ইকনোমিক সর্ভেনা তম্বা ঙমদবা কোবিদ-১৯গী লাইচৎ অমসুং মসিগী মখাতারকপা শিংনবশিং লৈজরবসু ভারতকী শেন্মীৎলোনগী ইনফ্রাস্ত্রকচর সেক্তর অসি খোঙজেল য়াংনা ফগৎলকপগী লম্বেল অমদা লাক্লি হায়না তাকখ্রে। সর্ভে অসি কেন্দ্রগী ফাইনান্স অমসুং কোর্পোরেৎ এফিয়র্স মন্ত্রী শ্রীমতী নির্মালা সিতারমন্না ঙসি পার্লিয়ামেন্ততা পুথোকখি।

সর্ভে অসিনা লৈবাক অসিদা ইনফ্রাস্ত্রকচরগী গ্রোত্থ অসিনা সরকার অসিনা অহানবা মীৎয়েং চংলিবা মরুওইবা অমা ওইরি হায়না তাকখ্রে। ইনফ্রাস্ত্রকচর সেক্তরগী অকনবা ফোর্ৱার্দ-বেকৱার্দ লিঙ্কেজশিং ফজনা শেমগৎখ্রে। মরম অদুনা ইনফ্রাস্ত্রকচরদা ইনবেস্তমেন্ত তৌবা অসি শেন্মীৎলোন য়াম্না থুনা অমসুং মপুংফানা চাওখৎহনবদা য়াম্না মরুওইবা অমা ওইরে।

ইকনোমিক সর্ভে অসিনা ৱার্ল্দ ক্লাস ইনফ্রাস্ত্রকচর প্রোজেক্তশিং ইম্প্লিমেন্ত তৌনবা এফ.ৱাই. ২০২০-২০২৫গী নেস্নেল ইনফ্রাস্ত্রকচর পাইপলাইন (এন.আই.পি.) ভারত সরকারনা লোঞ্চ তৌখ্রে হায়না ফোঙদোকখ্রে। মসি শেন্মীৎলোন চাওখৎহন্নবা, থবক্কী খুদোংচাবশিং পীনবা অমসুং ভারতকী শেন্মীৎলোনগী অতোপ্পগা চাংদম্নবা হেনগৎহন্নবা অহানবা মখলগী খোঙথাং অমনি। মসি কেন্দ্র সরকার, রাজ্য সরকারশিং অমসুং লনাই সেক্তরশিংনা পুন্না শেল থাদবনি। এন.আই.পি. অসি ২০২০-২০২৫গী ওইনা লুপা করোর লাখ ১১১ (ত্রিলিয়ন $১.৫)কী প্রোজেক্তেদ ইনফ্রাস্ত্রকচর ইনবেস্তমেন্তগা লোইননা লোঞ্চ তৌখিবনি। ইনর্জী, লম্বীশিং, অর্বান ইনফ্রাস্ত্রকচর, রেলৱেজগুম্বা সেক্তরশিংগী এন.আই.পি.দা অচৌবা শিয়রশিং য়াওরি।

ভারত্তা ইনফ্রাস্ত্রকচরদা লনাইগী ইনবেস্তমেন্ত অসি মরুওইনা পব্লিক-প্রাইবেৎ পার্তনর্শীপ (পি.পি.পি.শিং)গী মওংদা লৈ হায়না ইকনোমিক সর্ভেনা ফোঙদোকখ্রে। পি.পি.পি.শিংনা ইনফ্রাস্ত্রকচরগী অহোবা মেনশিনবগা লোইননা ইনফ্রাস্ত্রকচর সর্ভিস দিলিবরীগী ইফিসেন্সী ফগৎহনবদা মতেং পাংলি। ভারত সরকারনা সেন্ত্রেল সেক্তরদা পি.পি.পি. প্রোজেক্তশিং এপ্রেজ তৌবগী থৌদাং লৌনবা পব্লিক প্রাইবেৎ পার্তনর্শীপ এপ্রেজল কম্মিতী (পি.পি.এ.সি.) লিংখৎখ্রে।

