কেন্দ্রগী মন্ত্রী, শ্রী প্রকাশ জাব্রেকরনা ঙসি সিনেমা হোল অমসুং থীএতরশিংদা কোবিদ-১৯ শন্দোকপা থিংনবা স্তেন্দর্দ ওপরেতিং প্রোসিজর অমা পুথোকখ্রে। ৱারেপ অসিবু লাউথোক্লদুনা, মন্ত্রীনা সিনেম হোলশিংনা মশাগী অঙম্বী কেপাসিতীদা মথৌ তৌবা য়ারগনি হায়খি। মহিক হাৎনবা অমসুং কোবিদকী কাঙলোনশিংদি অদুমক ইনগনি অমসুং মসিদা লাকপা মীওইশিংনা থীএতর মনুংদা লৈরিবা চানবা য়োনফমদগী চান-থক্নবসু লৈবা য়ারগনি হায়না মহাক্না মখা তাখি। মহাক্না হায়খিবদা কোবিদকা মরী লৈনবা কাঙলোন অমসুং অথিংবা কয়া থমখিবা অদুসু লোইশিল্লক্লে হায়না হায়খি।

Good news for Cinema lovers:

Today, Issued the revised SOP for the film exhibition, 100% occupancy will be allowed in theatres from 1st February, but all @MoHFW_INDIA #COVID19 guidelines will have to be followed.https://t.co/5vfZtAoHXW@MIB_India pic.twitter.com/89qZpSiMhq

— Prakash Javadekar (@PrakashJavdekar) January 31, 2021

এস.ও.পি. অসি ভারত সরকারগী হোম এফিয়র্সকী মন্ত্রালয়না সিনেমা হোল অমসুং থীএতর হাংবা য়াবগী জনুৱারি ২৭, ২০২১দা থোকখিবা ওর্দর নম্বরঃ ৪০-৩/২০২০-দি.এম.-আই. (এ.)গী মখা তারকপনি।

ইহৌ হৌবদা, এস.ও.পি. অসিনা কন্তেনমেন্ত জোনগী মনুংদা লৈবা মফমশিংদদি ফিল্ম কাপ্পা য়ারোই অমসুং রাজ্য/য়ু.তি.শিংনা মখোয়গী মফমশিংগী ফিভমশিং য়েংশিল্লবা মতুংদা চৎনবা য়াবা অতোপ্পা কাঙলোনশিং হৌদোক্লকপা য়াগনি হায়না পল্লি। মসিগী এস.ও.পি. অসিনা সিনেমা হোলগী সিৎ খুদিংমক লোইনা শিজিন্নবা য়ারগনি হায়নসু পল্লি।

এস.ও.পি. অসিনা মফমশিং অসিগী মনুংদা কোবিদকা মরী লৈনবা চেকশিন-থৌরাং খুদিংমকসু ইনগদবনি হায়না পল্লি। ফেস মাস্ক শিজিন্নবা য়াওনা নিংশা হোনবগী অচুম্বা চৎনবী ঙাকপা, ওদিতোরিয়মগী  মপান্দা, মীয়ামগী মফম অমসুং ঙাইবগী মফমশিংদা মতম পুম্বদা য়ামদ্রবদা ফুৎ ৬কী অরাপ্পা থমদুনা মতিক চাবা সোসিএল দিস্তেন্সিং তৌবা, তিন-শিৎপা থিংবা অমসুং আরোগ্য সেতু এপ শিজিন্নবসু খুমাং চাউশিলহনবগী হীরম কয়া চৎন-কাঙলোন অসিগী মনুংদা য়াওরি।

চঙফম অমসুং থোকফম খুদিংদা লাক্লিবা মীয়ামশিংগী থর্মেল স্ক্রীনিং পাংথোক্কদবনি অমসুং মীয়াম তিনবা থিংনবা মীওই অমমম তমক চৎপগী ৱারোলসু কাঙলোন অসিদা য়াওরি। ফিল্ম অমগা অমগগী মরক্তা অমসুং মলতিপ্লেক্সতা লৈরিবা স্ক্রীন কয়াগী মরক্তা মতিক চাবা মতমগী অহাঙবা থমদুনা মীওই চত্থোক চৎশিন তৌবদা মী কুংশিন্দনবা থৌওংসু পাংথোক্কদবনি। মসিদা নত্তনা, মীওই কুঙশিনবা থিংনবা ফিল্ম উৎপগী মতমসু কান্নহনগদবনি হায়বসু পল্লি।

এস.ও.পি. অসিনা তিকেৎ, চান-থক্নবগী শেল পীবদা শোক্ন-শম্নদবা দিজিতেল ত্রান্সজেক্সন শিজিন্ননবা ৱারোলসু পল্লি। বোক্স ওফিস কাউন্তরগী মশিংসু য়াম্না হাংদোক্কনি অমসুং তিকেৎ লৈনবা বোক্স ওফিসসু নুমিৎ চুপ্পগী হাংগনি অমসুং কাউন্তরশিংদা মীওই কুঙবা থিংনবা মাংজৌননা বুকিং তৌবগী খুদোংচাবসু লৈহনগনি।

অপুনবা মফম অসিবু নীংথিনা সেনিতাইজ তৌবদা মিৎয়েং চঙলদুনা, এস.ও.পি. অসিনা মফম খুদিং, মীয়াম পুম্বনা শিজিন্নবা মফম অমসুং মীওইবনা থেংগদবা মফমশিং, হায়বদি থোং পায়ফম, রেলিংনচিংবশিংবু তোয়না সেনিতাইজ তৌবগী থবকসু শোইদনা পাংথোকহনবা অমসুং ফিল্ম অমা উৎপা লোইবা খুদিংগী ওদিতোরিয়মসু সেনিতাইজ তৌগদবনি হায়বা ৱাফমসু পল্লি।

এস.ও.পি. অসিনা কোবিদকী মতাংদা তৌগদবা অমসুং তৌরোইদবশিংগী হীরমশিংবু মীয়ামদা তাকপী-তম্বীনবগীদমক্তা মফম খুদিংদা লাউথোকপা, স্তেনদী অমসুং পোস্তরগী খুত্থাংদা ই-পাউ পীনবা অখন্নবা কাঙলোনসু পল্লি।

এস.ও.পি. অসিগী অকুপ্পা ৱারোলশিংদি মখাগী লিঙ্ক অসিদগী পাবা য়াগনিঃ

https://mib.gov.in/sites/default/files/FINAL%20SOP%20for%20Exhibition%20of%20Films%20%281%29.pdf

***