সেন্ত্রেল ভিস্তা এভেন্যুগী উরেপ উয়ুং তম্বগী থৌরম এম.এ.এস. (আই./সি.) ফোর হাউজিং এন্দ অর্বান এফ্যার্স শ্রী হর্দীপ এস. পুরিনা ঙসি নই দিল্লীগী ইন্দিয়া গেত্তা এম.ও.ঐচ.য়ু.এ. সেক্রেতরী শ্রী দুর্গা শঙ্কর মিস্রা, দি.জি., সি.পিদব্লিউ.দি. অমসুং মকোক থোংবা ওফিসরশিং য়াওবা থৌরম অমদা পাঙথোকখ্রে‍। থৌরমসিগা লোয়ননা সেন্ত্রেল ভিস্তা এভেন্যু শেমগৎপগী/নৌনা শেমগৎপগী থবক হৌখ্রে‍। রাজপথ, মসিগী নক্নবা লোন অমসুং খোংলমশিং, উ পরেং, ভিজয় চৌক অমসুং ইন্দিয়া গেত প্লাজা য়াওনা অৱাং অমসুং খা থংবা ব্লোক্তগী হৌরগা ইন্দিয়া গেত ফাওবা ওইরিবা সেন্ত্রেল ভিস্তা এভেন্যু অসি কিলোমিতর ৩ শাংবা পরিংনি‍। মসি তশেংবগীদি ব্রিতিস লৈঙাক্কী মতমদা ভাইসরোইগী য়ুম লৈরম্বা অদু ফাওবা য়ৌগদবা অচৌবা খোঙচৎগী লম্বী পরিং ওইনা দিজাইন তৌরম্বনি‍। মসি ভারতকী মীয়াম অমসুং মখোয়গী লৈঙাক্না নীং তম্বা ফংলবা মতমদা লৌখৎলম্বনি‍।

নীংতম্লবা মতুংদা সেন্ত্রেল ভিস্তা এভেন্যু অসিদা অহোংবা খরা পায়খৎখি; লেন্দস্কেপ হোংদোকখি, উ পরেং অনৌবশিং ১৯৮০গী মতমদা হাপচিনখি, অৱাং-খা শম্নবগী ফীভম ফগৎহন্নবা রাফি অহমদ কিদ্বাজ মার্গ কৌবা লম্বী অনৌবা অমা শেমখি‍। চহীগী ওইবা রিপব্লিক দে সেলেব্রেসন (আর.দি.সি.)গী থৌরম চহী খুদিংগী মফমসিদা পাঙথোকই‍। ইন্তরনেসনেল য়োগ দে, ইন্দিয়ন ফুদ ফেস্তিবেল, পর্য়াতন পর্ব, ওরিয়া পর্ব অমসুং পরাক্রম পর্বনচিংবা মরুওইবা থৌরমশিংসু মফমসিদা চহীগী ওইনা পাঙথোকই‍। মফমসিদা মী য়াম্না লাক্নৈ‍। মসি দিল্লীগী খ্বাইদগী তোয়না মী লাকপা অমদি মরুওইবা লম কোয়বশিংগী পুক্নিং চিংশিনফম্নি‍। অদুম ওইনমক, মসিদা খোঙহাম খুৎহাম্ফম, খোঙ লম্বী, তোঙান্না থম্লবা ভেন্দিং জোন, পার্কিং, মতিক চানা মৈ থানবা অমদি সিগনেজনচিংবা পব্লিক এমেনিতিশিং য়াওদে‍। মসিগী লোন অমসুং ঈশিংগী খোংলমশিং মীয়াম্না য়াম্না শীজিন্ননবগীদমক থৌরাং তৌখিবা নত্তবনা তুমশিল্লকপগী ফীভমদা লৈদুনা হৌজিক খুদোংচাদবা মায়োক্নরি‍। গনতন্ত্র নুমীৎকী থৌরাং তৌবদসু মতম শাংনা চঙলি অমদি মতমসিদা মসিগী মফম অয়াম্বা মীয়াম্না চঙবা য়াদে‍।

সেন্ত্রেল ভিস্তাবু মপুং ফানা অওনবা পুরক্নবা থৌরাংগী শরুক অমা ওইনা মফম অসিবু শেমগত্তুনা হায়রিবশিং অসি কোকহন্নবা লৈঙাক্না ফিরেপ লৌখিবনি‍। থৌরাং অসিগী পান্দমদি মফম অসিবু অনৌবা ভারতকা চুনবা ফিদম্নফম ওইবা মফম অমা ওইহনবা হায়বসিনি‍। মসি মালেমগী খ্বাইদগী ফবা সেন্ত্রেল ভিস্তা এভেন্যুশিংগী মরক্তা অমা ওইগদৌরিবনি‍। ফীভম অসি মফমসিগী লেন্দস্কেপ শেমজিন্দুনা, মপাঙ্গল কলহন্দুনা অমদি হান্নগী ফীভমদা পুরক্তুনা অমদি উ মরাং কায়না থাদুনা; মীয়ামনা অমদি লম কোয়বশিংনা শীজিন্নবদা নুংঙাইহন্নবা এমেনিতিশিং হাপচিন্দুনা অমদি ; মফমসিদা খোঙনা চৎপশিংদা নুংঙাইহন্নবা অমদি ত্রাফিকশিং থৈদোক থৈজিন্দুনা লায়থোকহনবা ফীভম পুরক্তুনা শেমগদৌরিবনি‍। মওং মতৌ অসিনা পোৎ য়োল্লিবশিংদা মফম অমদি খুদোংচাবা পীননবা, লৈবাক্কী থৌরমশিং পাঙথোকপগী শেম শাবদা খুদোংচাদবা থোকপা হন্থহন্নবা, অমদি ভিস্তাগী মশাগী লেআউত, জিওমিত্রি অমসুং আর্কিতেকচরেল করেক্তর কায়হন্দনা থৌরাং তৌরি‍।

