વૈશ્વિક મહામારી કોરોના સામેની જંગમાં ભારતે વધુ એક મહત્વપૂર્ણ સીમાચિહ્ન પાર કર્યું છે. આજે દૈનિક ધોરણે નવા નોંધાયેલા કેસની સંખ્યા નવા નીચલા સ્તરે પહોંચી હતી.

દેશમાં છેલ્લા 24 કલાકમાં દૈનિક ધોરણે નવા 9,102 કેસ પોઝિટીવ નોંધાયા છે જે 237 દિવસ પછી સૌથી ઓછી સંખ્યા છે. અગાઉ, 4 જૂન 2020ના રોજ એક દિવસમાં 9,304 નવા કેસ નોંધાયા હતા.

‘સંપૂર્ણ સરકાર’ અને ‘સંપૂર્ણ સમાજ’ના અભિગમ સાથે સરકારની દીર્ઘકાલિન, સક્રિય અને વિકસતી વ્યૂહનીતિના કારણે દૈનિક ધોરણે નવા કેસની સંખ્યામાં સતત ઘટાડો નોંધાઇ રહ્યો છે. આના કારણે દૈનિક મૃત્યુઆંકમાં પણ ઘટાડો સુનિશ્ચિત થઇ શક્યો છે. દેશમાં 8 મહિના કરતાં વધારે સમય (8 મહિના 9 દિવસ) પછી છેલ્લા 24 કલાકમાં મૃત્યુઆંક 120 કરતાં ઓછો (117) નોંધાયો છે.

આજે સક્રિય કેસનું ભારણ ઘટીને 1,77,266 થઇ ગયું છે. દેશમાં નોંધાયેલા કુલ પોઝિટીવ કેસમાંથી સક્રિય કેસની સંખ્યા ઘટીને માત્ર 1.66% રહી છે.

છેલ્લા 24 કલાકમાં કુલ સક્રિય કેસમાં 6,916 દર્દીઓનો ચોખ્ખો ઘટાડો નોંધાયો છે.

પ્રત્યેક દસ લાખની વસ્તીએ સક્રિય કેસની સંખ્યા દુનિયામાં સૌથી ઓછી (128) છે. જર્મની, રશિયા, બ્રાઝિલ, ઇટાલી, UK અને USAમાં પ્રત્યેક દસ લાખની વસ્તીએ સક્રિય કેસેની સંખ્યા ઘણી વધારે છે.

ભારતમાં પ્રત્યેક દસ લાખની વસ્તીએ કુલ કેસની સંખ્યા પણ દુનિયામાં સૌથી ઓછા પૈકી એક છે (7,736).

કોવિડ-19 રસીકરણ કવાયત અંતર્ગત 26 જાન્યુઆરી 2021ના રોજ સવારે 8 વાગ્યા સુધીમાં દેશમાં કુલ 20,23,809 લાભાર્થીઓનું રસીકરણ કરવામાં આવ્યું છે.

છેલ્લા 24 કલાકમાં 7,764 સત્રોનું આયોજન કરીને 4,08,305 લોકોને રસી આપવામાં આવી છે.

આજદિન સુધીમાં કુલ 36,378 સત્રોનું આયોજન કરવામાં આવ્યું છે.

કુલ સાજા થયેલાની સંખ્યા આજે 1.03 કરોડ (1,03,45,985) થઇ ગઇ છે જેના કારણે સાજા થવાનો દર 96.90% સુધી પહોંચી ગયો છે. સાજા થયેલા દર્દીઓ અને સક્રિય કેસ વચ્ચેનો તફાવત સતત વધી રહ્યો છે જે હાલમાં 1,01,68,719 થઇ ગયો છે.

છેલ્લા 24 કલાકમાં સાજા થયેલાની સંખ્યા 15,901 નોંધાઇ છે.

નવા સાજા થયેલામાંથી 83.68% દર્દીઓ 9 રાજ્યો/કેન્દ્રશાસિત પ્રદેશોમાંથી હોવાનું ધ્યાનમાં આવ્યું છે.

કેરળમાં એક દિવસમાં સૌથી વધુ 5,606 દર્દીઓ સાજા થયા છે. આ ઉપરાંત, મહારાષ્ટ્રમાં વધુ 3,080 દર્દીઓ જ્યારે કર્ણાટકમાં વધુ 1,036 દર્દીઓ એક દિવસમાં સાજા થયા છે.

નવા નોંધાયેલા સંક્રમિતોમાંથી 81.76% દર્દીઓ 8 રાજ્યો અને કેન્દ્રશાસિત પ્રદેશોમાંથી છે.

કેરળમાં છેલ્લા 24 કલાકમાં સૌથી વધુ 3,361 નવા દર્દીઓ દૈનિક ધોરણે પોઝિટીવ નોંધાયા છે. મહારાષ્ટ્રમાં ગઇકાલે નવા 1,842 કેસ જ્યારે તમિલનાડુમાં નવા 540 કેસ પોઝિટીવ નોંધાયા હતા.

છેલ્લા 24 કલાક વધુ 117 દર્દીઓના મૃત્યુ નોંધાયા છે જેમાંથી 63.25% દર્દીઓ પાંચ રાજ્યો/કેન્દ્રશાસિત પ્રદેશોમાંથી હતા.

મહારાષ્ટ્રમાં એક દિવસમાં સૌથી વધુ 30 દર્દીના મૃત્યુ નોંધાયા છે. ત્યારબાદ, કેરળ અને છત્તીસગઢમાં અનુક્રમે નવા 17 અને 13 દર્દીના મૃત્યુ નોંધાયા છે.

ભારતમાં પ્રત્યેક દસ લાખની વસ્તીઓ મૃત્યુઆંક (111) દુનિયામાં સૌથી ઓછા પૈકી એક છે.

SD/GP/BT