କୋଭିଡ-19 ବିରୋଧରେ ଲଢ଼େଇ ସ୍ୱରୂପ ଭାରତ ପାଖାପାଖି ୮୦ ଲକ୍ଷ ହିତାଧିକାରୀଙ୍କର ଟିକାକରଣ କରାଇଛି ।

2021 ଫେବ୍ରୁଆରୀ 13 ସୁଦ୍ଧା, ସକାଳ 8ଟା ପର୍ଯ୍ୟନ୍ତ ଦେଶବ୍ୟାପୀ କୋଭିଡ-`19 ଟିକାକରଣ କାର‌୍ୟ୍ୟକ୍ରମରେ 79,67,647 ହିତାଧିକାରୀ ଟିକା ଗ୍ରହଣ କରିଛନ୍ତି ।

ଏମାନଙ୍କ ମଧ୍ୟରୁ 59,09,136୫ସ୍ୱାସ୍ଥ୍ୟ କର୍ମୀ ହୋଇଥିବା ବେଳେ 20,58,511୨ ଜଣ ହେଉଛନ୍ତି ଫ୍ରଣ୍ଟଲାଇନ ୱାର୍କର । ଏ ପର୍ଯ୍ୟନ୍ତ 1,64,781ଟି ସେସନ ଅନୁଷ୍ଠିତ ହୋଇସାରିଲାଣି ।

ଟିକାକରଣ ଅଭିଯାନର 28ତମ ଦିନ (2021 ଫେବୃଆରୀ 12)ରେ 4,62,637 ହିତାଧିକାରୀ (94,160 ସ୍ୱାସ୍ଥ୍ୟକର୍ମୀ ଓ 3,68,477 ଫ୍ରଣ୍ଟଲାଇନ ୱାର୍କର)ଙ୍କର 10,411 ସେସନରେ ଟିକାକରଣ ହୋଇଛି ।

ଦୈନିକ ଟିକା ନେଉଥିବା ହିତାଧିକାରୀ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି ।

ଭାରତରେ କରୋନା ଟିକା ନେଇଥିବା ମୋଟ ହିତାଧିକାରୀଙ୍କ ମଧ୍ୟରେ 8ଟି ରାଜ୍ୟର ଅଂଶ ୬୦% (59.70%) ରହିଛି । ଏହି 8ଟି ରାଜ୍ୟ 4.00,000ରୁ ଅଧିକ ଲେଖାଏଁ ହିତାଧିକାରୀଙ୍କର ଟିକାକରଣ କରାଇଛନ୍ତି । ମୋଟ ହିତାଧିକାରୀଙ୍କ ମଧ୍ୟରେ ଏକାକୀ ଉତ୍ତରପ୍ରଦେଶର ଭାଗ 10.80% (8,58,602 ହିତାଧିକାରୀ) ରହିଛି ।

ଗତ 24ଘଣ୍ଟାରେ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ହୋଇଥିବା ଦୈନିକ କରୋନା ମୃତ୍ୟୁ ଚିତ୍ରରୁ ଦେଖିବାକୁ ମିଳିଛି କରୋନା ମୃତ୍ୟୁରେ ଆଖିଦୃଶିଆ ହ୍ରାସ ଘଟିଛି । 17 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ କୌଣସି ନୂଆ କରୋନା ମୃତ୍ୟୁ ହୋଇ ନ ଥିବା ବେଳେ 13 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ 1-5ନୂଆ ମୃତ୍ୟୁ ଘଟିଛି ।

ଗତ 24 ଘଣ୍ଟାରେ ନୂଆ କରୋନା ମୃତ୍ୟୁ ଦେଖି ନ ଥିବା 17 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ମଧ୍ୟରେ ତେଲଙ୍ଗାନା, ଓଡ଼ିଶା, ଝାଡ଼ଖଣ୍ଡ, ପୁଡୁଚେରି, ଚଣ୍ଡିଗଡ଼, ନାଗାଲାଣ୍ଡ, ଆସାମ, ମଣିପୁର, ସିକ୍କିମ, ମେଘାଳୟ, ଲଦାଖ (ୟୁଟି), ମିଜୋରାମ, ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ, ତ୍ରିପୁରା, ଲାକ୍ଷାଦ୍ୱୀପ, ଅରୁଣାଚଳ ପ୍ରଦେଶ ଏବଂ ଡାମନ ଓ ଡିଉ ଏବଂ ଦାଦ୍ରା ଓ ନଗର ହାବେଳି ରହିଛନ୍ତି ।

