ইনফোর্মেসন অমসুং ব্রোদকাস্তিং মন্ত্রালয়

কেন্দ্রগী মন্ত্রী শ্রী প্রকাশ জাবদেকরনা চহি ২৫ অসিদা ঐখোয়না করি ফংবা পাম্বগে হায়বা অদু খনবা মতম ওইরে হায়না ফোঙদোকখ্রে; দিল্লী য়াওনা মফম তরেৎতা একজিবিসনশিং হৌদোকখ্রে

Posted On: 13 MAR 2021 3:56PM by PIB Imphal

ইনফোর্মেসন অমসুং ব্রোদকাস্তিংগী কেন্দ্রগী মন্ত্রী শ্রী প্রকাশ জাবদেকরনা ঙসি নই দিল্লীগী নেস্নেল মীদিয়া সেন্তরদা ফোতো-একজিবিসন অমা হৌদোকখ্রে। ব্যুরো ওফ আওৎরীচ এন্দ কম্ম্যুনিকেসনা পাঙথোকপা একজিবিসন অসি অজাদী কা অমৃত মহোৎসব পাল্লন তৌনবা আই এন্দ বি মন্ত্রালয়না চত্থবা অচৌবা এৱের্নেস কেম্পেন অমগী শরুকনি।

থৌরম অসিদা মীদিয়াদা ৱা ঙাংলদুনা মন্ত্রীনা হায় মসি ঐখোয়না নীংতম্বা ফংলবা মতুংদগী কয়াম য়াম্না মাংদা চংশিল্লে হায়বা উৎনবা অমদি লাক্কদৌরিবা চহি কুন-মঙা অসিদা ঐখোয়না করি ফংবা পাম্বগে হায়বা অদু খন্থনবা মরু ওইবা মীকুপ অমনি। একজিবিসনশিং অসিগী মপুং ওইবা ৱাখল্লোনসু মসিনি। মন্ত্রীনা মখা তারদুনা হায় লৈবাক্কীদমক নীংতম্বা হায়বা অসি য়াম্না ৱানা ফংঙি অমসুং একজিবিসন অসিনা মসিদা কত্থোকখিবশিং অদুগী মরুমদা লৈরিবা ৱারী অদু লিথোক্নবা হোৎনরি। শ্রী জাবদেকরনা একজিবিসনশিং অসি পাঙথোক্নবা বি.ও.সি.বু থাগৎখি।

Effective exhibitions set up by @BOC_MIB across the country will educate the populace on the ethos of freedom struggle and envision our path for next 25 years. Inaugurated 7 such exhibitions today. I invite people to visit these venues and leave with a piece of history with them. pic.twitter.com/Undtqcsjb4

— Prakash Javadekar (@PrakashJavdekar) March 13, 2021

https://static.pib.gov.in/WriteReadData/userfiles/v11.mp4

আই এন্দ বি মন্ত্রালয়গী সেক্রেতরী শ্রী অমিৎ খরেনা হায় কেন্দ্রগী গৃহ মন্ত্রীনা লুচিংবা নেস্নেল কম্মিতিনা মন্ত্রালয় খুদিংমক্না মীয়ামদা নীংতম ইহৌদা শরুক য়াখিবা মীওইশিংগী মরমদা মীয়ামদা খঙহন্নবা থবক শিন্নখি। সেক্রেতরীনা হায় একজিবিসনশিং অসিগী দিজিতেল ভর্জন শেম্লি অমসুং ওগস্ত ১৫গী মমাংদা লোঞ্চ তৌরবা য়াই হায়না পান্নরি।

https://static.pib.gov.in/WriteReadData/userfiles/v12.mp4

শ্রী প্রকাশ জাবদেকরনা অতোপ্পা মফম তরুক্তা ফোতো-একজিবিসনশিং ভর্চ্যুএল ওইনসু হৌদোকখ্রে, মখোয় অদুদি

