ভাৰতত ক’ভিড-১৯ আক্ৰান্তৰ মৃত্যুৰ সংখ্যা দ্ৰুত গতিত হ্ৰাস পোৱাৰ তথ্য উপলব্ধ হৈছে। আজিৰ তাৰিখত দৈনিক মৃতকৰ সংখ্যা ১০০ৰ তলত বুলি নিশ্চিত কৰা হয়। শেহতীয়া ২৪ ঘণ্টাত দেশত ৯২গৰাকী ব্যক্তিয়ে মৃত্যু আকোৱালি লৈছে।

২০২০চনৰ ১ অক্টবৰৰ পৰা ক’ৰোনা আক্ৰান্তৰ মৃত্যুৰ হাৰ দ্ৰুত গতিত অৱনমিত হোৱা পৰিলক্ষিত হৈছে। আজিৰ তাৰিখত মৃতকৰ শতকৰা হাৰ ১.৫%কৈয়ো কম(১.৪৩%) বুলি নিশ্চিত কৰা হৈছে। এই হাৰ পৃথিৱীৰ ভিতৰতে অন্যতম সৰ্বনিম্ন বুলিয়ে প্ৰতিপন্ন হয়।

দেশত এই পৰ্যন্ত ১.০৬কোটিৰো অধিক (১,০৬,১১,৭৩১)লোকে আৰোগ্য লাভ কৰিছে। ইফালে, শেহতীয়া ২৪ঘণ্টাত ১১,০১৬গৰাকী লোকক আৰোগ্য লাভ কৰাৰ পিচত চিকিত্সালয় এৰাৰ অনুমতি প্ৰদান কৰা হৈছে। আজিৰ তাৰিখত ভাৰতৰ আৰোগ্যৰ হাৰ ৯৭.৩১% বুলি নিশ্চিত কৰা হৈছে, এই হাৰ পৃথিৱীৰ ভিতৰতে সৰ্বাধিক বুলিও প্ৰতিপন্ন হৈছে। আৰোগ্য লাভ কৰোতা আৰু সক্ৰিয় ৰোগীৰ মাজৰ ব্যৱধান হৈছে ১,০৪,৭৪,১৬৪ গৰাকী।

ইফালে, ১৪ ফেব্ৰুৱাৰী ২০২১ৰ পুৱা ৮বজা পৰ্যন্ত দেশৰ স্বাস্থ্যসেৱা কৰ্মী আৰু আগশাৰীৰ সেৱা কৰ্মীৰ ক’ভিড-১৯ বিৰোধী টীকাকৰণৰ সংখ্যাই ৮২লাখৰ ঘৰ অতিক্ৰম কৰিছে।

আজি পুৱা ৮বজা পৰ্যন্ত ৮২,৬৩,৮৫৮গৰাকী হিতাধিকাৰীয়ে প্ৰতিষেধক গ্ৰহণ কৰিছে। এইসকলৰ মাজত ৫৯,৮৪,০১৮(প্ৰথম পালি)গৰাকী স্বাস্থ্যসেৱা কৰ্মী, ২৩,৬২৮(দ্বিতীয় পালি)গৰাকী আৰু ২২,৫৬,২১২(প্ৰথম পালি)আগশাৰীৰ সেৱা কৰ্মী আছিল।

কালিৰে পৰা প্ৰতিষেধকৰ দ্বিতীয়টো পালি প্ৰদানৰ প্ৰক্ৰিয়া আৰম্ভ হৈছে। যিসকল হিতাধিকাৰীয়ে প্ৰথম পালি টীকা লোৱাৰ ২৮টা দিন অতিক্ৰম কৰিছে তেওঁলোকে এই দ্বিতীয়টো পালি গ্ৰহণ কৰাটো বাধ্যতামূলক।

টীকাকৰণৰ ২৯সংখ্যক দিন(১৩ ফেব্ৰুৱাৰী,২০২১)টোত মুঠ ২,৯৬,২১১গৰাকী লোকক টীকা প্ৰদান কৰা হৈছে। আজি সম্পন্ন হোৱা ৮০৭১টা অধিৱেশনত ইয়াৰে ২,৭২,৫৮৩গৰাকীয়ে প্ৰথম পালি আৰু ২৩,৬২৮গৰাকীয়ে টীকাৰ দ্বিতীয়টো পালি গ্ৰহণ কৰিছে।

দিনৌ টীকা লওতাৰ হাৰ বৃদ্ধিৰ তথ্য প্ৰত্যক্ষ কৰিছে দেশে।

টীকা লওতাৰ ৬৮.৫৫%ই দেশৰ ১০খন ৰাজ্যৰ।

ইফালে, নতুনকৈ আৰোগ্য লাভ কৰোতাৰ ৮১.৫৮%ই ৬খন ৰাজ্যৰ।

ইয়াৰে, সৰ্বাধিক ৫,৮৩৫গৰাকী নতুন আৰোগ্যৰে শীৰ্ষ স্থান দখল কৰিছে কেৰালাই। এই তালিকাত ১,৭৭৩ আৰু ৪৮২গৰাকী লোকেৰে দ্বিতীয় আৰু তৃতীয় স্থানত আছে ক্ৰমে মহাৰাষ্ট্ৰ আৰু তামিল নাডু।

ভাৰতত সক্ৰিয় ৰোগীৰ সংখ্যা পুনৰ অৱনমিত হৈ আজি ১.৩৭লাখ(১,৩৭,৫৬৭গৰাকী)লৈ অৱনমিত হৈছে। মুঠ আক্ৰান্তৰ বিপৰীতে সক্ৰিয় ৰোগীৰ আনুপাতিক হাৰ আৰু অধিক কমি গৈ এতিয়া ১.২৬% হৈছেগৈ।

সেইদৰে, নতুনকৈ আক্ৰান্তৰ ৮৬.২৫%ই ৬খন ৰাজ্যৰ।

এইক্ষেত্ৰতো কেৰালাই সৰ্বাধিক ৫,৪৭১গৰাকী দিনটোৰ নতুন আক্ৰান্তৰে শীৰ্ষত অৱস্থান কৰাৰ বিপৰীতে ৩,৬১১ আৰু ৪৭৭গৰাকী আক্ৰান্তৰে দ্বিতীয় আৰু তৃতীয় স্থানত আছে ক্ৰমে মহাৰাষ্ট্ৰ আৰু তামিল নাডু।

ইফালে, শেহতীয়া ২৪ঘণ্টাত মৃত্যু সাৱটা ৭৮.৩% মৃতকেই ৬খন ৰাজ্যৰ।

ইয়াৰে, মহাৰাষ্ট্ৰত সৰ্বাধিক ৩৮গৰাকী লোকে মৃত্যু বৰণ কৰাৰ বিপৰীতে কেৰালাত ১৬গৰাকী আৰু তামিল নাডু আৰু চত্তিশগড়ত ৫গৰাকীকৈ লোকৰ মৃত্যু হৈছে।

****

MV/SJ/KB