প্রধান মন্ত্রী, শ্রী নরেন্দ্র মোদীনা স্কোলর ২১না কম্মেন্তরী পীবগা লোয়নবা স্রিমদ ভগবদগীতাগী শ্লোকাশিংগী মেনুস্ক্রিপ ফোংখ্রে। জম্মু অমসুং কশ্মিরগী লেফতেনেন্ত রাজ্যপাল, শ্রী মনোজ সিনহাগা লোয়ননা জে. অমসুং কে.গী ধরমর্থ ত্রস্তকী চেয়রমেন ত্রস্তী, দাঃ করন সিংহসু থৌরম অদুদা শরুক য়াখি।

থৌরম অসিদা ৱা ঙাংবদা, প্রধান মন্ত্রীনা দাঃ করন সিংহনা ফিলোসোফীগী লমদা পাংথোকপা থবকশিংবু থাগৎখি। মহাক্কী হোৎনবশিং অসিনা চহি চা কয়াদগী ভারতকী ৱাখল্লোনগী চৎনবীবু লুচিংদুনা লাকখিবা জম্মু অমসুং কশ্মিরগী মশকপু অমুক হন্না তাক্লে হায়না মহাক্না মখা তাখি। স্ক্রিপচর অমগী ভর্স খুদিংবু তোঙানবা ৱাহন্থোক কয়া পীবা অমসুং তোঙানবা মিস্তিক্স কয়াগী ৱাহন্থোক পীবগী থৌওংশিং নীংথিজনা উবা ফংহন্দুনা গীতাবু মমুৎ তানা নৈনবদা স্কোলর লিশিং কয়ানা মপুন্সি কত্থোক্লি হায়না মহাক্না পনখি। মসিনা ভারতকী ৱাখল্লোন খনবা অমসুং ফোংদোকপদা নিং-তম্বা অমসুং লৌশিনবগী খুদম অমসু ওইদুনা মীওই খুদিংদা মশাগী ৱাখল্লোন লৈহন্নবা ইথিলসু পীরি হায়না মহাক্না মখা তানা হায়খি।

প্রধান মন্ত্রীনা হায়খিবদা, ভারতপু অমত্তা ওইনা পুনশিনখিবা অদি শঙ্কর্য়চার্য়না গীতাবু ধর্মগী ওইনা হীরমশিংদা ৱাখল তাহন্নবা পাম্বৈনি হায়না উখিবনি হায়খি। রামানুজাচার্য়গুম্বা সাধুশিংনা গীতাবু ধর্মগী ওইবা লৌশিংগী ৱাহন্থোক্নি হায়না ফোংদোকখি। স্বামি বিবেকানন্দগী ওইনদি, গীতানা লোইবা নাইররোইদ্রবা লৌশিং অমসুং য়েৎনবা লৈতনা ইশাদা থাজবগী হৌরকফম ওইখি। শ্রী ঔরোবিন্দো ঘোসকী ওইনদি, গীতা অসি লৌশিং অমসুং মীওইবা খুন্নাইগী অশেংবা অপুনবা শক্তম ওইখি। গীতআনা মহাত্মা গান্ধীগী খ্বাইদগী লুবা মতমশিংদা মঙাল পীদুনা লমজিংবিখি। নেতাজি সুভাস চন্দ্র বোস্পু গীতানা লৈবাক নিংবা অমসুং থৌনা ফবগী ইথিল পীখি। মসিবু গীতা হায়রিবনি হায়না ভারতকী নিং-তম লালহৌদা অনৌবা পাঙ্গল হাপখিবা বাল গঙ্গাধর তিলক্না হায়খি।

প্রধান মন্ত্রীনা ঐখোয়গী গনতন্ত্রানা ঐখোয়গী পুন্সিগী তোঙান-তোঙানবা মতাংশিংদা ৱাখল খনবা, থবক শুবগী নিং-তম্বা অমসুং মান্নবা হক পীরিবনি হায়না পনখি। মসিগী নিং-তম্বা অসি ঐখোয়গী সংবিধানবু ঙাক-শেল্লিবা গনতন্ত্রাগী ইন্সতিত্যুসন অসিদগী লাকপনি। মরম অদুনা, ঐখোয়না ঐখোয়গী হক্কী মতাংদা ৱারী শাবা মতমদা, ঐখোয়গী গনতন্ত্রাগী ওইবা থৌদাংশিংসু নীংশিংগদবনি হায়না মহাক্না হায়খি।

প্রধান মন্ত্রীনা গীতা অসি মালেম অপুনবা অসিগী থৱাই-পানবা জিব খুদিংমক্কী লাইরিক্নি হায়খি। মসিবু ভারত অমসুং মালেমগী তোঙান-তোঙানবা লোল কয়াদা ৱাহন্থোক হন্দোক্লি, মালেমগী স্কোলর কয়ানা তোঙান-তোঙানবা লৈবাকশিংদা মসিদা রিসর্চ তৌনরিবনি।

প্রধান মন্ত্রীনা লৌশিংবু মীপুম খুদিংদা লান্থোকপা হায়বসি ভারতকী চৎনবীদা য়াওই হায়খি। ঐখোয়না অঙ্ক, তেক্সতাইল, মেতাল্লর্জী নত্ত্রগা অয়ুর্বেদদা লৈরিবা লৌশিং অসি মীওই খুন্নাইগী লন্নি হায়না মতম পুম্বদা খন্দুনা লাক্লি হায়না মহাক্না হায়খি। ঙসিদি, ভারতনা মালেম পুম্বগী চাউখৎনবা অমসুং মীওইবা খুন্নাইবু তেংবাংবা ঙম্নবগীদমক্তা মশাগী মতিক-মগুনবু নৌহৌননা অমুক্কা শেমগৎ-শাগৎলি। ভারতকী তেংবাং অসি মালেম শিনবা থুংবনা ইকুই কুইখিদ্রিবা মতমশিংদা উবা ফংখ্রে। মসিগী তেংবাং অসিনা আত্মানির্ভর ভারত অমা ওইনবা হোৎনরিবা অসিদা মালেমদা অচৌবা থাক্তা তেংবাংগনি হায়রদুনা মহাক্কী ৱারোল লোইশিনখি।

Releasing Manuscript with commentaries by 21 scholars on Shlokas of the sacred Gita. https://t.co/aS6XeKvWuc

— Narendra Modi (@narendramodi) March 9, 2021

***