ملک کی چھ  ریاستوں مہاراشٹر،  پنجاب،  کرناٹک، گجرات ، چھتیس گڑھ اور تمل ناڈو میں یومیہ نئے معاملات میں اضافہ ہورہا ہے۔ گزشتہ 24 گھنٹے میں ان ریاستوں میں مجموعی طور پر (40715) 80.90  فیصد نئے معاملے سامنے آئے ہیں۔

مہاراشٹر میں مسلسل  یومیہ سب سے زیادہ نئے معاملے سامنے آرہے ہیں جو 24645 (60.53 فیصد) ہیں۔ اس کے بعد پنجاب میں 2299 جبکہ گجرات میں 1640 نئے معاملوں کی خبر ہے۔

دس ریاستوں ، جنہیں یہاں نمایاں کیا گیا ہے ، وہاں یومیہ نئے معاملات میں اضافہ ہورہا ہے

ہندوستان کے مجموعی فعال معاملات میں فروری کے وسط میں سب سے زیادہ گراوٹ کے بعد اضافہ ہورہا ہے۔ آج یہ تعداد 3.45 لاکھ (345377)رہی ۔ گزشتہ 24 گھنٹے میں مجموعی فعال معاملات میں سے 10731 معاملات کی مجموعی گراوٹ درج کی گئی ۔

تین ریاستوں ، مہاراشٹر ، کیرالہ اور پنجاب میں ملک کےمجموعی فعال معاملات کا 75.15 فیصد  ہے۔ مہاراشٹر میں تنہا ملک میں مجموعی فعال معاملات کا 62.71 فیصد ہے۔

مندرجہ ذیل گراف ہندوستان میں کووڈ -19 کے معاملات کے دوگنا ہونے کے وقت کی رفتار کو ظاہر کرتا ہے۔ دوگنا ہونے کا وقت یکم مارچ 2021 کو 504.4 سے کم ہو کر 23 مارچ 2021 کو 202.3 ہوگیا۔

آج صبح سات بجے تک عارضی رپورٹ کے مطابق 784612 سیشنز کے ذریعہ 4.8 کروڑ (48494594) سے زائد ٹیکے لگائے گئے۔ آج پہلا ٹیکہ لگانے کے ساتھ ہی یہ تعداد چار کروڑ (40631153) کے پار ہوگئی۔

ان میں 7859579 ہیلتھ کیئر ورکرز (پہلا ڈوز) ، 4959964 ہیلتھ کیئر ورکرز (دوسرا ڈوز) ، 8242127 فرنٹ لائن ورکرز (پہلا ڈوز)  اور 2903477 فرنٹ لائنس ورکرز (دوسرا ڈوز)، 4298310 فیض یافتگان  45 سال سے زیادہ کی عمر جنہیں مخصوص بیماریاں ہیں (پہلا ڈوز) اور دو کروڑ سے زیادہ (20231137) فیض یافتگان 60 سال سے زیادہ عمر کے ، شامل ہیں۔

ٹیکہ کاری مہم کے  66 ویں دن  (22 مارچ 2021) 32 لاکھ سے زیادہ (3253095) ٹیکے لگائے گئے ۔ان میں سے 2903030 فیض یافتگان  کو 48345 سیشنز میں پہلی بار ٹیکے لگائے گئے  (ہیلتھ کیئر ورکرز اور فرنٹ لائن ورکرز)  اور 350065 ہیلتھ کیئر ورکرز اور فرنٹ لائن ورکرز کوویکسین  کے دوسرے ڈوز دئے گئے۔

ہندوستان میں صحتیاب ہونے والوں کی مجموعی تعداد آج 11181253 رہی ۔ قومی سطح پر صحتیابی کی شرح 95.67 فیصد ہے۔

گزشتہ 24 گھنٹے میں صحتیاب ہونے والوں کی تعداد 29785 درج کی گئی۔

گزشتہ 24 گھنٹے میں 199اموات درج کی گئیں۔

چھ ریاستوں میں یومیہ اموات کا فیصد 80.4 رہا ، مہاراشٹر اور پنجاب میں اموات کی تعداد 58،58 رہیں ۔ اس کے بعد کیرالہ اور چھتیس گڑھ میں 12،12 اموات ہوئیں۔

14 ریاستوں اور مرکز کے زیر انتظام علاقوں میں گزشتہ 24 گھنٹے میں کووڈ-19 سے کسی بھی موت کی خبر نہیں ہے۔ یہ ریاستیں ہیں، جموں و کشمیر (یو ٹی) ، گوا، اتراکھنڈ، اڈیشہ، لکشیہ دیپ، سکم ، دمن اینڈ دیو اور دادر اینڈ نگر، لداخ (یو ٹی)، منی پور، میگھالیہ، میزورم، انڈومان ونیکوبار جزائر، اروناچل پردیش اور ناگالینڈ۔

*************

( ش ح ۔ف ا۔  م ص )

U. No. 2926