স্বাস্থ্য আৰু পৰিয়াল কল্যাণ মন্ত্ৰালয়

ভাৰতত দৈনিক নতুন আক্ৰান্তৰ সংখ্যা একেৰাহে হ্ৰাস পাই আছে; বিগত২৪ ঘণ্টাত ১৬,৩১১জন লোক নতুনকৈ আক্ৰান্ত হৈছে

২২৯দিনৰ পাছত দৈনিক মৃত্যুৰ সংখ্যা ১৭০জনতকৈ কম হৈছে

Posted On: 11 JAN 2021 11:02AM by PIB Guwahati

ভাৰতত দৈনিক নতুন আক্ৰান্তৰ সংখ্যা একেৰাহে হ্ৰাস পাই আছে৷ বিগত২৪ ঘণ্টাত ১৬,৩১১জন লোক নতুনকৈ আক্ৰান্ত হৈছে৷

ভাৰত দৈনিক নতুন মৃত্যুৰ সংখ্যাও ক্ৰমান্বয়ে হ্ৰাস পাইছে৷

২২৯দিনৰ পাছত দৈনিক মৃত্যুৰ সংখ্যা ১৭০জনতকৈ কম হৈছে৷ দৈনিক নতুন আক্ৰান্তৰ সংখ্যা হ্ৰাস আৰু সৰ্বাধিক আৰোগ্যৰ ফলত দেশত চিকিৎসাধীন ৰোগীৰ সংখ্যাও একেৰাহে হ্ৰাস পাইছে৷

আজি দেশত মুঠ চিকিৎসাধীন ৰোগীৰ সংখ্যা ২.২৫লাখলৈ হ্ৰাস পাইছে৷ বৰ্তমানৰ চিকিৎসাধীন ৰোগীৰ পৰিমাণ মুঠ আক্ৰান্তৰ কেৱল ২.১৩%৷

বিগত ২৪ঘণ্টাত ১৬,৯৫৯গৰাকী ৰোগী আৰোগ্য হৈ ঘৰলৈ উভতিছে৷ ইয়াৰ ফলত দিনটোত মুঠ চিকিৎসাধীন ৰোগী ৮০৯জন কম হৈছে৷

দেশত মুঠ আৰোগ্য ৰোগীৰ সংখ্যা ১,০০,৯২,৯০৯জন হৈছে৷ আৰোগ্য আৰু চিকিৎসাধীন ৰোগীৰ মাজৰ ব্যৱধান ৯৮,৭০,৩৮৩জনলৈ বৃদ্ধি পাইছে৷

বৰ্তমান আৰোগ্যৰ হাৰ ৯৬.৪৩%লৈ উন্নীত হৈছে৷ এয়া বিশ্বৰ ভিতৰতে সৰ্বাধিক৷

আৰোগ্য ৰোগীৰ ৭৮.৫৬%ই ১০খন ৰাজ্য আৰু কেন্দ্ৰীয় শাসিত অঞ্চলৰ৷

ইয়াৰে কেৰালাৰ সৰ্বাধিক ৪,৬৫৯জনৰ বিপৰীতে মহাৰাষ্ট্ৰ আৰু চত্তীশগড়ত ক্ৰমে ২,৩০২ আৰু ৯৬২জন ৰোগী আৰোগ্য হৈছে৷

ইফালে, নতুন আক্ৰান্ত মুঠ ১৮,২২জনৰ ৭৯.৮৩% লোক ৯খন ৰাজ্য আৰু কেন্দ্ৰীয় শাসিত অঞ্চলৰ৷

ইয়াৰে কেৰালাত সৰ্বাধিক ৪,৫৪৫ আৰু মহাৰাষ্ট্ৰত ৩,৫৫৮জন লোক আক্ৰান্ত হৈছে৷

বিগত ২৪ ঘণ্টাত ১৬১জন ৰোগীৰ মৃত্যু হৈছে৷

এই ক’ভিড ৰোগীৰ ৬৯.৫৭% ৬খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ৩৪জনৰ বিপৰীতে কেৰালা আৰু পশ্চিমবংগত ক্ৰমে ২৩ আৰু ১৯জন ৰোগীৰ মৃত্যু হৈছে৷

****

MV/SJ/DB


(Release ID: 1687631) Visitor Counter : 191
Read this release in: English , Urdu , हिन्दी , Marathi , Manipuri , Bengali , Punjabi , Gujarati , Odia , Tamil , Telugu , Malayalam