مرکزی وستا اوینیو کی بھومی پوجن تقریب مکان اور شہری امور کے وزیر مملکت (آزادانہ چارج) جناب ہردیپ سنگھ پوری کے ذریعے پوری کی گئی۔ مکان اور شہری امور کی وزارت  کے سکریٹری جناب دُرگا شنکر مشرا ، سی پی ڈبلیو ڈی کے ڈائرکٹر جنرل اور وزارت کے سینئر افسران کی موجودگی میں انڈیا گیٹ، نئی دہلی میں آج اس تقریب کے ساتھ ، سنٹرل وستا اوینیو  کی تعمیر  ؍ باز تعمیر کے لئے کام شروع ہو گیا ہے۔ سنٹر ل وستا اوینیو ساؤتھ اور نارتھ بلاک سے انڈیا گیٹ تک شروع ہوتا ہے، جس میں راج پتھ،  اس کے آس پاس  کے دالان اور نالیاں (کینال)، درختوں کی قطاریں، وجے چوک اور انڈیا گیٹ پلازہ سمیت ایک 3 کلو میٹر  لمبا حصہ ہے۔ یہ بنیادی طور سے برطانوی حکومت کے دوران وائسرائے ہاؤس کے لئے ایک عا لیشان  جلوس کے راستے کے طور پر بنایا گیا تھا۔ اس کا استعمال        آزادی حاصل ہونے کے بعد بھارت کے لوگوں اور ان کی سرکار کے ذریعے دوبارہ کیا گیاتھا۔

آزادی کے بعد سنٹرل وستا اوینیو میں کچھ ترمیم کر کے اس جگہ کا منظرنامہ بدل دیا گیا تھا۔ درختوں کی نئی قطاروں کو 1980 میں جوڑا گیا تھا، شمال جنوب رابطہ میں اصلاح کے لئے ایک نئی سڑک رفیع احمد قدوائی مارگ کی تعمیر کی گئی تھی۔ ہر سا ل اس اوینیو پر سالانہ یوم جمہوریہ تقریب (آر ڈی سی) منعقد کی جاتی ہے۔ بین الاقوامی یوگا ڈے، ہندوستانی غذائی تیوہار ، سیاحتی تیوہار، اڑیہ تیوہار اور پراکرم تیوہار جیسے دیگر پروگرام بھی یہاں ہر سال منعقد کئے جاتےہیں۔ یہ دلی میں سب سے زیادہ بار دیکھی جانے والی جگہ اور سیاحت کا اہم مرکز ہے، حالانکہ اس میں بیت الخلا،راستے، معینہ وینڈنگ زون،  پارکنگ ، روشنی کا مناسب انتظام، اشارے وغیرہ  جیسی عوامی سہولیات کی کمی ہے۔  اس کے دالان اور پانی کی نہریں خراب حالت میں ہیں، کیونکہ ان کا انتظام بڑے عوامی استعمال کے لئے نہیں کیا گیا تھا اور اب ان پر زیادہ زور پڑنے لگا ہے۔ یوم جمہوریہ کا انتظام کرنے میں لمبا وقت لگتا ہے اور اس دوران زیادہ تر علاقے عوام کی رسائی سے دور ہو جاتے ہیں۔

حکومت نے  سنٹرل وستا کی بڑے پیمانے پر تبدیلی کے حصہ کے طور پر انہیں دوبارہ تعمیر کرنے کا فیصلہ کیا ہے۔ اس کا مقصد اوینیو کو ایک ایسی علامت بنانا ہے، جو صحیح معنیٰ میں ہندوستان کی ترجمانی کرے۔ یہ دنیا کے سب سے بہترین سنٹرل وستا اوینیو میں سے ایک ہوگا۔ اس پروجیکٹ میں ایسی سہولیات فراہم کرنا ہے، جو  شہریوں اور سیاحوں کو استعمال کرنے کے لئے آرام دہ بناتی ہیں اور یہ زیادہ پیدل چلنے والوں کو مناسب ٹریفک کے لئے قابل استعمال بناتی ہے۔

سرکار نے 10 نومبر 2020 کو 608 کروڑ روپے کی تخمینہ لاگت کے ساتھ سنٹرل وستا اوینیو کی ترقی کے لئے ایک تجویز کو منظوری دی تھی۔ اس کے لئے دہلی اربن آرٹس کمیشن ، ہیریٹیج کنزرویشن کمیٹی، سنٹرل وستا کمیٹی، لوکل باڈی وغیرہ سے اجازت حاصل کی گئی ہے۔ سی پی ڈبلیو ڈی کو اس  اہم کام کو کرنے کی  ذمہ داری سونپی گئی ہے۔ سی پی ڈبلیو ڈی کے ذریعے ترقی کے مرحلہ ایک کا کام بڑی تعمیراتی کمپنیوں ، میسرز، شاپور جی پلون جی کمپنی (پرائیویٹ) لمیٹیڈ کو 477 کروڑ روپے کی لاگت کے ساتھ 8 جنوری 2021 کو  مقابلہ جاتی بولی کےذریعے  دی گئی ہے اور آج مؤ رخہ 4 فروری 2021 اس پر کام شروع کیا جا رہا ہے۔

*************

( ش ح ۔ق ت۔  ک ا)

U. No. 3433