ଅନେକ ଦିନ ଧରି ଭାରତରେ ଦୈନିକ ନୂଆ କରୋନା ଆକ୍ରାନ୍ତ ମାମଲା ନିରନ୍ତର ଭାବେ ହ୍ରାସ ପାଇବାରେ ଲାଗିଛି । ଗତ 24 ଘଣ୍ଟା ମଧ୍ୟରେ ଦେଶରେ 16,312 ନୂଆ ମାମଲା ରେକର୍ଡ କରାଯାଇଛି । ଭାରତର ଦୈନିକ ନୂଆ କରୋନା ମୃତ୍ୟୁ ମଧ୍ୟ ଆଖିଦୃଶିଆ ଭାବେ ହ୍ରାସ ପାଇଛି ।229 ଦିନ ପରେ 170ରୁ କମ ଦୈନିକ କରୋନା ମୃତ୍ୟୁ ରେକର୍ଡ କରାଯାଇଛି । ନୂଆ ମାମଲା ସଂଖ୍ୟା ହ୍ରାସ ପାଇବା ଏବଂ ଅଧିକ ଆରୋଗ୍ୟ ହାର ଯୋଗୁ ଦେଶର କରୋନା ସକ୍ରିୟ ମାମଲା ନିରନ୍ତର ଭାବେ କମିବାରେ ଲାଗିଛି । ଭାରତର ମୋଟ ସକ୍ରିୟ ମାମଲା ଆଜି 2.25 ଲକ୍ଷ (2,22,526)କୁ ହ୍ରାସ ପାଇଛି । ଭାରତର ମୋଟ ପଜିଟିଭ ମାମଲାର ସକ୍ରିୟ ମାମଲା ଏବେ ମାତ୍ର 2.13% ରହିଛି ।

ଗତ 24 ଘଣ୍ଟାରେ 16,959 ଆକ୍ରାନ୍ତ ଆରୋଗ୍ୟ ଲାଭ କରି ଡିସଚାର୍ଜ ହୋଇଛନ୍ତି । ଏହାଦ୍ୱାରା ଦେଶରେ ମୋଟ ସକ୍ରିୟ ମାମଲା ସଂଖ୍ୟା 809 ହ୍ରାସ ପାଇଛି । ମୋଟ ଆରୋଗ୍ୟ ଲାଭ କରିଥିବା ମାମଲା ସଂଖ୍ୟା ଏବେ 1,00,92,909ରେ ପହଞ୍ଚିଛି । ଆରୋଗ୍ୟ ମାମଲା ଏବଂ ସକ୍ରିୟ ମାମଲା ମଧ୍ୟରେ ବ୍ୟବଧାନ, ଯାହା କି କ୍ରମାଗତ ଭାବେ ବୃଦ୍ଧି ପାଉଛି, ତାହା ଏବେ ପାଖାପାଖି 99 ଲକ୍ଷ (98,70,383)ରେ ପହଞ୍ଚିଛି । ଆରୋଗ୍ୟ ହାର ମଧ୍ୟ ଆଜି 96.49%କୁ ବୃଦ୍ଧି ପାଇଛି । ସାରା ବିଶ୍ୱରେ ଥିବା କରୋନାର ସର୍ବାଧିକ ଆରୋଗ୍ୟ ହାର ମଧ୍ୟରେ ଏହା ରହିଛି । ଦୈନିକ ନୂଆ ଆରୋଗ୍ୟ ମାମଲା ମଧ୍ୟରୁ 78.56% 10 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଚିହ୍ନଟ କରାଯାଇଛି । କେରଳରେ ଗୋଟିଏ ଦିନରେ ସର୍ବାଧିକ ରୋଗୀ ସୁସ୍ଥ ହୋଇନ୍ତି । ରାଜ୍ୟରେ ଦିନକରେ ସର୍ବାଧିକ 4,659 ଲୋକ ଆରୋଗ୍ୟ ଲାଭ କରିଛନ୍ତି । ମହାରାଷ୍ଟ୍ରରେ ଦିନକରେ 2,302 ଲୋକ ସୁସ୍ଥ ହୋଇଥିବା ବେଳେ ଏହା ପଛକୁ ଛତିଶଗଡ଼ରେ 962 ଲୋକ ଆରୋଗ୍ୟ ଲାଭ କରିଛନ୍ତି । 80.25% ନୂଆ ଆକ୍ରାନ୍ତ ମାମଲା 9 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଚିହ୍ନଟ କରାଯାଇଛି ।

କେରଳରେ ଗୋଟିଏ ଦିନରେ ସର୍ବାଧିକ 4,545 ନୂଆ ମାମଲା ଚିହ୍ନଟ ହୋଇଛି । ଏହାକୁ ପଛକୁ ଥିବା ମହାରାଷ୍ଟ୍ରରେ 3,558ନୂଆ ମାମଲା ସାମ୍ନାକୁ ଆସିଛି । ଗତ 24 ଘଣ୍ଟାରେ 161 ଜଣ ରୋଗୀଙ୍କ ମୃତ୍ୟୁ ଘଟିଛି । ଦୈନିକ ମୃତ୍ୟୁର 69.57% ୬ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ରେକର୍ଡ କରାଯାଇଛି । ମହାରାଷ୍ଟ୍ରରେ ସର୍ବାଧିକ (34) ଦୈନିକ କରୋନା ମୃତ୍ୟୁ ଦେଖିବାକୁ ମିଳିଛି । ଏହା ପଛକୁ ଥିବା କେରଳ ଓ ପଶ୍ଚିମବଙ୍ଗରେ ଯଥାକ୍ରମେ 23 ଓ 19 ଟି ଦୈନିକ ମୃତ୍ୟୁ ରେକର୍ଡ କରାଯାଇଛି ।

*****

SR / SLP