শেল-থুম মন্ত্রালয়
নুংঙাই-য়াইফনা অমসুং হকচাং ফনা লৈনবা থবকশিং অসি অত্মা নির্ভর ভারতকী মরুওইবা য়ুম্বী ৬কী মনুংদা অমা ওইরি
ঈশিং, সেনিতেসন অমসুং অশেংবা নুংশিৎ অসি হকশেল অমসুং নুংঙাই-য়াইফনা লৈনবগী মরুওইবা মচাকশিংনি
লুপা করোর ২,৮৭,০০ কাইথোক্তুনা জল জিবন মিসন(সহর) লাউথোক্লে
অর্বান শ্বাছ ভারত মিসনগী লুপা করোর ১,৪১,৬৭৮ কাইথোক্লে
নুংশিৎ মোৎপগী খুদোংচাদবা কোকহন্নবা লুপা করোর ২,২১৭ কাইথোক্লে
মশানা য়ানা গারি চপখায়নবা থৌশিল লাউথোক্লে
Posted On:
01 FEB 2021 2:04PM by PIB Imphal
ঙসি সংসদতা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না পুথোকখিবা কেন্দ্রগী বজেত ২০২০-২১দা হকশেল অমসুং নুংঙাই-য়াইফবা অসিনা মরুওইবা মফম অমা কল্লে। মখোয়না অত্মা নির্ভর ভারতকী মরুওইবা মশক অমা শেম্লে। হকচাং ফনা অমসুং নুংঙাই-য়াইফনা লৈনবা থবকশিংগীদমক বজেতকী শেনফম চাদা ১৩৭ হেনগৎলে।
মী খুদিংমক হকচাং ফনা লৈনবা অফবা ঈশিং, সেনিতেসন অমসুং লু-নানবা অকোয়বগী ফিবম অসি তঙাইফদে হায়না ৱার্ল্দ হেল্থ ওর্গনাইজেসন্না য়াম্না তোইনা তকশিনবদগী, হায়রিবা সেক্তরশিং অসিগীদমক বজেত্তা শেনফম ফজনা হাপ্লে।
জল জিবন মিসন(সহর)
কেন্দ্রগী বজেত্তা জল জিবন মিসন(সহর) লাউথোক্লে। অর্বান লোকেল বোদি ৪,৩৭৮কী য়ুমথোঙ করোর ২.৮৬ তোতি ঈশিং পীনবা অমসুং অমরুত সহর ৫০০দা অমোৎপা মহি লোইশিন্নবা পান্দম থম্লি। মিসন অসিগী লুপা কোরোর ২,৮৭,০০০ কাইথোক্তুনা চহি ৫ হেন্না চঙনা পায়খৎকনি।
শ্বাছ ভারত, শ্বাস্থ ভারত
ভারতকী সহরশিংদা মখা তানা শ্বাছতা পুরক্নবা, অমোৎপা মপং অমসুং অমোৎপা মহি লোইশিন্নবা অমসুং অমোৎপা ঈশিং শেংদোক্নবা, অমোৎপশিং তোখাইনা থম্নবা, শিঙ্গল-য়ুজ প্লাস্তিক শীজিন্নবা হন্থহনবা, য়ুম-কৈ শাবা অমসুং শিদোকপগী থবকশিংদা থোরকপা অমোৎপশিং লোইশিন্দুনা নুংশিৎ শেংদবা হন্থহন্নবা বজেত অসিনা মিৎয়েং চঙলে। চহি ৫গী মতম হায়বদি ২০২১-২০১৬ ফাওবদা অপুনবা লুপা করোর ১,৪১,৬৭৮ কাইথোক্তুনা অর্বান শ্বাছ ভারত মিসন ২.০ পায়খৎলগনি।
অশেংবা নুংশিৎ
নুংশিৎ শেংদবা লাকশিন্নবা বজেত অসিদা মীওই মিল্লিয়ন অমা হেন্না লৈবা সহরগী মফম ৪২গীদমক লুপা করোর ২,২১৭ কাইথোক্নবা ৱাফম ফাইনান্স মিনিস্তরনা পুখৎখ্রে।
স্ক্রাপ্পিং পোলিসি
অমনবা অমসুং য়াদ্রবা গারিশিং তাঙ্কক নাইনা লোইশিনখিনবা, কেন্দ্রগী বজেত অসিদা মশানা য়ানা গারি চপখায়দুনা মাঙহন্নবা থৌশিল অমা পুথোক্লে। মসিনা থাউ চাদবা, অকোয়বগী ফিবম শোকহন্দবা গারিশিং শীজিন্নবা হেনগৎহনগনি অমসুং গারিগী মৈখু হন্থহনগনি অমসুং মপান লৈবাকশিংদগী থাউ লৈবগী শেনফম হন্থহনগনি। লনাই মীওইশিংগী গারিশিং চহি ২০গী মতুংদা শেন তানবদা শীজিন্নবা গারিশিংনা চহি ১৫গী মতুংদা ওতোমেতেদ ফিতনেস সেন্তরশিংদা গারিশিং ফিতনেস তেস্ত পাংথোক্কনি। স্কিম অসিগী অকুপ্পা মরোলশিং মিনিস্ত্রিনা তোখাইনা খঙহনগনি হায়না ফাইনান্স মিনিস্তরনা লাউথোকখি।
*****
(Release ID: 1694129)
Visitor Counter : 222