ইনফ্রাস্ত্রকচর সেক্তরদা নৌহৌননা শেমগৎপা অসিনা শেন্মীৎলোন চাওখৎহনবা মরুওইবা মরম অমনি। ইকনোমি সর্ভেগী মতুং ইন্না মসিগী ফগৎলকপা অসি ভারতকী শেন্মীৎলোন খ্বাইদগী ফগৎলকপা মতমগী অহৌবা শরুক অমনি হায়না থাজবা য়াই। ইন্দস্ত্রীগী থবক থৌরমশিংদা মখাতানা ফগৎহনবা অমসুং চেৎশিনহনবা, সরকারগী কেপিতেল এক্সপেন্দিচর হেনগৎহনবা, বেক্সিনেসন দ্রাইব অমসুং মতম কুইনদগী পন্দুনা লাক্লবা রিফোর্ম মীজরশিং মাংলোমদা পুখৎপা অসিনা হৌজিক ফগৎলক্লিবা অসিদা তঙাইফদবা মতেং পীরি। লৈবাক অসিদা পুরক্লিবা অওনবশিং অসি মালেমগী অচৌবা শেন্মীৎলোনশিংগী মরক্তা খ্বাইদগী মপুংফাবা অমনি হায়বদা হায়মনবা থোক্লোই।

এফ.ৱাই.২১দা পি.পি.পি.এ.সি.না পুন্না লুপা করোর ৬৬.৬০০.৫৯গী শেনফম ওইবা প্রোজেক্ত ৭ রিকমেন্ত তৌখ্রে। মসিগী প্রোজেক্ত ৭ অসিগী মনুংদা ১না তেলিকোম সেক্তর প্রোজেক্তনি, ৩ অমনা রেলৱেজ সেক্তর প্রোজেক্তশিংনি (স্তেসন অনি অমুক হন্না শেমগৎনবা প্রোজেক্ত অমসুং পেসেঞ্জর ত্রেন প্রোজেক্ত), ২ অমনা এম.ঐচ.এ. সেক্তর প্রোজেক্তশিংনি (ইকো-তুরিজম প্রোজেক্তশিং) অমসুং ১না পোর্ত সেক্তর প্রোজেক্তনি।

পার্লিয়ামেন্ততা পুথোকখিবা সর্ভে অদুনা ২০২৪-২৫ ফাওবদা অনৌবা মখলগী ইনফ্রাস্ত্রকচরগী বাইএবিলিতী গেপ ফন্দিং (ভি.জি.এফ.) স্কিম অসি মখাতানা চত্থখিনবা অয়াবা পীনবা জি.ও.আই.গী খোঙথাং অদু পুত্থোকখি। প্রপোজ তৌরিবা অনৌবা মখলগী ভি.জি.এফ অসিনা  অহেনবা পি.পি.পি. প্রোজেক্তশিংগী পুক্নিং চিংশিনগনি অমসুং সোসিএল সেক্তরশিং (হকশেল, এজুকেসন, ৱেস্ত-ৱাতর, সোলিদ ৱেস্ত মেনেজমেন্ত, ৱাতর সপ্লাইনচিংবা)দা লনাইগী ইনবেস্তমেন্ত ফংহল্লগনি। অনৌবা মখলগী স্কিম অসি মরুওইনা সোসিএল ইনফ্রাস্ত্রকচরদা মরুওইনা লনাই ওইনা শরুক য়ানবা সব-স্কিম অনি হৌদোকপগা মরী লৈনৈ।

ইকনোমিক সর্ভেগী মতুং-ইন্না লম্বী অমসুং হাইৱেশিং, কোয়লা, রেলৱেজ, এভিএসন, তেলিকোম, পোর্তশিং অমসুং ইনর্জী অসি কোবিদকী চহী ওইজরবসু ইনফ্রাস্ত্রকচর সেক্তরদা নৌনা ফগৎহনবগী মরুওইবা থৌদাং লৌরিবা ইনফ্রা সেক্তরশিংনি।

সেক্তর অমমগী ওইবা ই-পাউশিং-

লম্বী অমসুং হাইৱেগী সেক্তরদা থাদখিবা অপুনবা ইনবেস্তমেন্ত অসি এফ.ৱাই.১৫ দগী এফ.ৱাই.২০ ফাওবগী চহি তরুক অসিদা শরুক অহুম হেনগত্তুনা রাজ্য পুম্বদা লম্বীগী মশিংসু হেনগৎহনখ্রে। এফ.ৱাই.২০দা লম্বীগী অপুনবা ইনবেস্তমেন্ত অসি এফ.ৱাই.১৫গী লুপা করোর ৫১৯৩৫কা চাংদম্নবদা লুপা করোর ১৭২৭৬৭দা হেনগৎখ্রে।

