نئی دلّی  ،  06فروری، 2021/

ہندوستان نے کووڈ-19 کےمجموعی طور پر ٹیسٹ کرنے میں بے مثال ریکارڈ درج کیا ہے۔ آج کووڈ-19 ٹیسٹوں کی کل تعداد 20 کروڑ (200672589) کی  سطح سے تجاوز کرگئی۔ گذشتہ 24 گھنٹوں کے دوران 740794 ٹیسٹ کئے گئے۔

ٹیسٹنگ کے انفراسٹرکچر میں مسلسل ملک گیر توسیع نے کووڈ کی ٹیسٹنگ کی تعداد میں تیزی سے اضافہ کرنے میں ہم کردار ادا کیا ہے۔ آج ملک بھر میں 2369 ٹیسٹنگ لیباریٹریز ہیں ، جن میں  1214 سرکاری اور 1155 پرائیویٹ ہیں ۔ ان کے ذریعے ٹیسٹنگ کی صلاحیت میں  کافی اضافہ ہوا ہے۔

مجموعی طور پر  مثبت معاملوں کی شرح  کم ہوکر فی الحال 5.39 فیصد ہوگئی ہے۔

مستحکم بنیاد پر وسیع ٹیسٹنگ کے اعلیٰ سطح کے  نتیجے میں قومی سطح پر  مثبت معاملوں کی شرح میں کمی لانے میں مدد ملی ہے۔

روزانہ زیادہ ٹیسٹنگ سے روزانہ کم معاملے سامنے آنے سے مثبت معاملوں کی شرح میں کمی واقع ہوئی ہے۔

ہندوستان میں فعال معاملوں کی مجموعی تعداد میں گراوٹ کا رجحان مسلسل جاری ہے۔ آج یہ گھٹ کر 1.5 لاکھ (148590) سے بھی کم ہوگئی ہے، جو گذشتہ آتھ مہینوں میں سب سے کم ہے۔ فی الحال فعال معاملوں کی کل تعداد اب ملک کے مجموعی طور پر متاثرہ معاملوں کا صرف 1.37 فیصد ہے۔

پچھلے 24 گھنٹوں کے دوران ملک میں کووڈ کے 100 سے بھی کم (95) مریضوں کی موت ہوئی ہے۔

6 فروری 2021 ، صبح 8 بجے تک ملک گیر ٹیکہ کاری مہم کے تحت کل 54 لاکھ (5416849) سے زیادہ مستفدین کو ٹیکے لگائے گئے ہیں۔

ٹیکہ لگنے والے مستفدین کی تعداد میں روزانہ  مسلسل اضافہ ہورہا ہے۔

ہندوستان کووڈ-19 ویکسی نیشن کے 50 لاکھ کے ہندسےپر  پہنچنے والا سب سے تیز تین ملک بن گیا ہے۔ ہندوستان نے یہ کامیابی صرف 21 دنوں میں حاصل کی ہے۔  جبکہ کئی دیگر ممالک میں کووڈ -19 ٹیکہ کاری کاعمل 60 سے زیادہ دنوں سے جاری ہے۔

پچھلے 24 گھنٹوں کے دوران 10502 سیشنز میں 457404 لوگوں کو کووڈ کے ٹیکے لگائے گئے ہیں۔ ابھی تک 106303 سیشنز منعقد کئے جاچکے ہیں۔ ٹیکہ لگوانے والے مستفدین میں 301537 صحت کارکنان اور 155867 فرنٹ لائن کارکنان شامل ہیں۔

ملک بھر میں یومیہ نئے معاملوں میں کمی واقع ہوئی ہے اور کووڈ سے صحتیاب ہونے والے مریضوں کی تعداد میں اضافہ ہوا ہے۔ ریکوری شرح تقریباً 97.19 فیصد ہوگئی ہے۔ ابھی تک 10510796 مریض صحتیاب ہوچکے ہیں۔ گذشتہ 24 گھنٹوں کے دوران 14488 مریض صحتیاب ہوئے ہیں۔

صحتیاب ہوئے82.07 فیصد  نئے معاملے 6 ریاست/ مرکز کے زیر انتظام علاقوں سے ہیں۔ کیرالہ میں ایک دن میں سب سے زیادہ 6653 نئے مریض صحتیاب ہوئے ہیں۔ مہاراشٹر اور تمل ناڈو میں بالترتیب 3573 اور 506 نئے مریض صحتیاب ہوئے ہیں۔

83.3 فیصد نئے مریضوں کا تعلق 6 ریست/ مرکز کے زیر انتظام علاقوں سے ہے۔

کیرالہ میں روزانہ بڑی تعداد میں نئے مریضوں کا اندراج ہورہا ہے۔ کل ریاست میں 5610 نئے معاملے درج ہوئے ہیں۔ مہا راشٹر اور تمل ناڈو میں بالترتیب  2628 اور 489 نئے معاملوں کی اطلاع موصول ہوئی ہے۔

81.05 فیصد اموات کے نئے معاملوں کا تعلق 6 ریاست/ مرکز کے زیر انتظام علاقوں سے  ہے۔ مہاراشٹر میں سب سے زیادہ 40 مریضوں کی موت ہوئی ہے، جبکہ کیرل اور چھتیس گڑھ میں پچھلے 24 گھنٹوں کے دوران بالترتیب 19 اور 18 مریضوں کی موت ہوئی ہے۔ کل صرف دو ریاستوں میں موت کے 10 یا اس سے زیادہ معاملے درج ہوئے ہیں۔

*****

U NO: 1254