লৈঙাক্না চাউরাক্না লুপা করোর ৬০৮ চঙনা সেন্ত্রেল ভিস্তা এভেন্যু শেমগৎনবা ৱাফম নবেম্বর ১০, ২০২০দা অয়াবা পীখি‍। দিল্লী অর্বান আর্ত কম্মিসন, হেরিতেজ কঞ্জার্বেসন কম্মিতী, সেন্ত্রেল ভিস্তা কম্মিতী, লোকেল বোদীনচিংবদগী মথৌ তাবা অয়াবা লৌরে‍। মরুওইবা থবক অসি পায়খৎনবা সেন্ত্রেল পব্লিক ৱর্ক দিপার্তমেন্ত (সি.পি.দব্লিউ.দি.)দা শিন্নখ্রে‍। শেমগৎপগী অহানবা তাঙ্কক্কী থবক সি.পি.দব্লিউ.দি.না কম্পিতিতিব বিদ্দিংগী খুত্থাঙদা ০৮.০১.২০২১দা লুপা করোর ৪৭৭গী শেন্ফমদা অচৌবা কন্সত্রক্সন কম্পেনিশিংগী মরক্তা অমা ওইরিবা এম./এস. শাপুরজি পল্লোঞ্জি কম্পেনী (প্রাইভেত) লিমিতেদতা শিন্নখ্রে অমদি মসিগী থবক ঙসি ০৪.০২.২০২১দগী হৌখ্রে‍।

অহানবা তাঙ্কক্তা পায়খৎকদৌরিবা শেমগৎ শাগৎপগী থবক্তা য়াওরিবা মচাকশিংদি;

লেন্দস্কেপিং অমসুং লোন শেমজিনবা‍। গ্রীন কভর স্কোয়র মিতর ৩,৫০,০০০দগী স্কোয়র মিতর ৩,৯০,০০০দা হেনগৎহনবা‍।  মওং মরিল নাইবা ঈথৈ লৌখোংগী সিস্তেম পীবা‍।

ভিজিতর/তুরিস্তশিংগীদমক মফম ১০দা ভেন্দিংগী মফম, খোঙহাম খুৎহাম্ফম য়াওবা পব্লিক এমেনিতিশিং, থক্নবা ঈশিংগী খুদোংচাবা ফংহনবা‍।

মফমসিবু খোঙনা চৎপশিংদা নুংঙাইহন্নবা রাজপথকা শম্নবা অন্দরপাসশিং জনপথ অমসুং সি.-হেক্সাগোন্দা শেম্বা‍।

রাজপথ, কেনেল পরিংদা খোঙ লম্বী মরাং কায়না শেবা‍। চুনবা মফম ১২দা পার্কিং অমসুং পব্লিক এমেনিতিশিং য়াওনা হেন্না ফবা চত্থোক চৎশিনগী ফীভম লৈহন্নবা খোঙলম মথক্তা অনেম্বা থাক্কী থোং য়াওবা খোঙ লম্বীশিং লোন ফাওনা শেমবা‍।

ঈশিং লূনা থম্নবগীদমক মওং মরিল নাইবা লাইনিং অমসুং এরেতর য়াওরগা খোঙলমশিং নৌনা শেম্দোকপা‍।

ফত্তবা ঈশিং রিসাইকল তৌননবা সিৱরেজ ত্রীতমেন্ত প্লান্ত

কার, কাংখোঙ অনি পান্বা গারী, বসশিংগী মরাং কায়রবা পার্কিং মফম থম্বা

সিগনেজ, লাইতিং, সি.সি.তি.ভি. কেমেরাশিং, খোঙ, নোংগী ঈশিং য়োকশিন্নবা, ৱাতর সপ্লাই সিস্তেম থমবা

গনতন্ত্র নুমীৎকী থৌরম পাঙথোক্লিঙৈদা ঙাইহাক্কী ওইবা ফম্ফম হাপচিনবা অমদি লৌথোকপদা চঙবা মতম হন্থহন্নবা থুপচিনবা য়াবা ফম্ফমগী থৌরাং‍।

ঈশিং মাঙহন্দবদা মীৎয়েঙ চঙদুনা শেম শারিঙৈ/শেমজিল্লিঙৈ মনুংদা অকোয়বগী ফীভমদা মোৎশিলহনবা হন্থহন্নবা মতিক চাবা থৌরাং লৌখৎপা‍।

****