কম্যুনিকেসন অমসুং ইনফোর্মেসন তেক্নোলোজী মন্ত্রালয়
ভারত অমসুং জপান্না আই.সি.তি.গী লমদা তেংবাংনবা হেনগৎহন্নবা এম.ও.য়ু. খুৎয়েক পীনখ্রে
কম্ম্যুনিকেসন অমসুং আই.তি. মন্ত্রী রবি শঙ্কর প্রসাদ অমসুং জপানগী ইন্তরনেল এফ্যার্স অমসুং কম্ম্যুনিকেসন মন্ত্রী তকেদা র্যো তানা এম.ও.য়ু. অদু ভর্চুএল ওইনা খুৎয়েক পীনখি
৫জি, তেলিকোম সিক্যুরিতী, সবমেরিন ওপ্তিকেল ফাইবর কেবল, স্মার্ত সিতীনচিংবগী লমদা থবক পায়খৎনবা য়ানখি
Posted On:
15 JAN 2021 5:01PM by PIB Imphal
ভারত অমসুং জপান্না ঙসি ইন্ফোর্মেসন অমসুং তেক্নোলোজীগী লমদা তেংবাংনবা হেনগৎহন্নবা এম.ও.য়ু. খুৎয়েক পীনখ্রে। এম.ও.য়ু. অদু কম্ম্যুনিকেসন, ইলেক্ত্রোনিক্স অমসুং আই.তি.গী কেন্দ্র মন্ত্রী রবি শঙ্কর প্রসাদ অমসুং জপানগী ইন্তর্নেল এফ্যার্স অমসুং কম্ম্যুনিকেসন মন্ত্রী তাকেদা র্যোতানা ঙসি ভিদিও কন্ফরেনইংগী খুত্থাঙদা খুৎয়েক পীনখি অমদি এক্সচেঞ্জ তৌনখি।
ভারত লৈঙাক্কী দিপার্তমেন্ত ওফ তেলিকোম অমসুং জপান লৈঙাক্কী কম্ম্যুনিকেসন মন্ত্রালয়না ৫জি তেক্নোলোজী, তেলিকোম সিক্যুরিতী, ভারতকী ঈথৎশিংদা সবমেরিন ওপ্তিকেল ফাইবর কেবল তিংবা, স্পেক্ত্রম মেনেজমেন্ত, স্মার্ত সিতী, অৱাংবা মফমগী ব্রোদবেন্দ প্লেতফোর্ম য়ৌশিন্দ্রিবা মফমশিংদা ফংহনবা, দিজাস্তর মেনেজমেন্ত অমসুং পব্লিক সেফ্তীনচিংবা হীরমশিংদা অমগা অমগা তেংবাংনবা হেনগৎহনগনি। মন্ত্রালয়গী থাক্তা তেংবাংনবগী মথক্তা, সি-দোত অমসুং আই.তি.আই. লিমিতেদনচিংবা ভারত লৈঙাক্কী লূপশিংগা জপানগী ইন্দস্ত্রী খোঙবুশিংবসু তেংবাংনবা অসিগী শরুক ওইগনি।
থৌরমদুদা ৱা ঙাঙলদুনা কম্ম্যুনিকেসন, ইলেক্ত্রোনিক্স অমসুং ইন্ফোর্মেসন তেক্নোলোজীগী কেন্দ্র মন্ত্রী রবি শঙ্কর প্রসাদনা অন্দমান অমসুং নিকোবর ঈথৎতা মতম চানা সবমেরিন ওপ্তিকেল ফাইবর কেবলগা শম্নহনখিবা অদু ভারত অমসুং জপানগী মরক্তা তেংবাংনবগী খুদম্নি হায়না ফোঙদোকখি। কোবিদ-১৯ লাইচৎ মনুংদা আরোগঞ সেতু এপ, ইন্দিয়া পোস্তনা য়ুম য়ুমদা শেল য়ৌহনবদা আধার ইনেবল্দ পেমেন্ত সিস্তেম শীজিন্নবা, ভারতকী ৱায়েলশঙশিংদা দিজিতেল হিয়রিং পাঙথোকপা অমসুং দিজিতেল পেমেন্ত থুনা চাউখৎলকপনচিংবা ভারতনা পায়খৎলিবা ইনোভেতিব ওইবা দিজিতেল তেক্নোলোজীশিং থুনা য়াঙনা লৌশিনখিববুসু পনখি। কোবিদ-১৯ মনুংদা পি.এল.আই. অমসুং এস.পি.ই.সি.এস.নচিংবা পুক্নিং চিংশিন্নিংঙাই ওইরবা থৌরাংশিংনা মরম ওইরগা ইলেক্ত্রোনিক মেনিফেকচরিংগী লমদা ভারত্তা য়াম্লবা শেন্ফম থাদরকখি হায়না মহাক্না মখা তানা ফোঙদোকখি। মহাক্না জপানগী ইলেক্ত্রোনিক ইন্দস্ত্রীবু ভারত্তা ইলেক্ত্রোনিক মেনুফেকচরিংগী লমদা শেল থাদনবা ৱাফম থমখি। মন্ত্রীনা ৫জি অমসুং ৫জিদা য়ুম্ফম ওইবা সর্ভিসশিং, ইন্তরনেত ওফ থিংস, দিজিতেল হেল্থ তেক্নোলোজীনচিংবগী লমদা জপানগী ইনভেস্তরশিংগীদমক ভারত্তা লৈরিবা চাউরবা মতিংশিংসু মন্ত্রীনা মখা তানা ফোঙদোকখি।
জপানগী মন্ত্রী মিস্তর তাকেদা র্যোতানা ভারত অমসুং জপানগী মরক্তা এম.ও.য়ু. খুৎয়েক পীনখিবদা নুংঙাইবা ফোঙদোক্লদুনা অমগা অ্রমগা তেংবাংনবা অমদি ভারত্তা শেল থাদবগী মতাঙদা জপান লৈঙাক্কী ফিরেপ ফোঙদোকখি।
*******
(Release ID: 1688861)
Visitor Counter : 203