ভারতকী নহাশিং অসি থবক ফংজবা য়াবা স্কিলশিং হৈহন্নবগীদমক স্কিল দিভেলপমেন্ত অমসুং এন্তরপ্রিনরশিপ(এম.এস.দি.ই.)কী মন্ত্রালয়না ঙসি প্রধান মন্ত্রী কৌশাল ভিকাস য়োজনা(পি.এম.কে.ভি.ৱাই) ৩.০ হৌদোকখ্রে৷ মসিদা কোর্স ৩০০ হেন্না য়াওহন্দুনা সেন্তর ৬০০রোমদা স্কিম অসি হৌদোক্তুনা দিমান্দ-দ্রিভন স্কিল ত্রেনিংগীদমক দিস্ত্রিক স্কিল কম্মিতীস(দি.এস.সি.) হেন্না মপাঙ্গল লৈহনবদা মীৎয়েং থম্লি৷

এম.এস.দি.ই.গী ইকাই খুম্নরবা কেন্দ্রগী মন্ত্রী দা. মহেন্দ্র নাথ পান্দেনা এম.এস.দি.ই.গী ইকাই খুম্নরবা রাজ্যগী মন্ত্রী শ্রী আর.কে. সিংহগা লোইননা ভর্চুয়েল ওইবা থৌরম অমদা পি.এম.কে.ভি.ৱাই.গী অহুমশুবা ইদিসন হৌদোকখ্রে৷ খুঙ্গংগী শেল-থুমগী ফিভম ফহনবা অসিদা মীৎয়েং থমদুনা মালেমগী অমসুং খুঙ্গংগী ওইবা থাক্তা লৈরিবা দিমান্দগী অহোংবশিং অসিগী মতুং ইন্না পি.এম.কে.ভি.ৱাই.৩.০ অসি শেমখিবনি৷

জিলা ৭১৭ অমসুং রাজ্য ২৮/য়ু.তি. নিপানদা হৌদোক্তুনা, ‘অত্মনির্ভর ভারত’ ওইহন্নবা পি.এম.কে.ভি.ৱাই.৩.০না অনৌবা খোঙথাং অমা লৌখৎখ্রে৷ রাজ্যশিং/য়ু.তি.শিং অমসুং জিলাশিং অসিদগী হেন্না মতেং পাংহন্দুনা অমসুং হেন্না থৌদাং লৌহন্দুনা হেন্না ফবা দিসেন্ত্রেলাইজ স্ত্রকচর অমদা পি.এম.কে.ভি.ৱাই. ৩.০ চৎনরগনি৷ স্তেত স্কিল দিভেলপমেন্ত মিসন্স(এস.এস.দি.এম.)গী লুচিং মখাদা দিস্ত্রিক স্কিল কম্মিতীশিং(দি.এস.সি.শিং) অসিনা জিলাগী থাক্তা লৈরিবা গেপ অসি মেনশিনবদা য়াম্না মরু ওইবা থৌদাং লৌরগনি৷

“প্রধান মন্ত্রীগী মংলান ওইরিবা “মীয়ামগী খোল্লাউ অমসুং অত্মনির্ভর ভারত অসি জিলাগী থাক্তা স্কিলিং ইকোসিস্তেম লৈহল্লবা মতমদা ফংবা ঙমগনি৷ য়াম্না নৌরিবা লৈবাক অমা ওইবনা ভারতপু মালেম অসিগী স্কিলগী কোনুং ওইহনগদৌরিবা খুদোংচাবশিং অদু লৌশিন্নবা ঐখোয়না ফিরেপ লৌখ্রে৷ ত্রেনিং অসি য়েংশিন্দুনা পি.এম.কে.ভি.ৱাই.৩.০না লোকেল লেভেলদা তঙাই ফদ্রিবা থবক্কী থৌদাংশিং অদু খন্দোক্লগনি অমসুং হায়রিবা খুদোংচাবশিং অসিগা মরী লৈননা নহাশিং স্কিল তাকপি তম্বিরগনি” হায়না ইকাই খুম্নরবা স্কিল দিভেলপমেন্ত অমসুং এন্তরপ্রিনর্শিপকী মন্ত্রী মহেন্দ্র নাথ পান্দেনা ফোংদোকখ্রে৷

“স্কিলিং অসি ওবজেক্তিব অমা নত্তে, মসি লৈবাক অসিগী শেল-থুম চাওখৎননবগীদমক তঙাই ফদবা থৌদাং অমনি৷ ঐখোয়না ভারত লৈবাক অসি মালেম অসিগী স্কিলগী কোনুং অমা ওইহনগে অমসুং মসিদগী মালেম অসিগী ইন্দস্ত্রীয়েলগী কোনুং অমা ওইহন্নবগী মংলান অসি মংফাওনহনগে হায়বা তারবদি ঐখোয়না খোঙজেল য়াংনা অমসুং পাক শন্না থবকসিং পাংথোকপা তঙাই ফেদ” হায়না পৱারগী মন্ত্রালয়, ন্যু অমসুং রিনিৱেবল ইনর্জী মন্ত্রালয়গী রাজ্যগী কেন্দ্রগী মন্ত্রী শ্রী আর.কে. সিংহ অমসুং এম.এস.দি.ই.গী রাজ্যগী মন্ত্রীনা ফোংদোকখ্রে৷

মন্ত্রী অনিমক্তা লোকেল দিমান্দ অসি ফংহনবদা মতেং পাংবা য়াবা অহেনবা কোর্সশিং হাপচিল্লগনি হায়না কেন্দিদেৎশিং অমসুং সেন্তরশিং অসিগী হেদশিং অসিদা থাজবা পীরকখ্রে৷  পি.এম.কে.ভি.ৱাই.১.০ অমসুং ২.০ অসি মাই পাকখিবা অদুগীদমক এম.এস.দি.ই.বু থাগৎলদুনা,  এম.পি.শিং অমসুং পি.এম.কে.কে. সেন্তরশিং অসিনা ইন্দস্ত্রীগী অৱাৎপা তঙাই  ফদবশিং অসি মেনশিন্নবা লোকেল তেলেন্ত পুল অমা শেম্বগী তঙাই ফদবা লৈ হায়না হায়রকখিবা অসিনা ‘মীয়ামগী খোল্লাউ’ হায়বা থীম অসি রিকরিং থীম অমা ওইখ্রে৷

স্কিল দিভেলপমেন্তগী মতাংদা অহেনবা ই-পাউগীদমক, মখাগী লিঙ্কশিং অসি মতুং ইনবিয়ু:

পি.এম.কে.ভি.ৱাই. ফেসবুক: www.facebook.com/PMKVYOfficial

স্কিল ইন্দিয়া ফেসবুক: www.facebook.com/SkillIndiaOfficial

স্কিল ইন্দিয়া ত্বিত্তর: www.twitter.com/@MSDESkillindia

স্কিল ইন্দিয়া য়ুত্যুব: https://www.youtube.com/channel/UCzNfVNX5yLEUhIRNZJKniHg

                                                                                       *****