মন্ত্রীমন্দল

মেগা ৱাত ৮৫০ রেতলে হায়দ্রো পৱার প্রোজেক্কীদমক লুপা করোর ৫২৮১.৯৪ থাদবা মন্ত্রীমন্দলনা অয়াবা পীখ্রে

Posted On: 20 JAN 2021 5:09PM by PIB Imphal

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়ুনিয়ন তেরিতোরি জম্মু অমসুং কাস্মিরগী কিসতৱার জিলাদা চেনাব তুরেল মথক্তা মেগা ৱাত ৮৫০ রেতলে হায়দ্রো পৱার প্রোজেক পায়খৎনবা লুপা করোর ৫২৮১.৯৪ থাদবগী অয়াবা পীরে। প্রোজেক অসি নেসনেল হায়দ্রোইলেকত্রিক পৱার কোরপোরেসন(এন ঐচ পি সি) অমসুং জম্মু এন্দ কাস্মির স্তেৎ পৱার দিবলপমেন্ত কোরপরেসন লিমিতেদ(জে কে এস পি দি সি)গী মরক্তা ইকুইতি চাদা ৫১ অমসুং চাদা ৪৯ পুথোক্নদুনা শেমগদবা অনৌবা জোইন্ত ভেঞ্চর কম্পেনি(জে ভি সি) অমনা পায়খৎকদবনি।

প্রোজেক্কী মরুওইবা শক্তমশিং

রেতলে হায়দ্রো পৱার প্রোজেক(মেগা ৱাত ৮৫০) শেমগৎনবা জে.ভি.সি অসিদা জম্মু এন্দ কাস্মির স্তেৎ পৱার দিবলপমেন্ত কোরপরেসন লিমিতেদকী ইকুইতি পুথোক্নবা ভারত সরকারনা জম্মু অমসুং কাস্মিরদা লুপা করোর ৭৭৬.৪৪গী গ্রান্ত পীদুনা মতেং পাংলি। মশাগী লৈজবা শেনফমদগী এন.ঐচ.পি.সিনা মসিগী লুপা করোর ৮০৮.১৪গী ইকুইতি পুথোক্কনি। থা ৬০গী মনুংদা রেতলে হায়দ্রো পৱার প্রোজেক থবক হৌগনি। প্রোজেক অসিদগী পুথোরকপা মৈনা গ্রিদকী মতেং পাংগনি অমসুং মৈ পীবগী ফিবম ফগৎহনগনি।

থবক ওইনা পায়খৎনবা লাল্লোং

প্রোজেক অসি হিংনবা জম্মু অমসুং কাস্মিরগী য়ুনিয়ন তেরিতোরি সরকারনা প্রোজেক অসি থবক হৌরবা মতুংদা চহি ১০ ঈশিং শীজিন্নবগী লেভি কোমথোক্কনি, রাজ্যগী জি.এস.তিগী চাকথুং হন্দোক্কনি অমসুং জম্মু অমসুং কাস্মিরনা লেম্না মৈ শীজিন্নবগী কোমথোকপা অসি প্রোজেক থবক হৌবগী অহানবা চহিদা চাদা ১ ওইগনি অমসুং মথংদা চহি অমদা চাদা ১ হেনগৎতুনা ১২শুবা চহিদা চাদা ১২ ওইগনি।

পান্দমশিং

প্রোজেক অসি শেমগৎ-শাগৎপগী থবকশিংদা হকথেংন্না অমসুং নাকোইন্না মীওই ৪০০০ রোম থবক পীগনি অমসুং জম্মু অমসুং কাস্মিরগী শেন-থুমগী ফিবম ফগৎহনবদা মতেং পাংগনি। মখা তানা, জম্মু অমসুং কাস্মিরনা লুপা করোর ৫২৮৯গী মৈ লেম্না ফংগনি অমসুং চহি ৪০গী প্রোজেক্কী মতম মনুংদা ঈশিং শীজিন্নবগী চার্জ ওইনা রাতলে হায়দ্রো ইলেকত্রিক প্রোজেক্তগী লুপা করোর ৯৫৮১ ফংগনি।

*****



(Release ID: 1690677) Visitor Counter : 3