ভারতকী অপুনবা এক্তিব কেসলোদ অসি মখা তানা লেপ্পা লৈতনা মখা কুমথরক্লি।

ঙসি অপুনবা এক্তিব কেস অসি লাখ ১.৫১ (১,৫১,৪৬০) দা হন্থখ্রে। ঙসি ফাওবদা পুন্না শীখিবগী রেকোর্দ তৌখীবা (১,৫৪,৮২৩) অদুদগী তাখ্রে। এক্তিব কেসলোদ অসি ভারতকী অপুনবা পোজিতিব কেসকী শুপ্নগী ১.৪০% খক্তা ওইরি।

ভারতকী নুংতিগী থেংনবা অনৌবা কেসশিং অসি কুমথরক্লিবা ত্রেজেক্তরী অমদা মখা তানা চংশিল্লি। হৌখিবা পুং ২৪দা নুংতিগী ওইনা থেংনবা অনৌবা পোজিতিব কেস ১২,৪০৮ রেকোর্দ তৌখ্রে।

ভারতকী মীশিং মিলিয়ন অমদা থেংনবা কেস (৭,৮২৮) অসি মালেমগী ওইনা খ্বাইদগী তাবশিংগী মরক্তা অমা ওইরি। মশিং অসি রুসিয়া, জর্মনী, ইতালী, ব্রাজিল, ফ্রান্স, য়ু.কে. অমসুং য়ু.এস.এ.গুম্বা লৈবাকশিংদনা হেন্না ৱাংঙি।

রাজ্য/য়ু.তি. ১৭ না লৈবাক অসিগী লৈরিবা মীশিং মিলিয়ন অমদা থেংনবা কেসকী চাংচৎ অদুদগী হেন্না তাখ্রে। রাজ্য অমসুং য়ু.তি. পুম্নমক্তা লক্ষদীপনা মিলিয়ন অমদা কেস ১,৭২২ খক্তা ওইদুনা চাংচৎতা খ্বাইদগী নেম্বা ওইখ্রে।

ফেব্রুৱারী ৫, ২০২১গী অয়ুক পুং ৮:০০ ফাওবদা লৈবাক শিনবা থুংনা পাঙথোকপা কোবিদ১৯ বেক্সিনেসনগী থৌরমগী মখাদা বেনিফিসরী লাখ ৫০ (৪৯,৫৯,৪৪৫) বেক্সিন কাপখ্রে।

হৌখিবা পুং ২৪দা সেসন ১১,১৮৪দা মীওই ৫,০৯,৮৯৩ বেক্সিন কাপখ্রে।

বেক্সিন কাপখিবা অপুনবা বেনিফিসরীগী ৬১%দি রাজ্য/য়ু.তি. ৮গী ওইখ্রে। ভারত্তা বেক্সিন কাপখিবা অপুনবা বেনিফিসরীশিংগী ১১.৯% (৫,৮৯,১০১)দি উত্তর প্রদেশতগী ওইখ্রে।

হৌজিক ফাওবদা পুন্না মীওই করোর ১.০৪ (১,০৪,৯৬,৩০৮) ফগৎখ্রে। হৌখিবা পুং ২৪দা অনাবা মীওই ১৫,৮৫৩ ফগৎতুনা দিসচার্জ তৌখ্রে। নাবা ফগৎলকপগী চাং অসি ৯৭.১৬% য়ৌখ্রে। অনৌবা কেসশিংগা য়েংনবদা নাবা ফগৎলকপগী মশিং ৱাংখৎলকপা অসিনা ফগৎখিবা অমদি এক্তিব ওইরিবা কেসশিংগী মরক্তা খেন্নবা অসি ১,০৩,৪৪,৮৪৮ য়ৌহনখ্রে।

নৌনা নাবা ফগৎখিবা কেসশিংগী ৮৫.০৬% দি রাজ্য অমসুং য়ু.তি. ৬দগী ওইখ্রে।

নৌনা ফগৎখিবা কেস ৬,৩৪১ গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্র(৫,৩৩৯) অমসুং তামিল নাদু(৫১৭) ফগৎতুনা মতুং ইন্নখ্রে।

হৌখিবা পুং ২৪দা নুংতিগী ওইনা থেংনবা অনৌবা কেস ১২,৪০৮ রেজিস্তর তৌখ্রে।

অনৌবা কেসশিংগী ৮৪.২৫% দি রাজ্য অমসুং য়ু.তি. ৬দগী ওইখ্রে।

কেস ৬,১০২গা লোইননা কেরেলানা মশিং খ্বাইদগী রিপোর্ত তৌরকখ্রে। মমসিগী মতুংদা মহারাস্ত্রদা  ২,৭৩৬,, অমসুং তামিল নাদুদা অনৌবা কেস ৪৯৪  রিপোর্ত তৌখ্রে।

.

হৌখিবা পুং ২৪দা শীখিবা ১২০ রেকোর্দ তৌখ্রে।

নুংতিগী শীখিবা অসিগী ৭৪.১৭% দি রাজ্য/য়ু.তি. তরুক্তগী ওইখ্রে।  মহারাস্ত্রদা শীখিবা খ্বাইদগী য়ামখি (৪৬)। কেরেলাদা ১৭ অমরোমদা পঞ্জাব অমসুং দিল্লীদা ৭ শীদুনা মতুং ইন্নখ্রে।

হৌখিবা পুং ২৩দা রাজ্য/য়ু.তি. তরামরিদা অমত্তা শীখিবগী রিপোর্ত লাকখিদে। রাজ্যশিং অদুদি  অন্ধ্র প্রদেশ, ঝার্খন্দ, পুদুচেরী, মনিপুর, মেঘালয়, সিক্কিম, মিজোরাম, নাগালেন্দ, লদাখ (য়ু.তি.), ত্রিপুরা, অরুনাচল প্রদেশ,  এন এন্দ এনগী ইথৎশিং, দি এন্দ দি অমসুং দি এন্দ এন অমসুং লক্ষদীপনি।

ভারতকী মীশিং মিলিয়ন অমদা শীখিবা ১১২ অসি মালেমগী ওইনা খ্বাইদগী তাবা অমনি।

নাকল অমদা রাজ্য/য়ু.তি ১৯না লৈবাকগকী লৈরিবা মীশিং মিলিয়ন অমদা শীখিবগী চাংচৎ অদুদগী তানা রিপোর্ত তৌরকখ্রে। মীশিং মিলিয়ন অমদা শীখিবা ০ ওইদুনা লক্ষদীপনা মাংজিল থাখ্রে।

রাজ্য/য়ু.তি. ১৭না লৈবাক্কী ওইনা চাংচৎতা মীশিং মিলিয়ন অমদা শীখিবা মশিং অদুদগী হেন্না ৱাংনা রিপোর্ত তৌরকখ্রে। রাজ্য পুম্নমক্তা দিল্লীনা ৫৮১ ওইদুনা খ্বাইদগী মশিং ৱাংবা ওইখ্রে।

****