১. সাম্বা জিলা, জম্মু অমসুং কাশ্মির

২. বেঙ্গলুরু, কর্নাতকা

৩. পুনে, মহারাস্ত্র

৪. ভুবনেস্বর, ওরিশা

৫. মোইরাং জিলা, বিশনুপুর, মনিপুর

৬. পতনা, বিহার

সাম্বা, জম্মুগী একজিবিসন অসি ‘সেভিয়র ওফ কাশ্মির’ হায়নসু খঙনবা ১৯৪৭গী ওক্তোবরদা কাশ্মিরদা থোকখিবা এত্তেক অমদা পকিস্তাননা শৌগৎপা ত্রাইব লান্মীগী মায়োক্তা মথন্তনা থেংনখি অমসুং মসি চয়েৎনবা অসিগীদমক মহাক্কী থৱায় থাখিবা ব্রিগেদিয়র রাজেন্দ্র সিংহগী পোক্নফম লমদম ওইরিবা ব্রিগেদিয়র রাজেন্দ্র সিংহ পুরা বগুনাদা পাঙথোকখি। ব্রিগেদিয়র রাজেন্দ্র সিংহ অমসুং মহাক্কী লান্মীশিংনা ভারত আর্মীনা য়ৌরক্ত্রিবা ফাওবা পকিস্তানগী ত্রাইবেল লান্মীশিংনা শ্রীনগর তম্না চংশিল্লকপদা মাই পাক্না থেংথহনখি। ১৯৪৯গী দিসেম্বর ৩০দা নীংতম্বা ফংলবা ভারতকী মহাক্না মহাবীর চাক্রা ফংখিবা অহানবা মীওই ওইখি।

রিজনেল আইৎরীচ ব্যুরো, বেঙ্গলুরুগী একজিবিসন অসি কেন্দ্রিয়া সাদানা, কোর্মঙ্গলা, বেঙ্গলুরুদা পাঙথোকখি। বেঙ্গলুরুদা নেস্নেল হায় স্কুল গ্রাউন্দ, গান্ধী ভবন, বনপ্পা পার্ক, ফ্রীদম পার্ক অমসুং য়েস্বনতপুরা রেলৱে স্তেসন অসিগুম্বা নীতম ইহৌগী খোঙজংগা মরী লৈনবা মফম কয়া অমা লৈ। একজিবিসন অসিনা লৈবাক্কী নীংতম লান্মীশিংগা লোইননা মফম অদুগী নীংতম লান্মীশিংনা কত্থোকখিবা অদু উৎথোক্নবা হোৎনখি।

পুনেগী একজিবিসন অসি আগা খান পেলেস্তা পাঙথোকখি, মসি নীংথৌগী ওইবা বিল্দিং অমনি, মসি নীংতম ইহৌগা য়াম্না অনকপা মরী লৈনৈ, মফম অসি মহাত্মা গান্ধী, মহাক্কী লোইনবী কস্তুরবা গান্ধী, মহাক্কী সেক্রেতরী মহাদেব দেসাই অমসুং সরোজিনি নাই পোন্দি ওইনা থমখি। মহাত্মা গান্ধী অমসুং অতোপ্পা কয়াবু ভারত থাদোকউ হায়বা খোঙজং অদু হৌদোকখ্রবা মতুংদা মফম অসিদা ১৯৪২গী ওগস্ত ৯দগী ১৯৪৪গী মে ৬ ফাওবা থা কুন-মাথোই ফাজিন্দুনা থমখি।  পেলেস অসিদা ফাজিন্দুনা থম্লিঙৈ মতমগী মনুংদা মফম অসিদা কস্তুরবা গান্ধী অমসুং মহাদেব দেসাই লৈখিদে অমসুং মখোয়গী সমাধিশিং মফম অসিদা লৈ। মহাত্মা গান্ধী অমসুং কস্তুরবা গান্ধীগী নীংশিং খুবমশিং মুলা তুরেলগী মনাক্তা লৈবা চপ মান্নবা কম্প্লেক্সতা লৈ।

রিজনেল আইৎরীচ ব্যুরো, ভুবনেস্বরনা একজিবিসন অসি খুর্দা জিলাদা মার্চ ১২দগী মার্চ ১৬ ফাওবা পাঙথোক্কনি। জিলা অসি পুরারীদা অচৌবা মফম অমা কল্লি মরমদি জিলা অসিদা নীংতম লান্মী কয়া পোকখি। নুমিৎ মঙানিগী মতম অসিদা একজিবিসনশিং, সেমিনারশিং, কলচরেল প্রোগ্রামশিং অমসুং অতপ্পা কম্পিতিসনশিং পাঙথোক্কনি। ওরিশাগী নীংতম লান্মীশিংনা চাউনা শরুক য়ারমখিবা অদু তাক্লিবা পেনেলশিংসু দিস্প্লে তৌদুনা থমখি।

মোইরাং অসি ভারতকী নীংতম ইহোগী পুৱারীদা তোপ-তোপ্পা মফম অমা কল্লি অমসুং অজাদী কা অমৃত মহোৎসবকী পাল্লন থৌরমগী শরুক অমা ওইনা মফম অসিদা ফোতো একজিবিসন পাঙথোক্লিবা অসি য়াম্না মগুন লৈ। আই.এন.এ.গী ফীরাল অহানবা ওইনা ১৯৪৪গী এপ্রিল ১৪দা চিংখৎখিবা অদু মোইরাংদা ওইখি।

