কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী, শ্রী নিরমলা সিতারামন্না ঙসি পারলিয়ামেন্ততা কেন্দ্রগী বজেৎ ২০২১-২২ পুথোকপা মতমদা সরকারনা এস.ই.বি.আই. এক্ত, ১৯৯২, দিপোজিতরী এক্ত, ১৯৯৬, সেক্যুরিতিজ কন্ত্রেক্ত (রেগ্যুলেসন) এক্ত, ১৯৫৬ অমসুং গভর্নমেন্ত সেক্যুরিতী এক্ত, ২০০৭দা পীরিবা খুদোংচাবা কয়াবু কাঙলোন চুম্লবা সিঙ্গল সেক্যুরিতী মার্কেৎ কোদতা শেমদোক্লগনি হায়না লাউথোকখি।

সরকারনা গিফৎ-আই.এফ.এস.সি.দা মালেমগী থাক্তা লৈবা ফিন-তেক হব অমা শেমগৎপদা তেংবাংগনি।
 

কোর্পোরেৎ বোন্দ মার্কেৎতা শরুক য়ারিবা মীওইশিংগী মরক্তা অৱা-অনাগী মতমদা মশাদা থাজবা হেনগৎহন্নবা অমসুং সেকেন্দরী মার্কেৎ লিক্বিদিতীবু হেন্না ফগৎহন্নবা, কেন্দ্রগী বজেৎ ২০২১-২২না তুং-কোইনা চৎনগদবা ইন্সতিত্যুস্নেল ফ্রেমৱর্ক অমা শেম্বগী ৱাফম অমা হৌদোক্লি। মসিগী হৌদোক্লিবা বোদী অসিনা মহৌশা অমসুং অৱা-অনাগী মতমদা ইনভেস্তমেন্ত গ্রেদ দেৎ সেক্যুরিতী লৈগনি অমসুং বোন্দ মার্কেৎ অমা শেমগৎপদা তেংবাংগনি।

শেল-থুমগী মন্ত্রীনা মখা তানা হায়খিবদা, “বজেৎ ২০১৮-১৯দা, সরকারনা লৈবাক অসিদা কাঙলোন ইনবা সনা লান্নবগী পথাপ অমা শেম্নিংবগী অপাম্বা ফোংদোকখি। মসিগী থৌওং অসিগীদমক্তা, এস.ই.বি.আই.বু রেগ্যুলেতর ওইহনগনি অমসুং ভোলতিং, এসেয়িং, লোজিস্তিক্সনচিংববু ৱেয়রহাউজিংগী মনুং চলহন্দুনা ৱেয়রফাউজিং দিভেলপমেন্ত অমসুং রেগুলেতরী ওথোরিতীনা কম্মোদিতী মার্কেৎ ইকোসীস্তেম এরেঞ্জমেন্ত অমা শেমগনি”।

শেল থাদবশিংবু ঙাক-শেনবগী থৌওং পাংথোকপগী পান্দমগা লোয়ননা, শেল-থুমগী মন্ত্রীনা শেল-থুমগী পোত্থোক খুদিংমক্কী ওইনা শেল থাদবা মীপুম খুদিংগী হক অমা ওইনা ইনভেস্তর চার্তর অমা হৌদোক্নবা ৱাহৌদোক অমসু লাউথোকখি।

নন-কনভেন্সনেল ইনর্জী সেক্তরবু খুমাং চাউশিলহন্নবা, শেল-থুম মন্ত্রীনা হায়খিবদা সরকারনা অহেনবা তেংবাং অমা ওইনা ভারতকী সোলার ইনর্জী কোর্পোরেসন্দা লুপা করোর ১০০০গী শেল্লেপ অমসুং ইন্দিয়ন রীন্যুএবল ইনর্জী দিভেলপমেন্ত এজেন্সীদা লুপা করোর ১৫০০ পীগনি হায়খি।

*****