రోజువారీ కొత్త కోవిడ్ కేసులు అత్యధికంగా వస్తున్న ఆరు రాష్ట్రాలలో మహారాష్ట్ర, పంజాబ్,  చత్తీస్ గఢ్, కర్నాటక, గుజరాత్, మధ్యప్రదేశ్ లోనే 79.57%  కేసులు నమోదయ్యాయి. గత 24 గంటలలో దేశవ్యాప్తంగా  62,258  కొత్త కేసులు రాగా మహారాష్ట్రలో అత్యధికంగా 36,902, పంజాబ్ లో 3,122, చత్తీస్ గఢ్ లో 2,665 కొత్తకేసులు నమోదయ్యాయి.

 ఈ క్రింద పేర్కొన్న విధంగా పది రాష్ట్రాలలో కొత్త కేసుల పెరుగుదల కనబడుతోంది.

భారతదేశ వ్యాప్తంగా చికిత్సపొందుతూ ఉన్న కోవిడ్ బాధితుల సంఖ్య ఈ రోజుకు  4,52,647 కు చేరింది. ఇది ఇప్పటిదాకా వ్యాధి సోకిన మొత్తం కోవిడ్ పాజిటివ్ కేసులలో 3.8%. గత 24 గంటలలో నికరంగా పెరిగిన చికిత్సలో ఉన్న కేసుల సంఖ్య   31,581. ఈ సంఖ్యలో మహారాష్ట్రమ్ కేరళ, పంజాబ్ రాష్ట్రాల వాటా 73%

మరోవైపు దేశవ్యాప్తంగా వేసిన టీకా డోసుల సంఖ్య 5.8-కోట్లు దాటింది. ఈ ఉదయం 7 గంటలవరకు అందిన సమాచారం ప్రకారం 9,45,168 శిబిరాల ద్వారా 5,81,09,773 టీకా డోసుల పంపిణీ జరిగింది.   ఇందులో  80,96,687 డోసులు ఆరోగ్య సిబ్బందికిచ్చిన మొదటి డోస్ కాగా 51,44,011 డోసులు వారికిచ్చిన రెండో డోసులు, అదే విధంగా   87,52,566 డోసులు కోవిడ్ యోధుల మొదటి డోసులు. 35,39,144 డోసులు వారికిచ్చిన రెండో డోసులు, 61,72,032 డోసులు 45 ఏళ్ళు పైబడి దీర్ఘకాలిక వ్యాధులతో ఉన్నవారి మొదటి డోసులు,   2,64,05,333 డోసులు 60 ఏళ్ళు పైబడ్డవారికిచ్చిన మొదటి డోసులు కలిసి ఉన్నాయి.   

 2021 మార్చి 25 నాటికి ప్రపంచంలో అత్యధికంగా టీకా డోసులు ఇచ్చిన దేశాలలో భారత్ రెండో స్థానంలో నిలిచింది.

 భారత్ లోను, ఇతరదేశాలలోను టీకాల పంపిణీ వేగాన్ని ఈ క్రింది చిత్ర పటం చూపుతుంది.

..

 దేశవ్యాప్తంగా ఇచ్చిన టీకాలలో 60% టీకాలు కేవలం ఎనిమిది రాష్ట్రాలలోనే  ఇవ్వటం గమనార్హం. మహారాష్ట్ర, రాజస్థాన్, ఉత్తరప్రదేశ్, గుజరాత్ రాష్ట్రాలు ఒక్కొక్కటీ 50 లక్షలకు పైగా టీకాలిచ్చాయి.

 టీకాల కార్యక్రమం మొదలైన 70వ రోజైన ఫిబ్రవరి 26 నాడు 26,05,333 టీకాడోసులిచ్చారు. అందులో  24,25,146 మంది లబ్ధిదారులు  43,281 శిబిరాల ద్వారా  మొదటి డోస్ అందుకున్న ఆరోగ్య సిబ్బంది, కోవిడ్ యోధులు కాగా 1,80,187 మమ్ది రెండో డోస్ అందుకున్న కోవిడ్ యోధులు, ఆరోగ్య సిబ్బంది.

రోజువారీ సగటు టీకా డోసులు క్రమంగా పెరుగుతున్నట్టు స్పష్టమవుతోంది.   

దేశవ్యాప్తంగా కోవిడ్ నుంచి కోలుకొని బైటపడినవారి మొత్తం సంఖ్య పెరుగుతూ నేటికి1,12,95,023 కి చేరింది. ఇది కోలుకున్నశాతాన్ని   94.84% కి చేర్చింది.  గత 24 గంటలలో 30,386  మంది కోలుకున్నారు.  మహారాష్ట్రలో అత్యధికంగా ఒక్క రోజులో 17,019 మంది కోలుకున్నారు.

గత 24 గంటలలో 291 కోవిడ్ మరణాలు నమోదయ్యాయి. అందులో ఐదు రాష్ట్రాలలోనే 75.6% మంది చనిపోయారు. మహారాష్ట్రలో అత్యధికంగా నిన్న ఒక్కరోజే  112 మంది,  పంజాబ్ లో 59 మంది చనిపోయారు.

పద్నాలుగు రాష్ట్రాలు, కేంద్ర పాలిత ప్రాంతాలలో గత 24 గంటలలో  ఒక్క కోవిడ్ మరణం కూడా నమోదు కాలేదు.  అవి: అస్సాం, ఒడిశా, పుదుచ్చేరి, లద్దాఖ్, డామన్-డయ్యూ, దాద్రా-నాగర్ హవేలి, లక్షదీవులు, మణిపూర్, త్రిపుర, సిక్కిం, మేఘాలయ, మిజోరం, అండమాన్-నికోబార్ దీవులు, నాగాలాండ్, అరుణాచల్ ప్రదేశ్ 

***