আর্থ সাইন্স মন্ত্রালয়

ভারত অমসুং য়ু.এ.ই.গী মরক্তা সাইন্তিফিক অমসুং তেক্নিকেলগী মতাংদা তেংবাংনবগী এম.ও.য়ু.গী খুৎয়েক পীনখিবা অদু কেবিনেৎনা অয়াবা পীখ্রে

Posted On: 13 JAN 2021 1:03PM by PIB Imphal

প্রধান মন্ত্রী, শ্রী নরেন্দ্র মোদীনা লুচিংবা মহাক্কী কেন্দ্রগী মন্ত্রী-মন্দোলনা নেস্নেল সেন্তর ওফ মেতিওরোলোজী (এন.সি.এম.), য়ুনাইতেদ আরব ইমিরেৎস (য়ু.এ.ই.) অমসুং ভারতকী আর্থ সাইন্স মন্ত্রালয় (এম.ও.ই.এস.)গী মরক্তা সাইন্তিফিক অমসুং তেক্নিকেলগী মতাংদা তেংবাংনবগী মেমোরেন্দম ওফ অন্দর্স্তেন্দিং (এম.ও.য়ু.)গী খুৎয়েক পীনখিবা অদুগী অয়াবা পীখ্রে।

এম.ও.য়ু. অসিনা লৌশিং, দেতা অমসুং মেতিওরোলোজী, সিস্মোলোজীগী থবক তৌনবা পোত্থোকশিং অমসুং রেদার, সেতিলাইৎ, তাইদ গেজ, সিস্মিক অমসুং মেতিওরোলোজী স্তেসনগুম্বা সমুদ্রগী সেবাশিংগী খঙ-হৈবশিং শিন্নবগী হীরম য়াওরি।

১) থবক্কী খঙ-হৈবশিং লান্নবা/রিসর্চ, ত্রেনিং, তানবা, অইং-অশাগী পাউ লৌনবা সেবা, নাউ কাস্তিং অমসুং ত্রোপিকেল সাইক্লোনবু মাংজৌননা তাক্নবা সেতিলাইৎকী দেতা শিজিন্নবদা মিৎয়েং চঙনবগীদমক্তা সাইন্তিস্ত, রিসর্চ স্কোলর অমসুং অখঙ-অহৈনচিংবশিংনা খোঙচৎ চৎপা।

২) নাকল অনিমক্না অপাম্বা মান্নবা হীরমশিংগা মরী লৈনবা সাইন্তিফিক অমসুং তেক্নিকেলগী ই-পাউশিং লান্নবা।

৩) লৈবাক অনিগী মরক্তা সাইন্তিফিক অমসুং তেক্নিকেল সেমিনার/ৱর্কশোপ/কনফরেন্স অমসুং

এম.ও.য়ু. অসিদা পল্লিবা তেংবাংনবগী হীরমশিং অসিগা মরী লৈনবা শিংনবশিং অমসুং লৈবাক অনি অসিগী অপাম্বা মান্নবা হীরমশিংগী মতাংদা ত্রেনিং কোর্স শিন-লাঙবা।

৪) অতোপ্পা তেংবাংনবগী হীরমশিংদি নাকল অনিনা য়ানবা পুরক্তুনা পাংথোকপা য়াগনি।

৫) সমুদ্রগী ঈশিংদা নাকল অনিনা য়ানবগী মতুং ইন্না মেতিওরোলোজীকেল ওবজর্ভেসন নেৎৱর্ক শেমগৎপা।

৬) ভারতকী সমুদ্র তোর্বানগী মফমশিং অমসুং য়ু.এ.ই.গী অৱাং-নোংপোক্কী মফমশিংদা শোকহনবা ওমান সী অমসুং আরাবিয়ান সী ফাওদুনা হৌরকপা সুনামীগী মতাংদা থাজবা য়ানা অমসুং খোঙজেল থুনা মাংজৌননা ফোর্কাস্ত তৌনবা অখন্নবা সুনামী মোদেল রিসর্চ শেমগৎপদা তেংবাংনবা।

৭) সুনামীশিংবু মাংজৌননা ফোর্কাস্ত তৌবগী থৌওংশিংবু শৌগৎনবগীদমক্তা অখন্ননা শেম-শারবা ফোর্কাস্ত মোদেলিং সোফৱেয়রগী মওংদা সুনামী আর্লী ৱার্নিং সেন্তর (তি.ই.দবল্যু.সি.) শৌগৎপদা তেংবাংবা।

