ইন্দিয়ন আর্ম্দ ফোর্সেসনা ভেতরানশিংগী নুমিৎ পালন জনুৱারী ১৪, ২০২১দা পাঙথোক্কদৌরি। হায়রিবা নুমিৎ অসিবু ইহান হানবা ১৯৫৩গী নুমিৎ অসিমক্তদা থবক্তগী পোত্থাখিবা ইন্দিয়ন আর্ম্দ ফোর্সেসকী কম্মান্দর-ইন-চীফ, ফীল্দ মার্শল কে.এম. কারিয়াপ্পা, ও.বি.ই.না লৌরম্বা থৌদাংশিংবুশিংবু নিংশিংদুনা শকখঙবিনবা লৌখিবনি। 'লৈ পরেং কৎপগী থৌরম অমসুং ভেতরানশিংগী উন্নবা'সু মিলিতরী স্তেসনশিংদা ঐখোয়গী থৌনা ফরবশিংগী নেক্স ওব কিন (এন.ও.কে.)শিংগীদমক অমসুং ঐখোয়গী ভেতরানশিংগীদমক পুন্না লেপ্লি হায়বা উত্তুনা মখোয়না লৈবাক অসিগীদমক তৌবীরম্বা কত্থোকপগী থৌদাংশিং অদুবু ইকাই খুম্নবা উৎনবগীদমক পাঙথোক্লি।

ইকাই খুম্নজরবা ঙাকশেল মন্ত্রী শ্রী রাজনাথ সিংহনা দিফেন্স স্তাফকী চীফ, জেনরেল বিপিন রাৱাৎকা লোইননা এয়র ফোর্স স্তেসন, বেঙ্গলুরুদা পাঙথোক্কদবা ভেতরানশিং উন্নবদা শরুক য়াগদৌরি। এন.ও.কে., ভেতরানশিং অমসুং এক্স সর্বিসমেন ওর্গনাইজেসনশিংগী রিপ্রজেন্তেতিবশিংসু শরুক য়ারবশিংগী মরক্তা য়াওগদৌরি।

লৈবাক অসিগী কোনুংদা পাঙথোক্কদৌরিবা থৌরম অসি নেসনেল ৱার মেমোরিএলদা লৈ কৎপগা লোইননা অয়ুক্তগী হৌগনি। মকোক থোংবা মিলিতরীগী ইকাই খুম্ননিংঙাই ওইরবশিং, অখন্নবা সর্বিং পার্সনেল অমসুং ভেতরান কয়ানা নেসনেল ৱার মেমোরিএলদা ইকাই খুম্নবা উৎকনি। হায়রিবা থৌরম অসিগী মতুংদা রাইনা ওদিতোরিয়ম, এ.পি.এস. ধোলাকোন্দা সর্ভিস চীফ অহুম্মক্না শরুক য়াদুনা ভেতরানশিংগী মীৎ পাঙথোক্কনি। এদমিরেল করম্বির সিংহ, চীফ ওব নেবেল স্তাফনা থৌরম অসিগী অথোইবা মীথুংলেন ওইগনি। ভেতরানশিং, এক্স সর্বিসমেন ওর্গনাইজেসনশিংগী মহুৎশিনবশিং, ঙাকশেল মন্ত্রালয়গী মকোক থোংবা ওফিসিএলশিং অমসুং ভেতরানশিংগী য়াইফনবগীদমক লৈরিবা সর্বিস অহুমসু শরুক য়াগনি। কোবিদকী অথিংবা লৈবনা চেবাও য়াওদনা চঙবদা অথিংবা লৈ।

*****