ভারতকী নুংতিগী থেংনবা অনৌবা কেসশিং অসি মখা তানা হায়থক্লে।

সেপ্তেম্বর ১০, ২০২০দা খ্বাইদগী ৱাংবা ওইনা ৯৫,৭৩৫ য়ৌরুরবা মতুংদা ঙসি ৮,৬৩৫ ওইদুনা থা ৮ অসিদা খ্বাইদগী তাবা ওইখ্রে।

হৌখিবা চয়োল ৫ অসিদা ভারতকী নুংতিগী থেংনবা অনৌবা কেসশিংগী চাংচৎ অসি ময়েক শেংনা হন্থরকপা উবা ফংখ্রে। অমরোমদা দিসেম্বর ২০, ২০২০দগী জনুৱারী ৫, ২০২১ ফাওবদা ১৮,৯৩৪ ওইরম্বদগী জনুৱারী ২৭তগী ফেব্রু]আরী ২, ২০২১ ফাওবা নুংতিগী ওইনা থেংনবা অনৌবা কেসশিংগী চাংচৎ অসি ১২,৭৭২দা হন্থখ্রে।

অতোপ্পা শীংথানিংঙাই ওইবা খোঙচৎ অমদা লৈবাক অসিনা হৌখিবা পুং ২৪গী মনুংদা নুংতিগী ওইনা শীবগী মশিং অসি ১০০দগী তানা রিপোর্ত তৌরকখ্রে, মসি থা নিআপন মখাই অসিদা খ্বাইদগী তাবনি। মে ১৫, ২০২০দা শীখিবা ১৫ রেকোর্দ তৌখি।

হৌখিবা চয়োল ৫দা নুংতিগী শীখিবগী চাংচৎ অসিসু চপ মান্না হন্থরক্লি। জনুৱারী ২৭দগী ফেব্রুৱারী ২, ২০২১ ফাওবদা নুংতিগী শীখিবগী চাং অসি ১২৮ ওইখি হায়রিবগী ওন্নতৈনবদা দিসেম্বর ৩০-জনুৱারী ৫, ২০২১গী মতমগী মনুংদা চাংচৎতা নুংতিগী ওইনা শীখিবা অসি ২৪২ ওইখি।

লৈবাক অসিগী এক্তিব কেসলোদসু ঙসি লাখ ১.৬৩ (১,৬৩,৩৫৩)দা হন্থখ্রে। হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী শুপ্নতগী ১.৫২% খক্তনি।

ঙসি ভারতকী মথং-মথং তিনশিল্লক্তুনা নাবা ফগৎখিবগী মশিং অসি করোর ১.০৪ (১,০৪,৪৮,৪০৬) শুখ্রে। নাবা ফগৎলকপগী চাং অসি ৯৭.০৫% ওইখ্রে।

ফেব্রুৱারী ২, ২০২১গী অয়ুক পুং ৮:০০ ফাওবদা লৈবাক শিনবা থুংনা পাঙথোকপা কোবিদ১৯ বেক্সিনেসনগী থৌরমগী মখাদা বেনিফিসরী লাখ ৩৯.৫০ (৩৯,৫০,১৫৬) বেক্সিন কাপখ্রে।

হৌখিবা পুং ২৪দা সেসন ৩,৫১৬তা হেল্থ কিয়র ৱার্কর ১,৯১,৩১৩ বেক্সিন কাপখ্রে।

হৌজিক ফাওবদা সেসন ৭২,৭৩১ পাঙথোকখ্রে।

নুমিৎ খুদিংগী বেক্সিন কাপ্পা বেনিফিসরীশিংগী মশিং অসি লেপ্পা লৈতনা হেনগৎলক্লি।

হৌখিবা পুং ২৪দা মীওই ১৩,৪২৩ নাবা গৎতুনা দিসচার্জ তৌখ্রে।

নৌনা নাবা ফগৎখিবা কেসশিংগী ৮৫.০৯% দি রাজ্য অমসুং য়ু.তি. ১০দগী ওইখ্রে।

নৌনা ফগৎখিবা কেস ৫,২১৫গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্রদা মীওই ৩,২৮৯ ফগৎখ্রে ৫২০ ফগৎতুনা ছত্তিসগরনা মতুং ইন্নখ্রে।

অনৌবা কেসশিংগী ৮০.১০%দি রাজ্য অমসুং য়ু.তি. ৬দগী ওইখ্রে।

কেস ৩,৪৫৯গা লোইননা কেরেলানা মশিং খ্বাইদগী রিপোর্ত তৌরকখ্রে। মমসিগী মতুংদা মহারস্ত্রদা  ১,৯৪৮, অমসুং তামিল নাদুদা অনৌবা কেস ৫০২ রিপোর্ত তৌখ্রে।

কেন্দ্রনা কেরেলা অমসুং মহারাস্ত্রদা রাজ্যশিং অসিগী কোবিদ-১৯ মেনেজমেন্তগী  পব্লিক হেল্থকী ওইবা খোঙথাংশিংদা মতেং পাংনবা অৱাংবা থাক্কী তীমশিং থাজিনখ্রে।

হৌখিবা পুং ২৪দা শীখিবা ৯৪ রেকোর্দ তৌখ্রে।

নুংতিগী শীখিবা অসিগী ৬৫.৯৬% দি রাজ্য/য়ু.তি. মঙাদগী ওইখ্রে।  মহারাস্ত্রদা শীখিবা খ্বাইদগী য়ামখি (২৭)। কেরেলাদা ১৭ অমসুং তামিল নাদুদা ৭ শীদুনা মতুং ইন্নখ্রে।

হৌখিবা পুং ২৪দা রাজ্য/য়ু.তি. তরাতরুক্তা অমত্তা শীখিবগী রিপোর্ত তৌরকখিদে।

****