8) আরানিয়ান সী অমসুং ওমান সীদা সুনামী থোকহনবা য়াবা সিস্মিক ওইবা থৌওংশিং য়েংশিন্নবা ভারতকী খা অমসুং নোংচুপ অমদি য়ু.এ.ই.গী অৱাংদা লৈবা সিস্মিক স্তেসন খরগী রীএল তাইম সিস্মিক দেতা লান্নবা।

৯) আরানিয়ান সী অমসুং ওমান সীদা সুনামীগী ইপোম থোকহনবগী মতিক লৈবা সিস্মিক্কী থৌওংশিংবু নৈনবা য়াওবা সিস্মোলোজীগী হীরমদা তেংবাংনবা।

১০) লৌশিং লান্নবগী খুত্থাংদা উফুলগী নোংলৈ-নুংশিৎকী আর্লী ৱার্নিংগী মতাংদা তেংবাংনবা।

 

বেকগ্রাউন্দ

অইং-অশাদা মখা পোনবা শেন্মিৎলোনগী সেক্তরশিংগী মথৌ পাংথোকপা হেনগৎহনবদা অইং-অশাগী সেবাশিং অসিনা য়াম্না মরু ওইবা তেংবাংবগী থৌদাং লৌবগা লোয়ননা লৌউ-শিংউ, ত্রান্সপোর্ত, ঈশিংনচিংবা লমদম অসিগী শেন্মিৎলোনগী শাহৌ লৈহনবা মমাংদা পনখ্রিবা শেন্মিৎলোনগী সেক্তর মখল অসিগী খুদোংচাদবশিং শেন্নবদসু তেংবাংই। লৈবাকশিং অসিনা আর্লী ৱার্নিং সীস্তেম অমসুং মতমগা চান্নবা ৱেদর অমসুং ফোর্কাস্তিং সর্ভিসশিংদা শেল থাদবনিনা লমদমসিগী অমসুং মালেমগী মরক্তা তেংবাংনবনা নীংহন্নবা লৈতবগী মওং অসি মপাঙ্গল হেন্না কলহনবা য়াগনি। অইং-অশাগী মওং হোংবগী মতৌ অসিনা মরম ওইদুনা, তেংবাংনবগী থৌওং অসিনা অইং-অশাগী হোংবগী মওং খঙদোকপদা তেংবাংদুনা মসিগী চুনবা ৱারোইশিন শেম্ব-শাবা, শেল থাদবগী চাং হন্থহনবা অমসুং লমদমশিং অসিগা চুনবা অনৌবা তেক্নোলোজী পুথোকপা অমসুং অইং-অশাগী সেবাশিং অসিবু মতমগা চান্নহনবা অমসুং কুইনা চৎহন্নবা হোৎনবদা থেংনবা শিংনবশিংবু খঙদোকপদা মতেং পাংগনি।

মলতি হেজার্দ আর্লী ৱার্নিং সীস্তেম অমসুং ক্লাইমেৎ রেজিলিএন্সকী মতাংদা এম.ও.ই.এস. (ভারত) অমসুং এন.সি.এম.-য়ু.এ.ই.গী মরক্তা তেংবাংনদুনা শরুক য়ামিন্নবা অসিনা লমদম অসিগী শেন্মিৎলোনগী শাহৌ লৌবদসু য়াম্না মশক থোক্না তেংবাংবা য়াগনি।

ভারত অমসুং এন.সি.এম.-য়ু.এ.ই.গী মরী লৈনবা ইন্সতিত্যুৎশিংনা পাংথোক্লিবা সাইন্তিফিক ওইবা থবকশিং অসিগী মতাংদা য়ু.এ.ই.গী মীওইশিংনা নবেম্বর ৮, ২০১৯দা এম.ও.ই.এস.তা লাকখিবা মতমদসু খন্নখ্রবনি অমসুং মসিদা রিসর্চ তৌবগী মান্নবা হীরম কয়া অমা খঙনখ্রবনি। ভারতকী সমুদ্র তোর্বানগী মফমশিং অমসুং য়ু.এ.ই.গী অৱাং-নোংপোক্কী মফমশিংদা শোকহনবা ওমান সী অমসুং আরাবিয়ান সী ফাওদুনা হৌরকপা সুনামীগী মতাংদা থাজবা য়ানা অমসুং খোঙজেল থুনা মাংজৌননা ফোর্কাস্ত তৌবগী মতাংদা সাইন্তিফিক অমসুং তেক্নিকেলগী হীরমদা তেংবাংনবগী অপাম্বা অসি নাকল অনিনা ফোংদোকখি।

 

****************



(Release ID: 1688229) Visitor Counter : 3