শেনবা চহি ২০২০-২০২১দা (জনুৱারী ১২, ২০২১ ফাওবদা)  লৈবাক অসিগী জিলা পুম্নমক্তা লৈবা ক্বালিতী জেনরিক মেদিসিনশিং য়োল্লিবা প্রধান মন্ত্রী ভারতিয়া জন ঔশধি কেন্দ্র ৭০৬৪দা লুপা করোর ৪৮৪ য়োনবগী রেকোর্দ থমখ্রে। মশিং অসি হৌখিবা শেনবা চহিগী মশিংদগী ৬০% হেনবনা লৈবাক অসিগী প্রজাশিংদা চাউরাক্না লুপা করোর ৩০০০ তুংশিনবা ঙমহনখ্রে। মসি ঙসি কর্নাতকাদা কেমিকেল্স এন্দ ফর্তিলাইজর্সকী কেন্দ্রগী মন্ত্রী শ্রী সদানন্দা গৌদানা লাউথোকখিবনি।

শেনবা চহি ২০২০-২০২১দা জন ঔশধি কেন্দ্রশিংগীদমক্তা ভারত সরকাতনা থাদখিবা শেন্থং অসি লুপা করোর ৩৫.৫১ ওইখি অমরোমদা প্রজাশিংনা তুংশিনবা ঙমখিবনা লুপা করোর ২৬০০ ওইখি। অসুম্না সরকারনা লুপা অমা চাদিং তৌবা খুদিংগী প্রজাশিংদা  লুপা ৭৪ তুংশিবা ঙমহনখি হায়না স্রী গৌদানা ফোঙদোকখ্রে।

মখা তানা লৈবাক অসি শিনবা থুংনা নুপীশিংবু থৌগৎনবা মাংদা চংশিনবা ওইনা ঙসি ফাওবদা জন ঔশধি “সুবিধা” সেনিতরী পেদ অমদা লুপা ১ পীদুনা করোর ১০গী মথক্তা য়োনখ্রে হায়না মন্ত্রীনা লাউথোকখ্রে। দিসেম্বর ২০২০দা লুপা করোর ৩.৬কী জন ঔশধি “সুবিধা” সেনিতরী পেদকী পর্চেস ওর্দর লাকখ্রে। জন ঔশধি “সুবিধা” সেনিতরী পেদ করোর ৩০গী তেন্দরসু লেপখ্রে।

কর্নাতকাগী মরমদা অখন্ননা ৱা ঙাংলদুনা শ্রী গৌদানা হাব হৌজিক কর্নাতকাদা প্রধান মন্ত্রী ভারতিয়া জন ঔশধি কেন্দ্র ৭৮৮না প্রজাশিংদা অহোংবা, ক্বালিতী ফবা জেনরিক মেদিসিনশং ফংহনদুনা শেবা তৌরি। কর্নাতকানা রাজ্য অসিদা মার্চ ২০২১ ফাওবদা পুন্না পি.এম.বি.জে.কে. ৮০০ হাংদোক্নবগী পান্দম পাংনবা হোৎনরি। হেল্থকিয়র সেক্তরদা তোপ-তোপ্পা ফীদমনিংঙাই ওইবা থৌওং অমা ওইহন্নবা মখল কয়াগী হিদাক-লাংথকশিংগা লোইননা কর্নাতকাগী পি.এম.বি.জে.পি.না মার্চ ২০২১ ফাওবদা লুপা করোর ১২৫ য়োন্নবা পান্দম থম্লি।

*****