কোবিদ-১৯ হেনগৎলক্লিবা তেস্তশিংগী মশিংদা ভারতনা অমুক্তা থমখিদ্রিবা রেকোর্দ অমা রেজিস্তর ওইখ্রে। ঙসি অপুনবা তেস্তশিং করোর ২০ (২০,০৬,৭২,৫৮৯)গী পন্দুপ লানখ্রে। হৌখিবা পুং ২৪দা তেস্ত ৭,৪০,৭৯৪ পাঙথোকখ্রে।

তেস্তিং ইনফ্রাস্ত্রকচরদা লৈবাক অসিনা লেপ্পা লৈতনা চাউথোরকখিবনা তেস্ত তৌবগী মশিং খঙৱাং ৱাংখৎহনখিবদা মরু ওইবা থৌদাং অমা লৌখি। সরকারগী লেবোরেতরী ১,২১৪ অমসুং লনাই লেবোরেতোরী ১,১৫৫ য়াওনা লৈবাক অসিগী তেস্তিং লেব ২৩৬৯ য়াওনা নুংতিগী তেস্ত তৌবগী চাং অসি চাউনা হেনগৎহনখি।

অপুনবা পোজিতিব ওইবগী চাং অসি হন্থরক্লি অমসুং হৌজিক ৫.৩৯% ওইরি।

লেপ্পা লৈতনা পাঙথোকখিবা অৱাংবা থাক্কী তেস্তিং অসিনা লৈবাক্কী পোজিতিব ওইবগী চাং হন্থহনবদসু মতেং ওইখি।

নুংতিগী ওইনা পাঙথোকপা তেস্তকী মশিং ৱাংবগা লোইননা নুংতিগী থেংনবা কেসশিং হন্থরকপনা পোজিতিব ওইবগী চাং হন্থহনবা ঙমখি।

ভারতকী অপুনবা এক্তিব কেসলোদনা মখা তানা লেপ্পা লৈতনা মখারোমদা কুমথরক্লি। ঙসি মসি লাখ ১.৫ (১,৪৮,৫৯০) দা হন্থখ্রে অমসুং থা ৮ অসিদা খ্বাইদগী তাবা ওইখ্রে।

হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী শুপ্নগী ১.৩৭% ওইরি।

হৌখিবা পুং ২৪দা লৈবাক অসিদা শীখিবা ১০০দগী (৯৫) তাখি।

ফেব্রুৱারী ০৬, ২০২১গী অয়ুক পুং ০৮:০০ ফাওবদা লৈবাক শিনবা থুংনা পাঙথোকপা কোবিদ১৯ বেক্সিনেসনগী থৌরমগী মখাদা বেক্সিন কাপখিবা অপুনবা বেনিফিসরী লাখ ৫৪ (৫৪,১৬,৮৪৯) হেনখ্রে।

নুমিৎ খুদিংগী বেক্সিন কাপখিবা বেনিফিসরীশিংগী মশিং লেপ্পা লৈতনা হেনগৎলকপা উবা ফংখ্রে।

ভারতনা কোবিদ১৯ বেক্সিনেসনদা মশিং মিলিয়ন ৫ য়ৌখিবা খ্বাইদগী খোঙজেল য়াংবা লৈবাক ওইরি। মসি শুপ্নগী নুমিৎ ২১নি খক্তদা পাঙথোকপা ঙমখি। কোবিদ-১৯ বেক্সিনেসনগী থৌরম অসি অতোপ্পা লৈবাক কয়ানা নুমিৎ ৬০গী মমাংদগী হৌখ্রবনি।

হৌখিবা পুং ২৪দা সেসন ১০,৫০২ পাঙথোক্তুনা মীওই ৪,৫৭,৪০৪ বেক্সিন কাপখ্রে। হৌজিক ফাওবদা সেসন ১,০৬,৩০৩ পাঙথোকখ্রে। মসিদা হেল্থ কিয়র ৱার্কর ৩,০১,৫৩৭  অমসুং ফ্রন্তলাইন ৱার্কর ১,৫৫,৮৬৭ য়াওখি।

ভারতনা নুংতিগী থেংনবা অনৌবা কেসশিংদা হন্থরকপা অমসুং নাবা ফগৎলকপা মীওইগী মশিং হেনগৎলকপগী রেকোর্দ তৌখ্রে। নাবা ফগৎলকপগী চাং ৯৭.১৯%গী ময়া য়ৌখ্রে। পুন্না মীওই ১,০৫,১০,৭৯৬ ফগৎখ্রে। হৌখিবা পুং ২৪দা মীওই ১৪,৪৮৮ নাবা ফগৎতুনা দিসচার্জ তৌখ্রে।

নৌনা নাবা ফগৎখিবা কেসশিংগী ৮২.০৭% দি রাজ্য অমসুং য়ু.তি. ৬দগী ওইখ্রে।

নৌনা ফগৎখিবা কেস ৬,৬৫৩গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্র(৩,৫৭৩) অমসুং তামিল নাদু(৫০৬) ফগৎতুনা মতুং ইন্নখ্রে।

অনৌবা কেসশিংগী ৮৩.৩%দি রাজ্য অমসুং য়ু.তি. ৬তগী ওইখ্রে।

কেস ৫,৬১০গা লোইননা কেরেলানা মশিং খ্বাইদগী রিপোর্ত তৌরকখ্রে। মসিগী মতুংদা মহারাস্ত্রদা  ২,৬২৮, অমসুং তামিল নাদুদা অনৌবা কেস ৪৮৯  রিপোর্ত তৌখ্রে।

নুংতিগী শীখিবা অসিগী ৮১.০৫% দি রাজ্য/য়ু.তি. তরুক্তগী ওইখ্রে।  মহারাস্ত্রদা শীখিবা খ্বাইদগী য়ামখি (৪০)। কেরেলাদা ১৯ অমরোমদা ছত্তিসগরদা ৮ শীদুনা মতুং ইন্নখ্রে। রাজ্য অনি খক্তনা শীখিবগী অসি দবল দিজিৎ ওইবগী রেজিস্তর তৌখ্রে।

****