ಹಣಕಾಸು ಸಚಿವಾಲಯದ ವೆಚ್ಚ ಇಲಾಖೆ ರಾಜ್ಯಗಳಿಗೆ ಕೊರತೆ ಪರಿಹಾರದ ರೂಪದಲ್ಲಿ 14 ನೇ ವಾರದ ಕಂತು 6,000 ರೂ ಬಿಡುಗಡೆ ಮಾಡಿದೆ. ಇದರಿಂದಾಗಿ 23 ರಾಜ್ಯಗಳಿಗೆ 5,516.60 ಕೋಟಿ ರೂಪಾಯಿ ಮತ್ತು ಮೂರು ಕೇಂದ್ರಾಡಳಿತ ಪ್ರದೇಶಗಳಿಗೆ 483.40 ಕೋಟಿ ರೂ ಬಿಡುಗಡೆ ಮಾಡಿದಂತಾಗಿದೆ. [ದೆಹಲಿ, ಜಮ್ಮು ಮತ್ತು ಕಾಶ್ಮೀರ ಹಾಗೂ ಪುದುಚೆರಿಗಳು ಜಿ.ಎಸ್.ಟಿ. ಮಂಡಳಿಯ ಸದಸ್ಯತ್ವ ಹೊಂದಿವೆ. ಉಳಿದಂತೆ ಅರುಣಾಚಲ ಪ್ರದೇಶ, ಮಣಿಪುರ, ಮಿಜೋರಾಂ, ನಾಗಾಲ್ಯಾಂಡ್ ಮತ್ತು ಸಿಕ್ಕಿಂ ರಾಜ್ಯಗಳು ಜಿ.ಎಸ್.ಟಿ ವಲಯದಲ್ಲಿ ಆದಾಯ ಕೊರತೆ ಹೊಂದಿಲ್ಲ.

ಇದರಿಂದಾಗಿ ಈವರೆಗೆ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಶೇ 76 ರಷ್ಟು ಜಿ.ಎಸ್.ಟಿ. ಕೊರತೆ ಮೊತ್ತವನ್ನು ಬಿಡುಗಡೆ ಮಾಡಿದಂತಾಗಿದೆ. ಈ ಪೈಕಿ 76,616,16 ಕೋಟಿ ರೂಪಾಯಿ ರಾಜ್ಯಗಳಿಗೆ ಮತ್ತು 7,383.84 ಕೋಟಿ ರೂಪಾಯಿ ವಿಧಾನಸಭೆ ಹೊಂದಿರುವ ಕೇಂದ್ರಾಡಳಿತ ಪ್ರದೇಶಗಳಿಗೆ ಬಿಡುಗಡೆ ಮಾಡಲಾಗಿದೆ.

ಕಳೆದ 2020 ರ ಅಕ್ಟೋಬರ್ ನಲ್ಲಿ ಜಿ..ಎಸ್.ಟಿ ವಲಯದಲ್ಲಿ ಎದುರಾಗುವ 1.10 ಲಕ್ಷ ಕೋಟಿ ರೂಪಾಯಿ ಕೊರತೆ ತುಂಬಲು ಕೇಂದ್ರ ಸರ್ಕಾರ ವಿಶೇಷವಾಗಿ ಸಾಲ ಪಡೆಯುವ ಗವಾಕ್ಷಿ ಯೋಜನೆಯನ್ನು ಜಾರಿಗೆ ತಂದಿತ್ತು. ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪರವಾಗಿ ಕೇಂದ್ರ ಸರ್ಕಾರ ಗವಾಕ್ಷಿ ಯೋಜನೆ ಮೂಲಕ ಸಾಲ ಒದಗಿಸುತ್ತಿದೆ. 2020 ರ ಅಕ್ಟೋಬರ್ 23 ರಿಂದ ಆರಂಭವಾದ ಈ ಪ್ರಕ್ರಿಯೆಯಲ್ಲಿ 14 ಸುತ್ತು ಪೂರ್ಣಗೊಂಡಿದೆ. ಈ ವಾರ 14 ನೇ ಸುತ್ತಿನಲ್ಲಿ ಹಣ ಒದಗಿಸಲಾಗಿದೆ. ಈ ವಾರ ಶೇ 4.6144 ರಷ್ಟು ಬಡ್ಡಿದರ ನಿಗದಿಮಾಡಲಾಗಿದೆ.

ಕೇಂದ್ರ ಸರ್ಕಾರ ಈವರೆಗೆ 84,000 ಕೋಟಿ ರೂ ಸಾಲ ಒದಗಿಸಿದ್ದು, ಸರಾಸರಿ ಬಡ್ಡಿದರ ಶೇ 4.7395 ರಷ್ಟಾಗಿದೆ.

ಇದರ ಜತೆಗೆ ಕೇಂದ್ರ ಸರ್ಕಾರ ವಿಶೇಷ ಸಾಲ ಒದಗಿಸುವ ವ್ಯವಸ್ಥೆಯಡಿ ರಾಜ್ಯಗಳ ಒಟ್ಟು ನಿವ್ವಳ ಉತ್ಪಾದನೆ [ಜಿ.ಎಸ್.ಡಿ.ಪಿ]ಯ ಶೇ 0.50 ರಷ್ಟು ಹೆಚ್ಚುವರಿ ಸಾಲ ಪಡೆಯಲು ಅವಕಾಶ ಕಲ್ಪಿಸಿದೆ. ಆಯ್ಕೆ-1 ರಲ್ಲಿ ಜಿ.ಎಸ್.ಟಿ. ಕೊರತೆ ಪರಿಹಾರ ವಲಯದಲ್ಲಿ ಹೆಚ್ಚುವರಿ ಹಣಕಾಸು ಸಂಪನ್ಮೂಲ ಕ್ರೋಢೀಕರಿಸಲು ಅವಕಾಶ ಕಲ್ಪಿಸಲಾಗಿದೆ. ಎಲ್ಲಾ ರಾಜ್ಯಗಳಿಗೂ ಆಯ್ಕೆ-1 ಅನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ಇದರಡಿ 28 ರಾಜ್ಯಗಳಿಗೆ ಹೆಚ್ಚುವರಿ ಸಾಲ ಪಡೆಯುವ ಒಟ್ಟು ಮೊತ್ತ 1,06,830 ಕೋಟಿ ರೂ ಆಗಿದೆ. [ಜಿ.ಎಸ್.ಡಿ.ಪಿಯಲ್ಲಿ ಶೇ 0.50 ರಷ್ಟು] 28 ರಾಜ್ಯಗಳಿಗೆ ಹೆಚ್ಚುವರಿ ಸಾಲ ಪಡೆಯಲು ಅನುಮತಿ ನೀಡಿದ್ದು, ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಬಿಡುಗಡೆ ಮಾಡಿರುವ ಮೊತ್ತ ಈ ಕೆಳಕಂಡಂತೆ ಇದೆ.

ರಾಜ್ಯವಾರು ಹೆಚ್ಚುವರಿ ಸಾಲದ ಪ್ರಮಾಣ ಜಿ.ಎಸ್.ಡಿ.ಪಿಯಲ್ಲಿ ಶೇ 0.50 ರಷ್ಟು ಅವಕಾಶ ಕಲ್ಪಿಸಲಾಗಿದ್ದು, ವಿಶೇಷ ಗವಾಕ್ಷಿ ವ್ಯವಸ್ಥೆ 01.02.2021 ರಂದು ಅನುಮೋದನೆ ನೀಡಿದೆ.

(ರೂ. ಕೋಟಿಗಳಲ್ಲಿ )

***