણાચલ પ્રદેશ છે.