নমুনা ক্ষেত্ৰত অভূতপূৰ্ব অভিলেখ ৰচনা কৰিছে ভাৰতে৷ আজি এই মুঠ পৰীক্ষণৰ সংখ্যা ২,০৬,৭২,৫৮৯ হৈছে৷ বিগত ২৪ ঘণ্টাত দেশত ৭,৪০,৭৯৪টা নমুনা পৰীক্ষা কৰা হৈছে৷

দেশত পৰীক্ষাৰ আন্তঃগাঁথনি বৃদ্ধিয়ে এই সংখ্যা বৃদ্ধি গুৰুত্বপূৰ্ণ ভূমিকা পালন কৰিছে৷ বৰ্তমান দেশত ১,২১৪টা চৰকাৰী আৰু ১,১৫৫টা বেচৰকাৰীসহ মুঠ ২,৩৬৯টা পৰীক্ষাগাৰ আছে৷

দেশত বৰ্তমান পজিটিভিটিৰ হাৰ ৫.৩৫%লৈ হ্ৰাস পাইছে৷

উচ্চ মাত্ৰাৰ পৰীক্ষণ আৰু নিম্ন হাৰৰ আক্ৰান্তই ৰাষ্ট্ৰীয় পজিটিভিটিৰ হাৰ হ্ৰাস কৰিছে৷

ভাৰতৰ মুঠ চিকিৎসাধীন ৰোগীৰ সংখ্যা ক্ৰমান্বয়ে হ্ৰাস পাইছে৷ বিগত ৮ মাহৰ পাছত চিকিৎসাধীন ৰোগীৰ সংখ্যা ১.৫লাখৰ তললৈ আহিছে৷

বৰ্তমান মুঠ আক্ৰান্তৰ কেৱল ১.৩৭%হে চিকিৎসাধীন হৈ আছে৷

দেশত বিগত ২৪ ঘণ্টাত কেৱল ৯৫জন ৰোগীৰ মৃত্যু হৈছে৷

২০২১ৰ ৬ ফেব্ৰুৱাৰীৰ পুৱা ৮ বজালৈকে দেশজোৰা ক’ভিড-১৯ টিকাকৰণৰ অধীনত ৫৪,১৬,৮৪৯জন হিতাধিকাৰীক টিকাকৰণ কৰা হৈছে৷

টিকাকৰণ কৰা হিতাধিকাৰীৰ সংখ্যা ধাৰাবাহিকভাৱে বৃদ্ধি পাই আহিছে৷

ভাৰতে ক্ষিপ্ৰতাৰে ক’ভিড-১৯ৰ টিকাকৰণৰ ক্ষেত্ৰত ৫০লাখৰ সীমা অতিক্ৰম কৰিছে৷ এই লক্ষ্যত কেৱল ২১দিনতে উপনীত হৈছে৷ একাধিক দেশে এই লক্ষ্যত উপনীত হ’বলৈ ৬০দিন লাগিছে৷

বিগত ২৪ ঘণ্টাত ১০,৫০২টা পৰ্বত ৪,৫৭,৪০৪গৰাকী লোকক টিকাকৰণ কৰা হৈছে৷ এতিয়ালৈকে ১,০৬,৩০৩টা পৰ্ব সম্পন্ন কৰা হৈছে৷ ইয়াৰে ভিতৰত ৩,০১,৫৩৭জন স্বাস্থ্য কৰ্মী আৰু ১,৫৫,৮৬৭জন আগশাৰীৰ কৰ্মী৷

ভাৰতত দৈনিক আক্ৰান্ত ৰোগীতকৈ আৰোগ্যৰ হাৰ অধিক হৈছে৷ ইয়াৰ ফলত আৰোগ্যৰ হাৰ ৯৭.১৯%লৈ উন্নীত হৈচে. বৰ্তমানলৈকে ১,০৫,১০,৭৯৬জন লোক আৰোগ্য হৈছে৷ বিগত ২৪ ঘণ্টাত দেশত ১৪,৪৮৮জন ৰোগী আৰোগ্য হৈছে৷

নতুনকৈ আৰোগ্য হোৱা ৰোগীৰ ৮২.০৭%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৬,৬৫৩গৰাকী ৰোগী নতুনকৈ আৰোগ্য হোৱাৰ বিপৰীতে মহাৰাষ্ট্ৰত ৩,৫৭৩ আৰু তামিলনাডুত ৫০৬গৰাকী ৰোগী আৰোগ্য হৈছে৷

নতুন আক্ৰান্তৰ ৮৩.৩%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,৬১০গৰাকীৰ বিপৰীতে মহাৰাষ্ট্ৰত ২,৬২৮ আৰু তামিননাডুত ৪৮৯গৰাকী লোক আক্ৰান্ত হৈছে৷

নতুনকৈ মৃত্যু হোৱা ক’ভিড ৰোগীৰ ৮১.০৫% ৬খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ৪০জনৰ বিপৰীতে কেৰালাত ১৯জন আৰু চত্তীশগড়ত ৮জন ৰোগীৰ মৃত্যু হৈছে৷

****

MV/SJ/DB