লম্বীগা মান্ননা এভিএসন সেক্তরদসু ফজনা হেনগৎপা উৎলি। কোবিদ-১৯না মরম ওইদুনা শিংনবা কয়া লৈরবসু ভারতকী এভিএসনগী ইন্দস্ত্রী অসি অৱা অনা মতম অসিদা খাংবা কনবা অমসুং মতম কুইনগী ওইবা মওংদা ফগৎলকপা ঙম্বা অমসুং মথৌ পাংথোকপদা মপুংফানা কত্থোকপা অদু উৎলি। ভারতকী এভিএসন মার্কেৎ অসি মালেমদা খ্বাইদগী য়াংনা চাওখৎলিবা অমনি। ভারতকী দোমেস্তিক ত্রাফিক অসি চহিদা চাদা ১৪দগী হেন্না হেনগত্তুনা এফ.ৱাই.১৪গী চাওরাক্না মিলিয়ন ৬১দগী শরুক অনি হেনগত্তুনা এফ.ৱাই.২০দা চাওরাক্না মিলিয়ন ১৩৭ ওইখ্রে। বন্দে ভারত মিসন অসি মালেম পুম্বদা পন্দুনা লৈরিবা ভারত মচাশিং পুরক্নবা ২০২০গী মে ৭দা লোঞ্চ তৌখি। মসিনা পুৱারীদা খ্বাইদগী মীশিং য়াম্না হোন্দোরকপা মিসন অমা ওইদুনা দিসেম্বর ২০২০ ফাওবদা পেসেঞ্জর লাখ ৩০ থুংলখি। এয়র পেসেঞ্জর ত্রাবেল অমসুং এয়র মুবমেন্ত অসি সরকার লৌখৎলিনা চেকশিন থৌরাং অমসুং খোঙথাংশিং অসিনা মরম ওইরগা ২০২১গী অহৌবা শরুক্তা কোবিদ মমাংগী ফীভমদা হঞ্জিনলক্লগনি হায়না পানরি।

পোর্তস অমসুং শিপ্পিং সেক্তর অসি মালেম পুম্বদা পোৎচৈ পুত্থোক পুসিন তৌবা অমসুং সর্ভিসশিংগী য়াংলেন শরুনি। ইকনোমিক সর্ভেগী মতুং ইন্না সেক্তর অসিদসু ফজনা ফগৎলকপগী মমি তারি। সাগর্মালা প্রোগ্রামনা পোর্তকী দিবেলপমেন্তগী খুদোংচাবশিং পুরক্কদবা অমসুং ইনফ্রাস্ত্রকচর ইনবেস্তমেন্ত করোর লাখ ৩.৫৯ হেন্না শিজিন্নগনি হায়না পানরিবা দিবেলপমেন্ত প্রোজেক্ত ৫০০ হেন্না খন্দোকখ্রে। 

ইন্দিয়ন রেলৱেজগী ৱারী অসি হন্দক চহি ওইনা খাংবা কনবা, মাই পাকপা অমসুং কেপাসিতী চাওথোকপগী ওইখ্রে। রেলৱেজনা “ন্যু ইন্দিয়া ন্যু রেলৱেজ” খোঙথাংগী মখাদা পি.পি.পি. মোদকী খুত্থাংদা প্রাইবেৎ প্লেয়রশিংনা রেলৱেজ সেক্তরদা মথৌ তৌবা য়াহনখ্রে। খোঙথাং অসিনা লনাই সেক্তরদগী চাওরাক্না লুপা করোর ৩০,০০০গী ইনভেস্তমেন্ত অমা ফংবা ঙম্লগনি হায়না পারি। পার্কিয়ামেন্ততা ঙসি থমখিবা ইকনোমিক সর্ভে অদুনা রেলৱেজ মন্ত্রালয়না তুং কোইনা চৎকদবা মীয়েং অমগা লোইননা নেস্নেল রেল প্লান (এন.আর.পি.) দিবেলপ তৌখ্রে হায়নসু ফোঙদোকখ্রে। মসিনা ২০৫০ ফাওবগী ত্রাফিক্কী মথৌ তাবশিং ফংহন্নবা ২০৩০ ফাওবদা রেল ইনফ্রাস্ত্রকচর মতিক চানা দিবেলপ তৌনবা পান্দম থম্মি।

