নিতি আয়োগনা জনুৱারী ২০দা ভর্চ্যুএল ওইনা পাঙথোক্কদবা থৌরম অমদা ইন্দিয়া ইন্নোবেসন ইনদেক্স ২০২০গী অনিশুবা ইদিসন ফোঙগনি। ইন্দেক্স অসি নিতি আয়োগকী মেম্বর দা. ভে.কে. সারস্বৎ অমসুং সি.ই.ও. অমিতাব কান্তকী মমাংদা নিতি আয়োগকী ভাইস চিয়রমেন দা. রাজিব কুমারনা ফোঙগনি।

ইনদেক্সকী অনিশুবা ইদিসন ফোঙবনা – ওক্তোবর ২০১৯দা অহানবা ফোঙখি – সরকারনা লৈবাক অসিবু ইন্নোবেসন-দ্রিবেন ইকনোমী অমদা ওলহন্নবা মখা তানা হোৎনরিবা হায়বা উৎলি।

ইন্দিয়ন ইন্নোবেসন ইন্দেক্স ২০২০না রাজ্যশিং অমসুং য়ুনিয়ন তেরিতোরীশিংবু মখোয়না ইন্নোবেসন শৌগৎপগী মরী লৈনবা থবক পাঙথোকপদা য়ুম্ফম ওইরগা রেঙ্ক পীনবা অমদি মখোয়গী মপাঙ্গল অমদি অশোনবশিং অদু তাক্তুনা মখোয়গী ইন্নোবেসন পোলিসীশিং ফগৎহন্নবা মখোয়দা থৌনা হাপ্নবা হোৎনরি। রেঙ্ক পীবগী মওং অসি রাজ্যশিংনা ইন্নোবেসনগী লমদা লৈবাক অসিগী মাংজিল থারিবশিংদগী পরা তমজহৌনবা মওংদা দিজাইন তৌখি। মসিনা রাজ্যশিং অমসুং য়ুনিয়ন তেরিতোরীশিংগী মরক্তা চাংদম্নবা হেনগৎহল্লগনি অসুম্না কম্পিতিতিব ফেদরেলিজম য়োকখৎপা ঙমহল্লগনি।

রাজ্যশিং অমসুং য়ুনিয়ন তেরিতোরীশিংনা মখোয়গী থবক পাঙথোক্লিবা অদু মপুং ফানা চাংদম্নবা য়ান্নবা ‘মেজর স্তেৎস’ ১৭, ‘নোর্থ-ইস্ত এন্দ হিল স্তেৎ’ ১০, অমসুং ‘সিতী স্তেৎ এন্দ য়ুনিয়ন তেরিতোরীস’ ৯ হায়না খাইদোকখ্রে। রাজ্যশিং অমসুং য়ুনিয়ন তেরিতোরীশিং অসি কেতগোরী অনিদা রেঙ্ক পীখ্রে: আউৎকম অমসুং গভর্নান্স। অপুনবা ওইনা ইন্দিয়ন ইন্নোবেসন ইন্দেক্স ২০২০দা ইন্দিকেতর ৩৬ য়াওখি মসিদা হর্দ দেতা (ইন্দিকেতর ৩২) অমসুং কম্পোজিৎ ইন্দিকেতর মরি য়াওরি।

ইন্দিয়া ইন্নোবেসন ইন্দেক্স ২০২০ অসি মেত্রিক্স হেন্না পুথোক্তুনা অমসুং ইন্দিয়ন ইন্নোবেসন ইকোসিস্তেমগী হোলিস্তিক আউৎলুক অমা পীদুনা মমাং চহিগী মেথোদোলোজীদা শেমখিবনি। ফ্রেমৱার্ক অসিদা মালেমনা য়ানরবা ইন্নোবেসন ওন্নবা পেরামিতরশিং (রিসর্চ অমসুং দেবেলপমেন্তদা চাদিং তৌখিবা গ্রোস দোমেস্তিক প্রদক্তকী চাং অসিগুম্বা) হাপচিন্নবা অপদেৎ তৌখ্রে , অমরোমদা ভারতকী শেন্মীৎলোনগী ওইবা অখন্নবা পেরামিতরশিং অদুমক লেংহনখিদে।

ইন্দেক্স অসিনা লৈরিবা মওংশিং অমসুং লৈবাক, রাজ্য অমসুং জিলাগী থাকশিংদা ইন্নোবেসন লৈহন্নবা তোঙান তোঙানবা ফেক্তরশিং কুপ্না এনলাইস তৌবা অদু উৎলি। এনলাইসশিং অসিনা নেস্নেল অমসুং সব-নেস্নেলগী থাকশিংদা পোলিসীমেকরশিংনা ইন্নোবেসনগী কেতলিস্তশিং অমসুং ইনহিবিতরশিং খঙদোকপদা মতেং ওইরগনি।

থৌরম অসি https://www.youtube.com/watch?v=i7AD_1uc0Is&feature=youtu.beদা লাইফ-স্ত্রীম তৌগনি।

***