• হোম এফিয়র্স মন্ত্রালয়না(এম.ঐচ.এ.) ঙসি সর্ভিলেন্স, কন্তেনমেন্ত অমসুং চেকশিন থৌরাংশিংগীদমক  গাইদলাইনশিং য়াওবা ওদর অমা পুথোকখ্রে অমসুং মসি ২০২১গী ফেব্রুৱারী ১দগী ২০২১গী ফেব্রুৱারী ২৮ ফাওবা চৎনরগনি৷
• হৌখিবা থা মরি অসিদা লৈবাক অসিদা কোবিদ-১৯গী এক্তিব কেস মশিং তপ্না তপ্না তারকপা ঙমখ্রবা সবস্তেন্সিয়েল গেনশিং অদু পুনশিনবা অসিনা গাইদলাইনশিং অসিগী খ্বাইদগী মরু ওইবা পান্দম ওইরি৷  মরম অদুনা লাইনা-লাইচৎ অসিদগী মপুং ফানা লান্থেংনবা ঙম্নবা এম.ঐচ.এ. অমসুং হকশেল অমসুং য়াইফ য়ুম্বাল মন্ত্রালয়না (এম.ও.ঐচ.এফ.দবল্যু.) ফোংলিবা গাইদলাইনশিং/এস.ও.পি.শিং অসি য়াম্না চেকশিন্না ইনবা তঙাই ফদে৷

সর্ভিলেন্স অমসুং কন্তেনমেন্ত

• হায়রিবা হিরম অসিদা তঙাই ফদ্রবদি কন্তেনমেন্ত জোনশিং হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.) অসিনা ফোংলিবা গাইদলাইনশিং অসি ইন্দুনা দিস্ত্রিক ওথোরিতীশিংনা মাইক্রো লেভেলদা তোখায়না চেকশিন্না খায়দোক্তুনা থমগদবনি৷ দিমার্কেসন কন্তেনমেন্ত জোনশিংগী মনুংদা এম.ও.ঐচ.এফ.দবল্যু.না ফোংলিবা কন্তেনমেন্ত মিজরশিং অদু চেকশিন্না ইগদবনি৷
• হায়রিবা কন্তেনমেন্ত মিজরশিং অসি চেকশিন্না  চৎনহনবদা লোকেল দিস্ত্রিক, পুলিস অমসুং মুনিসিপাল ওথোরিতীশিং অসিনা থৌদাং লৌরগনি অমসুং হায়রিবা হিরম অসিদা রাজ্য/য়ু.তি.শিং অসিনা ওফিসরশিং অসিগী একাউন্তেবিলিতী অদু লৈহল্লগনি৷

কোবিদকা চান্নবা শাজৎশিং

• কোবিদ-১৯গী চান্নবা শাজৎশিং চৎনবা অমসুং ফেস মাক্স শিজিন্ননবা, হেন্দ হাইজিন অমসুং সোসিয়েল দিস্তেন্সিং ঙাক্নবা তঙাই ফদবা খোংথাংশিং রাজ্য/য়ু.তি. সরকারশিং অসিনা লৌখৎলগনি৷
• কোবিদ-১৯ এপ্রোপ্রিয়েত বিহেবিয়র অসি তৌন্নবা লৈবাক অসি শিনবা থুংনা কোবিদ-১৯ মেনেজমেন্তগীদমক নেস্নেল দাইরেক্তিবশিং মখাতানা ইল্লগনি৷

এস.ও.পি.শিং অসিদা য়াওরিবা চৎনা পথাপশিং

• মখাগী অসিদা নত্তনা কন্তেনমেন্ত জোনশিংগী মপান্দা লৈরিবা মফমশিংদা পাংথোক্লিবা থবক থৌরম পুম্নমক অখন্নবা অথিংবা খরা অসিগা লোইননা পাংথোকপা য়াহল্লে:
  • অফুনবা হোলশিং অমসুং অহাংবা মফমশিংদা মীওই ২০০ য়ৌনা তিন্দুনা চাদা ৫০ ফমদুনা সোসিয়েল/রিলিজিয়র্স/স্পোর্তস/ এন্তরতেনমেন্ত/এদজুকেস্নেল/কল্চরেল/রিলিজিয়র্য় গেদরিং পাংথোকপা য়ারে৷ হৌজিক্তি অসিগুম্বা মী পুনবগী থৌরমশিং অসি মরী লৈনবা রাজ্য/য়ু.তি.গী এস.ও.পি. ইন্দুনা পাংথোকপা য়ারগনি৷
  • সিনেমা হোলশিং অমসুং থ্রেতরশিং সিতিং কেপাসিগী অদুগী চাদা ৫০ ফমহন্দুনা কাপ্পা য়াবগী অয়াবা মাংজৌননা পীখ্রে৷ হৌজিক্তি মখোয়শিং অসি সিতিং কেপাসিতী হেন্না লৈহন্দুনা কাপ্পা য়াহল্লগনি অমসুং মসিগীদমক এম.ঐচ.এ.গা তান্নরগা ইনফোর্মেসন অমসুং ব্রোদকাস্তিং মন্ত্রালয়না শেমদোক্লবা এস.ও.পি. অমা ফোংলগনি৷
  • স্পোর্ত শান্নবা মীওইশিং অসিগীদমক স্বিমিং পুলশিং শিজিন্নবা মাংজৌননা যাহনখ্রে৷  হৌজিক্তি স্বিমিং পুলশিং অসি ময়াম পুম্নমক্না শিজিন্নবা য়াহল্লগনি অমসুং মসিগীদমক এম.ঐচ.এ.গা তান্নরগা য়ুথ এফিয়র্স অমসুং স্পোর্তস মন্ত্রালয়না শেমদোক্লবা এস.ও.পি.অমা ফোংলগনি৷
  • ব্যুজিনেস তু ব্যুজিনেস(বি২বি) এগজিবিসন হোলশিং মাংজৌননা হাংদোকপা য়াহনখ্রে৷ হৌজিক্তি এগজিবিসন হোল মখল পুম্নমক হাংদোকপা য়াহল্লগনি অমসুং মসিগীদমক এম.ঐচ.এ.গা তান্নরগা কম্মর্স মন্ত্রালয়না শেমদোক্লবা এস.ও.পি. অমা ফোংলগনি৷
• পেসেঞ্জরশিং অসিগী ইন্তরনেস্নেল এয়র ত্রাভেল হাংদোক্ননবগীদমক ফিভম অসিগী মতুং ইন্না হোম এফিয়র্স মন্ত্রালয়(এম.ঐচ.এ.)গা তান্নরবা মতুংদা সিভিল এভিয়েসন মন্ত্রালয়(এম.ও.সি.এ.)না  ৱারেপ অমা লৌরগনি৷
• তোঙান তোঙানবা থবকশিং অসিগীদমক মতম মতমগী মতুং ইন্না এস.ও.পি.শিং ফোংলগনি৷ হায়রিবশিং  অসিগী মতুং চল্লিবশিং অদুদি: পেসেঞ্জর ত্রেনশিং শিজিন্নদুনা চত্থোক চশিন তৌবা; মেত্রো ত্রেনশিং; স্কুলশিং; হাইয়র এদজুকেস্নেল ইন্সতিত্যুসনশিং; হোতেলশিং অমসুং রেস্তুরেন্তশিং; শোপ্পিং মোলশিং, মল্তিপ্লেক্সশিং অমসুং এন্তর্তেনমেন্ত পার্কশিং; য়োগ সেন্তরশিং অমসুং জিমনাসিয়মশিং অসিনচিংবনি৷ হায়রিবা এস.ও.পি.শিং অসি মসিবু য়েংশিল্লিবা মরী লৈনবা ওথোরিতীশিং অসিনা চেকশিন্না চৎনহনগদবনি৷

লোকেল রেস্ত্রিক্সনশিং

• য়ুমলোন্নবা লৈবাকশিংগা লৈনরিবা ত্রেতিশিংগী মখাদা ক্রোস লেন্দ-বোর্দর ত্রেদ য়াওনা করবার তৌরিবা মীওইশিং অমসুং পোৎ-চৈশিং য়াওনা ইন্তর-স্তেত অমসুং ইন্ত্রা-স্তেত চত্থোক-চশিন তৌবদা অথিংবা অমতা লৈররোই৷ অসিগুম্বা চত্থোক-চশিন তৌবা অসিগীদমক তোখায়বা পর্মিসন/এপ্রুভেল/ই-পর্মিত দরকার লৈররোই৷

কা হেন্না শোকপা য়াবা মীওইশিংগীদমক ঙাকপী শেনবিবা

• কা হেন্না শোকহল্লকপা য়ানা লৈরিবা মীওইশিং হায়বদি চহী ৬৫ হেল্লবা মীওইশিং, কো-মোর্বিদিতীশিং লৈরিবা মীওইশিং, মীরোনবী নুপীশিং অমসুং চহী ১০গী মখাদা লৈরিবা অঙাংশিং তঙাই ফদবা মরম অমসুং হকশেলগী ওইবা মরম নত্তনা য়ুম-য়ুমদা মপান থোক্তনা লৈনবা খঙহনখ্রে৷

আরোগ্য সেতু শিজিন্নবা

• আরোগ্য সেতু মোবাইল এপ্লিকেসন শিজিন্নবা অসি লেপ্পা লৈতনা মখাতানা পুক্নিং থৌগৎকদবনি৷

*****