এস্পিরেস্নেল ইন্দিয়া ওইনবা ইনক্লুসিব দেবেলপমেন্ত হায়বা অসি ২০২১-২২গী কেন্দ্রগী বজেৎকী য়ুম্বী অমনি অমসুং মসিনা অনওর্গনাইজ ৱার্কফোর্স মরু ওইনা মাইগ্রেন্ত ৱার্করশিং অমসুং শিন্মীশিংগীদমক্তা প্রপোজেল পুথোক্নবা সরকারগী লমজিং লমতাক পীগনি। কেন্দ্রগী বজেৎ ঙসি পার্লিয়ামেন্তদা পুথোকখিবা মতমদা শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না ৱান নেসন ৱান রেসন কার্দ অমসুং লেবর কোদশিং ইমপ্লিমেন্ত তৌবদা মীৎয়েং  থম্নবা অমসুং অনওর্গনাইজ ৱার্কফোর্সকী ইনফোর্মেসন খোমগৎনবা পোর্তেল অমা লাউথোকখ্রে।

ৱান নেসন ৱান রেসন কার্দ

“রাজ্য অমসুং য়ু.তি. ৩২না ৱান নেসন ৱান রেসন কার্দ প্লান অসি ইমপ্লিমেন্ত তৌদুনা বেনিফিসরী করোর ৬৯ য়ৌরে – মসিনা পুন্না বেনিফিসরী ৮৬% কোনশিনখ্রে”, হায়না মন্ত্রীনা লাক্কদৌরিবা থা খরা অসিদা লেমহৌরিবা রাজ্য অমসুং য়ু.তি ৪ হাপচিনগনি হায়না হাউসতা থাজবা পীরদুনা ফোঙদোকখি। স্কীম অসিনা বেনিফিসরীশিংনা মরু ওইনা মাইগ্রেন্ত ৱার্করশিং লৈবাক অসিগী মফম অমা হেক্তদগী রেসনশিং ক্লেম তৌবা য়াগনি লোইননা মখোয়না লৈরিবা অদুদা শরক খরা অদুগা মখোয়গী ইমুংনা মখোয়গী পোক্নফমদা লেমহৌরিবা শরুক খরা অদু ক্লেম তৌবসু য়াহনগনি। 

অনওর্গনাইজ লেবর ফোর্সশিংগী পোর্তেল

সরকার অসিনা মাইগ্রেন্ত ৱার্করশিংদা অখন্নবা মীৎয়েং থম্বগা লোইননা অনওর্গনাইজ ফোর্সকীদমক হোৎরিবশিং অসি মখা চত্থরকপা ওইনা শ্রীমতি নির্মলা সিতারমন্না গিগ, বিল্দিং অমসুং কন্সত্রক্সন ৱার্কশিংগী মরী লৈনবা ইনফোর্মেসন খোমজিন্নবা পোর্তেল অমা হৌদোক্নবা প্রপোজ তৌখ্রে। মসিনা মাইগ্রেন্ত ৱার্করশিংগী হকশেল, হাউসিং, স্কিল ইন্সুরেন্স, ক্রেদিৎ অমসুং ফুদ স্কীমশিং শেম্বদা মতেং ওইগনি।

লেবর কোদশিং ইমপ্লিমেন্ত তৌবা

শেলথুম মন্ত্রীনা হায় সরকার অসিনা শিন্মীগী কেতগোরী পুম্নমক্তা মিনিমম ৱেজেস ফংহনবগা লোইননা গিগ অমসুং প্লেৎফোর্ম ৱার্করশিংদা সোসিএল সেক্যুরিতীগী কান্নবশিং ফংহন্নবা লেবর কোদ মরি ইমপ্লিমেন্ত তৌবা লোইশিল্লগনি। ইমপ্লোইয়ীস স্তেৎ ইন্সুরেন্স কোর্পোরেসনগী মখাদা মখোয়সু কভরেজ পীগনি। নুপীশিংসু কেতগোরী খুদিংদা থবক তৌবা য়াহল্লগনি অমসুং নাইৎ-শিফশিংদা ঙাকশেল মরাং কাইনা ফংহনগনি।

অমুক্তং রেজিস্ত্রেসন তৌবা অমসুং লাইসেন্স পীবা অমসুং ওনলাইন রিতর্ন তৌবগী প্রোবিজন অসিনা ইমপ্লোইয়রদা কম্প্লাইয়েন্সকী পোৎলুম হন্থহনগনি।

*****