তেলিকোম সেক্তরদা ভারত সরকারনা দিজিতেল ইন্দিয়া কেম্পেনগী শরুক অমা ওইনা পুম্নমক্কী ব্রোদবেন্দ পীনবা অহেনবা মীৎয়েং চংলি হায়না সর্ভে অসিনা পুথোকখি। ভারতকী নাগরিক খুদিংমক্তা ইন্তর্নেৎ মপুংফানা ফংহন্দুনা দিজিতেল দিবাইদ ফংহন্নবা হোৎনরি। ইন্তর্নেৎ সবক্রাইবরশিংগী মশিং অসি (ব্রোদবেন্দ অমসুং নেরোবেন্দ অনিমক পুল্লগা) মার্চ ২০১৯গী মিলিয়ন ৬৩৬.৭৩গা চাংদম্নবদা সেপ্তেম্বর ২০২০ লোইরকপদা মিলিয়ন ৭৭৬.৪৫ ওইখি। ৱাইয়র্লেস দেতা শিজিন্নবা মশিং অসি ২০১৯গী মনুংদা অঙকপা চাং অমদা হেনগত্তুনা এক্সা বাইত ৭৬.৪৭দা লৈখি। ২০২০গী জানুৱারী-সেপ্তেম্বর ফাওবদা মসি এক্সা ৭৫.৪৭দা মাংজৌননা য়ৌখ্রে। ভারত সরকারনা দিজিতেল ইন্দিয়া প্রোগ্রামগী পান্দম ফংনবা ভারতনেৎ য়াওনা অনৌবা থৌরাং কয়ামরুম লৌখৎখ্রে। প্রোজেক্ত অসিগী মখাদা রাজ্যশিং অমসুং লনাই সেক্তরগা খুৎশম্নরগা নাগরিকশিং অমসুং খুঙ্গংগী লমগী ইন্সতিত্যুসনশিংদা নন-দিস্ক্রিমিনেতরী বেসিসতা ব্রোদবেন্দ হাইৱেজ এক্সেস তৌবা য়ানবা নেতৱার্ক ইনফ্রাস্ত্রকচর শেমগৎলি। ১৫.০১.২০২১ ফাওবদা গ্রাম পঞ্চয়ত (জি.পি.) লাখ ১.৬৩ কভর তৌনবা ওপ্তিকেল ফাইবর কেবল কি.মি. লাখ ৪.৮৭ তিংখ্রে অমসুং জি.পি. লাখ ১.৫১ ময়া নক্না সর্ভিস তৌবা য়াবা ফীভমদা লৈখ্রে।

ইকনোমিক সর্ভে অসিনা ভারত অসি মালেমদা য়ু.এস.এ. অমসুং চাইনাগী মতুংদা খ্বাইদগী ইনর্জী শিজিন্নবা লৈবাক অমনি হায়না পনখি। মালেমগী প্রাইমরী ইনর্জী কঞ্জুমসনগী চাদা ৫.৮ শিয়র তৌরদুনা ভারতকী ইনর্জী কঞ্জমসন অসি কোয়লা অমসুং ক্রুদ ওইলনা মরুওইনা খুদুম চল্লি। ভারতকী মশাগী ওইবা ক্রুদ ওইল পুথোকপগী চাং অসি এফ.ৱাই.১৯গী ৩৪.২০ এম.এম.তি.গা চাংদম্নবদা এফ.ৱাই.২০দা ৩২.১৭ মিলিয়ন মেত্রিক তন্দা (এম.এম.তি.)দা হন্থখ্রে। পুথোকপদা হন্থরকপগী মরম অসি মরুওইনা কোবিদ-১৯ শন্দোরকপননি। মরম অদুনা পুথোকপগী চাং অসি হান্নগুম হঞ্জিল্লক্তুনা শেন্মীৎলোন ফগৎহল্লগনি।

এফ.ৱাই.২০গী মনুংদা রিফাইনরী অয়াম্বা ক্বালিতী অপগ্রেত তৌবগী প্রোজেক্তশিং ইম্প্লিমেন্ত তৌনবা থোং লোনখি। এপ্রিল-দিসেম্বর ২০২০গী মনুংদা ক্রুদ ওইল প্রোসেস তৌবা অসি এপ্রিল-দিসেম্বর ২০২০গা চাংদম্নবদা চাদা ১৫.৮ হন্থদুনা ১৬০.৩৬ এম.এম.তি. ওইখি। মসিগী মথক্তা সরকার অসিনা কোবিদ-১৯ লোকদাউন মনুংদা লাইরবা ইমুংশিংগী তঙাইফদনা চংদ্রবা য়াদ্রবা এল.পি.জি. শিলিন্দর লেম্না করোর ১৪ হেন্না য়েন্থোকখি অমসুং লৈবাক শিনবা থুংনা থাও ফংহনখি।