মনিপুরগী বিশনুপুর জিলাগী মোইরাংদা লৈবা আই.এন.এ. মেমোরিএল ওদিতোরিয়মদা অজাদী কা অমৃত মহোৎসবকী নুমিৎ ৫নিগী ফোতো একজিবিসন ভর্চ্যুএল ওইনা হৌদোকখিবা অসিদা মেম্বর ওফ পার্লিয়ামেন্তগী (লোক সভা) দা. আর.কে. রঞ্জন সিংহ, রাজ্যগী আর্ত অমসুং কলচর বিভাগকী মকোক থোংবা ওফসিএলশিং অমসুং বিশনুপুরগী দিস্ত্রিক্ত এদমিনিস্ত্রেসননা শরুক য়াখি। একজিবিসন অসিগী মপুং ওইবা ফীচরশিংদা ভারতকী নীংতম ইহৌগী মরু ওইবা পন্দুপশিং মদুদি নন-কোওপরেসন মুফমেন্ত, সিবিল দিসওবিদিয়ন্স, ক্বিৎ ইন্দিয়া মুফমেন্ত অসিগুম্বগা লোইননা দান্দী খোঙচৎ, মহাত্মা গান্ধী, নেতাজী সুভাশ চন্দ্র বোস, সর্দার পতেল অমসুং ঐখোয়গী লৈবাক অসিগীদমক ইহৌ অসিদা কত্থোকখ্রবা অতোপ্পা লুচিংবশিংদা মীৎয়েং থম্লিবা কয়া উৎলি। রেজিনেল আওৎরীচ ব্যরোগী স্তাফ অমসুং এম্পেনেল আর্তিস্তশিংনা লৈবাক নীংবা ঈশৈশিং, লমদম অসিগী দ্রমগী জগোইশিং, ভারতকী জগোইশিং অমসুং মার্সিএল আর্তস অসিগুম্বা কলচরেল প্রোগ্রামশিং উৎপা, মহৈরোইশিংগী ক্বিজ অমসুং এক্সতেম্পোর স্পীচ কম্পিতিসন পাঙথোকপা হায়রিবশিং অসিবা প্রোগ্রাম অসিগী মপুং ওইনা মীৎয়েং চিংশিল্লিবা থৌরমশিং ওইখি।

পতনাগী একজিবিসন অসি অনুগ্রহ নারায়ন কোলেজতা পাঙথোকখি। কোলেজ অসি মাংজিল থাখিবা নীংতম লান্মী অমা ওইরিবা অনুগ্রহ নারায়ন সিংহগী মমিং লৌদুনা থোনখিবনি অমসুং মহাক্না গান্ধীজীগী চম্পারন সত্যগ্রহগী মতমদা মরু ওইবা থৌদাং অমা লৌখি। একজিবিসন অসিনা বিহারগী মরু ওইবা নীংতম লান্মীশিং মশক তাকখি। নীংতম লান্মীশিংগী অতাংবা ফুৎতেজ এল.ই.দি. তি.ভি.দা কাপথোকখি অমসুং কলচরেল প্রোগ্রাম অমসু পাঙথোক্লি।

ফোতোশিংগী খুত্থাংদা বি.ও.সি.গী একজিবিসনশিং অসিনা ঐখোয়গী নীংতম ইহৌ লোইননা মসিদা শরুক য়াখিবা মীওইশিংগী কাউঙমদ্রবা মীকুপ খরা নীংশিংনবা হোৎনখি। একজিবিসনশিং অসিনা মহাত্মা গান্ধী, নেতাজী সুভাশ চন্দ্র বোস, সরদার বল্লভভাই পতেল, পন্দিৎ জৱাহরলাল নেহরু, শ্রীমতি সরোজিনী নাইদু, চক্রবর্তী রাজগোপালাচারী, বাল গঙ্গাধর তিলক, বিপিন চন্দ্র পাল, লালা লাজপত রায়গুম্বা তোঙান তোঙানবা নীংতম ইহৌদা শরুক য়াখিবা মশক নাইবা মীওইশিং অমসুং শহীদ ভগৎ সিংহ, চন্দ্রশেখর অজাদ, রাম প্রসাদ বিস্মিল অসিগুম্বা য়াওলোইশিং অমসুং অতোপ্পা কয়ানা কত্থোকখিবশিং অমসুং ইহৌ হৌখিবা অদু উৎকনি।

*****



(Release ID: 1704775) Visitor Counter : 135