୬ଟି ରାଜ୍ୟ ଯଥା ମହାରାଷ୍ଟ୍ର, ପଞ୍ଜାବ, କର୍ଣ୍ଣାଟକ, ଗୁଜରାଟ, ଛତିଶଗଡ଼ ଓ ତାମିଲନାଡୁରେ ଦୈନିକ ନୂଆ କରୋନା ମାମଲା ବୃଦ୍ଧି ପାଇଛି । ଗତ ୨୪ ଘଣ୍ଟାରେ ଦେଖାଦେଇଥିବା ମୋଟ ନୂଆ ମାମଲା (୪୦,୭୧୫)ରେ ଏହି ରାଜ୍ୟଗୁଡ଼ିକର ଭାଗ ୮୦.୯୦% ।

          ମହାରାଷ୍ଟ୍ରରେ ସର୍ବାଧିକ ସଂକ୍ରମଣ ମାମଲା ଜାରି ରହିଛି ଏବଂ ଏଠାରେ ୨୪,୬୪୫ (୬୦.୫୩%) ନୂଆ ମାମଲା ଚିହ୍ନଟ କରାଯାଇଛି । ଏହା ପଛକୁ ଥିବା ପଞ୍ଜାବରେ ୨,୨୯୯ ନୂଆ ମାମଲା ଚିହ୍ନଟ ହୋଇଥିବା ବେଳେ ଗୁଜରାଟରେ ୧,୬୪୦ ନୂଆ ମାମଲା ସାମ୍ନାକୁ ଆସିଛି ।

ନିମ୍ନରେ ୧୦ ରାଜ୍ୟର ତଥ୍ୟ ଦିଆଗଲା, ଯେଉଁଠାରେ ଦୈନିକ ନୂଆ ମାମଲା ଉପରମୁହାଁ ହୋଇଛି ।

          ଭାରତର ମୋଟ ସକ୍ରିୟ କରୋନା ମାମଲା ଫେବୃଆରୀ ମଧ୍ୟଭାଗରେ ସର୍ବନିମ୍ନ ସ୍ତରକୁ ଖସିବା ପରେ ଏବେ ବୃଦ୍ଧି ପାଇବାକୁ ଲାଗିଛି । ଆଜିକା ଦିନରେ ଏହା ୩.୪୫ ଲକ୍ଷ (୩,୪୫,୩୭୭) ରହିଛି । ଗତ ୨୪ ଘଣ୍ଟାରେ ମୋଟ ସକ୍ରିୟ ମାମଲାରେ ଆଉ ୧୦,୭୩୧ ଯୋଡ଼ି ହୋଇଛି ।

   ଦେଶରେ ରହିଥିବା ମୋଟ ସକ୍ରିୟ ମାମଲାରୁ ୭୫.୧୫%୩ଟି ରାଜ୍ୟ ଯଥା ମହାରାଷ୍ଟ୍ର, କେରଳ ଓ ପଂଜାବରୁ ରହିଛି । ଦେଶର ମୋଟ ସକ୍ରିୟ ମାମଲାରେ ମହାରାଷ୍ଟ୍ରର ଏକାକୀ ୬୨.୭୧% ରହିଛି ।

ନିମ୍ନରେ ଦିଆଯାଇଥିବା ଗ୍ରାଫରେ ଭାରତରେ କୋଭିଡ-୧୯ ମାମଲା ଦୁଇଗୁଣା କେମିତି ହେଲା, ତାହା ଦର୍ଶାଉଛି ।

ମାମଲା ଦୁଇଗୁଣା ହେବାର ସମୟ ୨୦୨୧ ମାର୍ଚ୍ଚ ୧ରେ ୫୦୪.୪ ଥିଲା, ଯାହା ୨୦୨୧ ମାର୍ଚ୍ଚ ୨୩ରେ ୨୦୨.୩ ରହିଛି ।

          ଆଜି ସକାଳ ୭ଟା ପର୍ଯ୍ୟନ୍ତ ଉପଲବ୍ଧ ରିପୋର୍ଟ ମୁତାବକ ଦେଶରେ ୭,୮୪,୬୧୨ ସେସନ ଜରିଆରେ ୪.୮ କୋଟି (୪,୮୪,୯୪,୫୯୪)ରୁ ଅଧିକ ଟିକା ଡୋଜ ପରିଚାଳନା କରାଯାଇଛି । ଆଜି ପ୍ରଥମ ଡୋଜ ପରିଚାଳନା ସଂଖ୍ୟା ୪ କୋଟି (୪,୦୬,୩୧,୧୫୩) ଅତିକ୍ରମ କରିଛି ।