ইকনোমী সর্ভেনা ইকনোমিক্কী থবক থৌরম ফগৎহনবদা মরু ওইরিবা ইলেক্ত্রিসিতীগী চাওনা ফগৎলকপা অদু উৎখি। ভারত্তা ইলেক্ত্রিসিতী পুথোকপা অমসুং ত্রান্সমিসন তৌবদা চাওনা খুমাং চাওশিল্লক্লি।  অপুনবা ইন্সতোল তৌখিবা কেপাসিতী অসি মার্চ-২০১৯গী এম.দবল্যু. ৩,৫৬,১০০গা চাংদম্নবদা মার্চ ২০২০দা এম.দবল্যু. ৩৭০.১০৬দা হেনগৎখি। মখাতানা পুথোকপগী চাং অসি ওক্তোবর-২০২০দা এম.দবল্যু. ৩,৭৩,৪৩৬তা হেনগৎখ্রে অমসুং মসিগী মনুংদা থর্মলগী এম.দবল্যু. ২,৩১,৩২১, হাইদ্রোগী এম.দবল্যু. ৪৫,৬৯৯, ন্যুক্লিয়রগী এম.দবল্যু. ৬,৭৮০ অমসুং রিন্যুৱেবল অমসুং অতোপ্পগী এম.দবল্যু. ৮৯,৬৩৬ য়াওরি। মখাতানা লৈবাক অসিনা মমিং ওইনা পল্লবদা দীন দয়াল উপাধ্যয় গ্রাম জোতী য়োজনাগী মখাদা খুঙ্গংশিংগী চাদা ১০০গী ইলেক্ত্রিফিকেসন অমসুং প্রধান মন্ত্রী সাহজ বিজলি হর ঘর য়োজনাগী মখাদা য়ুনিভর্সেল হাউসহোল্দ ইলেক্ত্রিফিকেসন (শোভাগ্য) হায়রিবা মরুওইবা খুঙ্গংগী ইলেক্ত্রিফিকেসন এরেনা অনি মপুংফানা লোইশিনখ্রে।

ভারত অসি লেপ্পা লৈতনা অর্বানাইজেসন তৌরি। ২০১১গী সেন্সসকী মতুং ইন্না ভারতকী অর্বান্দা লৈবা মীশিং অসি করোর ৩৭.৭ ওইখ্রে অমসুং ২০৩০ করোর ৬০ ওইগনি হায়না পানরি। সর্ভে অসিনা প্রধান মন্ত্রী অৱাস য়োজন-অর্বান (পি.এম.এ.ৱাই.-য়ু)না ২০২২দা মীপুম খুদিংমক্তা পক্কা য়ুম অমা পীনবগী পান্দম অদু ফংনবগী লেপ্পা লৈতনা চংশিল্লি হায়না ফোঙদোকখ্রে। হৌজিক ফাওবদা এপ্রুব তৌখিবা য়ুম লাখ ১০৯গী মনুংদা য়ূম লাখ ৭০ হেনবনা শানবা উরেপ উয়ুং তমখ্রে। য়ুম লাখ ৪১ হেনবনা শাবা লোইরদুনা খুৎশিন্নখ্রে। ভারত সরকারনা আত্মানির্ভর ভারত ৩.০গী মখাদা স্কিম অসিগী বজেতরী এলোকেসন অমসুং এক্সত্রা বজেতরী রিসোর্সশিংগী খুত্থাংদা এফ.ৱাই.২১ চহিগী অহেনবা শেনফম ওইনা লুপা করোর ১৮,০০০ কাইথখ্রে। মখাতানা পি.এম.এ.-ৱাই.গী মখাদা সব স্কিম অমা ওইরিবা এফোর্দেবল রেন্তেল হাউস কম্প্লেক্সেস (এ.আর.ঐচ.সি.শিং) মাইগ্রেন্ত ৱার্করশিংগী থবক মফমশিংগী মবাদা অহোংবা মমলদা অফবা মখলগী ভারাগী য়ুম ফংহন্নবা হৌদোকখ্রে।

ইকোনিক সর্ভে অসিনা মপুংফানা শৌগৎপগী তঙাইফদবশিং, মেন্যুফেকচরিং ইনফ্রাস্ত্রকচর সেক্তরদা অনৌবা থৌরাংশিং, মফম চাবশিংদা পব্লিক অমসুং প্রাইবেৎকী পার্নরশীপশিং অমসুং শেন্মীৎলোনগী হীরম খুদিংমক্তা অওনবা পুরকপগা মরী লৈনবশিং উৎখি।

*****