ଭାରତର ମୋଟ ସକ୍ରିୟ ମାମଲା ଏବେ 1.36ଲକ୍ଷ (1,36,571) ରହିଛି । ଭାରତର ମୋଟ କରୋନା ମାମଲାରେ ସକ୍ରିୟ ମାମଲା ମାତ୍ର 1.25% ରହିଛି ।

ଏ ପର‌୍ୟ୍ୟନ୍ତ ମୋଟ 1.06କୋଟି (1,06,00,625) ଲୋକ କରୋନା ସଂକ୍ରମଣରୁ ଆରୋଗ୍ୟ ହୋଇସାରିଲେଣି । ଗତ 24 ଘଣ୍ଟାରେ 11,395 ରୋଗୀ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି । ଜାତୀୟ ଆରୋଗ୍ୟ ହାର ଏବେ 97.32% ରହିଛି ।

ଦିନକରେ ଆରୋଗ୍ୟ ଲାଭ କରିଥିବା ଲୋକଙ୍କ ମଧ୍ୟରେ 6ଟି ରାଜ୍ୟରୁ 81.93% ରହିଛନ୍ତି ।

ଦିନକରେ କେରଳରେ ସର୍ବାଧିକ 5,332 ରୋଗୀ କରୋନାରୁ ଆରୋଗ୍ୟ ଲାଭ କରିଛନ୍ତି । ମହାରାଷ୍ଟ୍ରରେ 24ଘଣ୍ଟାରେ 2,422 ଲୋକ ସୁସ୍ଥ ହୋଇଥିବା ବେଳେ ତାମିଲନାଡୁରେ 486 ଜଣ ସୁସ୍ଥ ହୋଇଛନ୍ତି ।

ଗତ 24 ଘଣ୍ଟାରେ ଦେଶରେ 12,143ନୂଆ ରୋଗୀ ଚିହ୍ନଟ ହୋଇଛନ୍ତି ।

ମୋଟ ନୂଆ ମାମଲା ମଧ୍ୟରୁ 86.01% ୬ଟି ରାଜ୍ୟରେ ରହିଛନ୍ତି ।

କେରଳରେ ଗୋଟିଏ ଦିନରେ ସର୍ବାଧିକ 5,397 ନୂଆ ମାମଲା ସାମ୍ନାକୁ ଆସିଥିବା ବେଳେ ମହାରାଷ୍ଟ୍ରରେ 3,670 ଚିହ୍ନଟ ହୋଇଛନ୍ତି । ସେହିଭଳି ତାମିଲନାଡୁରେ 483 ନୂଆ ମାମଲା ସାମ୍ନାକୁ ଆସିଛି ।

ଗତ 24ଘଣ୍ଟାରେ ଦେଶରେ 103 କରୋନା ଜନିତ ମୃତ୍ୟୁ ରେକର୍ଡ କରାଯାଇଛି ।

ନୂଆ କରୋନା ମୃତ୍ୟୁରେ 6ଟି ରାଜ୍ୟର ଅଂଶ 80.58% ରହିଛି । ମହାରାଷ୍ଟ୍ରରେ ସର୍ବାଧିକ 36ଜଣ ପ୍ରାଣ ହରାଇଥିବା ବେଳେ କେରଳରେ 18, କର୍ଣ୍ଣାଟକ ଓ ପଞ୍ଜାବରେ ୮ ଜଣ ଲେଖାଏଁ ରୋଗୀ ପ୍ରାଣ ହରାଇଛନ୍ତି ।

********

SR