          ତନ୍ମଧ୍ୟରୁ ୭୮,୫୯,୫୭୯ ସ୍ୱାସ୍ଥ୍ୟ କର୍ମୀ (ପ୍ରଥମ ଡୋଜ), ୪୯,୫୯,୯୬୪ ସ୍ୱାସ୍ଥ୍ୟ କର୍ମୀ (ଦ୍ୱିତୀୟ ଡୋଜ), ୮୨,୪୨,୧୨୭ ଫ୍ରଣ୍ଟଲାଇନ କର୍ମଚାରୀ (ପ୍ରଥମ ଡୋଜ), ୨୯,୦୩,୪୭୭ ଫ୍ରଣ୍ଟଲାଇନ କର୍ମଚାରୀ (ଦ୍ୱିତୀୟ ଡୋଜ), ବିଭିନ୍ନ ରୋଗରେ ପୀଡ଼ିତ ୪୫ ବର୍ଷରୁ ଅଧିକ ବୟସର ୪୨,୯୮,୩୧୦ ହିତାଧିକାରୀ ଏବଂ ୬୦ରୁ ଅଧିକ ବୟସର ୨ କୋଟି (୨,୦୨,୩୧,୧୩୭)ରୁ ଅଧିକ ହିତାଧିକାରୀ ପ୍ରଥମ ଡୋଜ ଗ୍ରହଣ କରିଛନ୍ତି ।

          ଟିକାକରଣ ଅଭିଯାନର ୬୬ତମ ଦିନ (୨୦୨୧ ମାର୍ଚ୍ଚ ୨୨)ରେ ୩୨ ଲକ୍ଷ (୩୨,୫୩,୦୯୫)ରୁ ଅଧିକ ଟିକା ଡୋଜ ଦିଆଯାଇଛି । ଏମାନଙ୍କ ମଧ୍ୟରୁ ୨୯,୦୩,୦୩୦ ହିତାଧିକାରୀଙ୍କୁ ୪୮,୩୪୫ ସେସନରେ ପ୍ରଥମ ଡୋଜ (ସ୍ୱାସ୍ଥ୍ୟ କର୍ମୀ ଓ ଫ୍ରଣ୍ଟଲାଇନ କର୍ମଚାରୀ) ଦିଆଯାଇଥିବା ବେଳେ ୩,୫୦,୦୬୫ ସ୍ୱାସ୍ଥ୍ୟ କର୍ମୀ ଓ ଫ୍ରଣ୍ଟଲାଇନ କର୍ମଚାରୀ ଦ୍ୱିତୀୟ ଡୋଜ ଗ୍ରହଣ କରିଛନ୍ତି ।

          ଭାରତର ମୋଟ କରୋନା ଆରୋଗ୍ୟ ସଂଖ୍ୟା ଆଜି ୧,୧୧,୮୧,୨୫୩ ରହିଛି । ଜାତୀୟ ଆରୋଗ୍ୟ ହାର ୯୫.୬୭% ରହିଛି ।

          ଗତ ୨୪ ଘଣ୍ଟାରେ ୨୯,୭୮୫ ଜଣ ଆରୋଗ୍ୟ ଲାଭ କରିଛନ୍ତି ।

            ୨୪ ଘଣ୍ଟାରେ ୧୯୯ ରୋଗୀଙ୍କ ମୃତ୍ୟୁ ଘଟିଛି ।

ଦୈନିକ ମୃତ୍ୟୁ ମଧ୍ୟରୁ ୬ଟି ରାଜ୍ୟର ଅଂଶ ୮୦.୪% ରହିଛି । ମହାରାଷ୍ଟ୍ର ଓ ପଞ୍ଜାବରେ ୫୮ ଲେଖାଏଁ ରୋଗୀ ପ୍ରାଣ ହରାଇଛନ୍ତି । କେରଳ ଓ ଛତିଶଗଡ଼ରେ ୧୨ ଜଣ ଲେଖାଏଁ ଲୋକଙ୍କ ଜୀବନ ଯାଇଛି ।

ଗତ ୨୪ ଘଣ୍ଟାରେ ୧୪ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ଗୋଟିଏ ବି କରୋନା ମୃତ୍ୟୁ ରିପୋର୍ଟ ହୋଇନାହିଁ । ଏଗୁଡ଼ିକ ମଧ୍ୟରେ ଜମ୍ମୁ-କାଶ୍ମୀର (ୟୁଟି), ଗୋଆ, ଉତ୍ତରାଖଣ୍ଡ, ଓଡ଼ିଶା, ଲାକ୍ଷାଦ୍ୱୀପ, ସିକ୍କିମ, ଡାମନ ଓ ଡିଉ, ଦାଦ୍ରା ନଗରହାବେଳି, ଲଦାଖ (ୟୁଟି), ମଣିପୁର, ମେଘାଳୟ, ମିଜୋରାମ, ଆଣ୍ଡାମାନ ଓ ନିକୋବର ଦ୍ୱୀପ, ଅରୁଣାଚଳ ପ୍ରଦେଶ ଓ ନାଗାଲାଣ୍ଡ।

*******

SR