প্রধানমন্ত্রীগী লোইশঙ
প্রধান মন্ত্রীনা অবু ধাবীগী ক্রাউন প্রিন্স অমসুং য়ু.এ.ই আর্মদ ফোর্সেসকী দিপুতি সুপ্রিম কমান্দর হিস হায়নেস সৈখ মোহম্মদ বিন জয়েদ অল নাহয়ানগা ৱারি শানখ্রে
प्रविष्टि तिथि:
28 JAN 2021 8:12PM by PIB Imphal
প্রধান মন্ত্রী শ্রী নরেন্দ্র মোদীনা তেলিফোন্দা অবু ধাবীগী ক্রাউন প্রিন্স অমসুং য়ু.এ.ই আর্মদ ফোর্সেসকী দিপুতি সুপ্রিম কমান্দর হিস হায়নেস সৈখ মোহম্মদ বিন জয়েদ অল নাহয়ানগা ৱারি শানখ্রে।
কোবিদ-১৯ লাইচৎনা লমদম অসিদা পীরিবা চৈথেংগী মতাংদা লুচিংবা অনিনা ৱারি শানখি অমসুং হকশেলগী অৱাবা মনুংদা ফাওবা ভারত অমসুং য়ু.এ.ইগী মরক্তা মতেং পাংনবা লেপ্তবদা অপেনবা ফোঙদোকখি।
কোবিদ লাইচৎ মতুংগী মালেম অসিদা মখা তানা ভারত-য়ু.এ.ই মরুপ-মপাং ওইবগী মরী কনখৎহনবা অমসুং মখা তানা ৱারি শানবা হায়না মখোয়না য়ানখি। ফিবম অসিদা, মখা তানা ললোন-ইতিক অমসুং শেন থাদবগী মরীশিং মখল কয়া থোক্নবা পাংথোক্নবা হৌজিক লৈরিবা খুদোংচাবশিং মখোয়না খন্নখি।
য়ু.এ.ইদা লৈরিবা ভারতমচাশিং য়াইফনবা মতম পুম্নমক্তা হিস হায়নেস মশামক্না পুক্নিং চঙনা চেকশিন-থৌরাং লৌখৎপগীদমক প্রধান মন্ত্রীনা মহাক্কী অখন্নবা থাগৎপা ফোঙদোকখি।
কোবিদকী অৱাবা অথুবদা মতমদা লোইরগনি অমসুং তুংদা মখোয় অনি হকথেংন্না উনরগনি হায়বগী থাজবা লুচিংবা অনিনা থমখি।
****
(रिलीज़ आईडी: 1693101)
आगंतुक पटल : 189
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam