ভারত্তা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎলি‍। হৌখিবা নুমিৎ ২০সিদগী হৌনা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা লাক্লি‍।

ঙসি ফাওবদা অপুনবা ফগৎলকখ্রবা মীশিং ১,০৩,৫৯,৩০৫ ওইরি‍।

হৌখিবা পুং ২৪সিদা অনাবা মীশিং ১৩,৩২০ ফগৎলক্তুনা দিসচার্জ তৌখ্রে‍। লৈবাক্কী ফগৎলকপগী চাং মখা তানা হেনগৎলক্তুনা চাদা ৯৬.৯১ ওইরি‍।

গ্রাফ অসিনা হৌখিবা চয়োলশিংদা লৈবাকসিগী হান্না পানরুদবা মওংদা নোংমা নোংমগী হোংলক্লিবা হৌজিক নারিবা মীশিং উৎলি‍। হৌখিবা পুং ২৪সিদা লৈবাক্কী তেলীদা নৌনা নারকপা মীশিং ১২,৬৮৯ হাপচিল্লকখি‍।

ঙসি ভারতকী অপুনবা হৌজিক নারিবা মীশিং ১,৭৬,৪৯৮ ওইরি‍।

ভারতকী হৌজিক ওইরিবা অপুনা নারিবা মীশিং অসি ভারতকী অপুনবা নাখিবা মীশিংগী শুপ্নতগী চাদা ১.৬৫ খক্তমক ওইরি‍।

হৌখিবা নুমিৎ ৭নিসিদা মীওই মিলিয়ন খুদিংগী নুংতিগী নারকপা মীশিং (৬৯) খ্বাইদগী নেম্বশিংগী মরক্তা ভারতসু ওইরি‍।

পুক্নিং থৌগৎনিংঙাই ওইরবা ফীভম অসি তেস্ত, ত্রেক, ত্রীত তেক্নোলোজী হায়বা কেন্দ্রনা লুচিংদুনা ইচঙ থৌনা অমদি নীংথিনা য়াত্থোক্লবা লাল্লোং অসিনা ওইহল্লকপনি‍। মশিং য়াম্না অমদি ইচঙ থৌনা তেস্ত তৌদুনা ঙন্না খঙদোকহৌবা, পন্থদনা সর্ভিলেন্স অমসুং ত্রেকিং তৌবা, নীংথিনা য়েংশিন্দুনা য়ুমদা আইসোলেসন তৌহনবা অমদি কেন্দ্রনা পীখিবা স্তেন্দর্দ ওফ কেয়র প্রোতোকোলগী খুত্থাঙদা অৱাংবা থাক্কী মেদিকেল কেয়রনা ফগৎলকপগী চাং হেনগৎলকপসিদা মতেং ওইরি‍।

অনা লায়েংশঙশিংদা হেন্না ফগৎহল্লবা অমদি মতিং লৈবা লায়েং পথাপ, নীংথিনা য়েংশিন্দুনা য়ুমদা আইসোলেসন তৌহনবা, নন-ইনভেজিব ওক্সিজেনগী ঙাক্লৌ পীবা, স্তেরোইদ, এন্তিকোএগুলেন্ত শীজিন্নবা, অমদি পন্থদনা অমদি মতম চানা লায়েং পীনগীদমকী অনাবশিং পুননবা ফীভম ফগৎহল্লবা এম্বুলেন্সকী সর্ভিসনচিংবদা কেন্দ্র অমসুং স্তেত/য়ু.তি. লৈঙাকশিংনা মখা তানা মীৎয়েঙ চঙলি‍। কেন্দ্র লৈঙাক্না স্তেত/য়ু.তি. লৈঙাকশিংদা ভেন্তিলেতর, পি.পি.ই. কিত, দ্রগনচিংবা মরাং কায়না পীদুনা ঙাক্লৌ পীরি‍। অশা থৌমীশিংনা চোকথবা নাইদনা থবক তৌদুনা মওং চুম্না সর্ভিলেন্স অমসুং নীংথিনা য়েংশিন্দুনা য়ুমদা আইআওলেসন তৌরিবা অনাবশিংগী ফীভম য়েংশিনবগী থবক চত্থরি‍।

‘ইসঞ্জিবনি’ দিজিতেল ফম্পাক্না তেলিমেদিসিন সর্ভিস ফংহন্দুনা কোবিদ শন্দোরকপা মায় পাক্না লাকশিল্লি অমদি কোবিদ নত্তবা মরুওইবা হকশেলগী থবক থৌরমশিং ফংহল্লি‍। আই.সি.য়ু. পানরিবা দোক্তরশিংগী ক্লিনিকেল মেনেজমেন্ত কেপাসিতী হেনগৎহন্নবগীদমক কেন্দ্রনা মীৎয়েঙ থম্লি‍। এইমস, নই দীল্লীগী এক্সপর্তশিংনা পাঙথোকপা ‘নেসনেল ই-আই.সি.য়ু. ওন কোবিদ০১৯ মেনেজমেন্ত’ এক্সরসাইজনা মসিদা মশক থোক্না মতেং ওইরি‍।

জনুৱারী ২৭, ২০২১গী অয়ুক পুং ৮ ফাওবদা লৈবাক শিনবা থুংনা চত্থরিবা কোবিদ-১৯ তিকা থাবগী থবক অসিগী মখাদা বিনিফিসিয়রী লাখ ২০ (২০,২৯,৪৮০) হেন্না তিকা থাখ্রে

হৌখিবা পুং ২৪সিদা সেসন ১৯৪দা মীওই ৫,৬৭১ তিকা থাখি‍। হৌজিক ফাওবদা সেসন ৩৬,৫৭২ পাঙথোকখ্রে‍।

নৌনা ফগৎলকপা মীশিংগী চাদা ৮৪.৫২দি স্তেত/য়ু.তি. ৯দগীনি‍।

কেরলাদা মীওই ৫,২৯০ নৌনা ফগৎলক্তুনা নোংমদা মীশিং খ্বাইদগী য়াম্না ফগৎলকপগী পাউ লাকখি‍। হৌখিবা পুং ২৪সিদা মহারাস্ত্রদা মীওই ২,১০৬ ফগৎলকখি অমদি কর্নাতকানা মীওই ৭৩৮ ফগৎলক্তুনা মতুং ইল্লি‍।

নৌনা নারকপা মীশিংগী চাদা ৮৪.৭৩দি স্তেত অমসুং য়ু.তি. ৭তগীনি‍।

কেরলাদা মীওই ৬,২৯৩ নৌনা নারক্তুনা মখা তানা খ্বাইদগী মীশিং য়াম্না নৌনা নারকপগী পাউ লাক্লি‍। মহারাস্ত্রনা মীওই ২,৪০৫ অদুগা কর্নাতকানা মীওই ৫২৯ নৌনা নারক্তুনা মতুং ইল্লি‍।

নৌনা শিখিবা মীশিংগী চাদা ৮৩.৯৪দি স্তেত/য়ু.তি. তরেত্তগীনি‍। মহারাস্ত্রদা মীশিং খ্বাইদগী য়াম্না শিবা (৪৭) থেংনখি‍। করেলাদা মীওই ১৯ অমদি ছত্তিসগরদা মীওই ১৪ নৌনা শিদুনা মতুং ইল্লি‍।

হৌখিবা নুমিৎ তরেৎনিসিদা ভারত্তা মীওই মিলিয়ন খুদিংগী মী ১ খক্তমক শিবগী পাউ লাকখি‍।

****