নীতি আয়োগ

নেস্নেল য়ুথ দেকগী থৌরমদা অতল ইন্নোবেসন মিসন্না অতল তিঙ্করিং লেব হেন্দবুক্কী অনৌবা ইদিসন ফোঙখ্রে

Posted On: 12 JAN 2021 7:16PM by PIB Imphal

অতল ইন্নোবেসন মিসন, নিতি আয়োগনা ঙসি মখোয়গী অতল তিঙ্করিং লেব হেন্দবুক্কী অনৌবা ইদিসন ফোঙখ্রে, মসিনা অতল তিঙ্করিং লেবশিং লিংখৎখিবদা অমসুং চল্লাইবগী থৌওংদা অমদি ইন্নোবেতিব ‘আত্মানির্ভর ভারত’কী মাইকৈদা চংশিনখিবা খোঙচৎতা মপাঙ্গল হাপখি।

ফোঙখিবা অসি স্বামী বিবেকানন্দগী মপোক কুমওনকা চপ মান্না তাখি, লোইননা মপাঙ্গল কনবা লৈবাক অমা শেমগৎপদা নহারোলশিংনা মরু ওইবা থৌদাং লৌই হায়না মহাক্কী পুন্সি চুপ্পা খোলাউ লাউরম্বা স্বামী বিবেকানন্দগী মপোক কুমওনবু ইকাই খুম্নবা উৎপা ওইনা নুমিৎ অসি নেস্নেল য়ুথ দে হায়নসু পাঙথোক্নরি।

 ‘অতল তিঙ্করিং লেব হেন্দবুক ২.০’ হায়না মিংথোনবা হেন্দবুক অসিনা এ.আই.এম.গী মরু ওইবা এ.তি.এল. প্রোগ্রামগী স্ত্রকচরেল, সেলেক্সন, ইস্তাব্লিশমেন্ত অমসুং সেলেব্রেসনগী হিরমশিংদা প্রেক্তিকেল গাইদেন্স অমা পীরি।

এ.আই.এম.গী ওফিসিএল ৱেবসাইৎতা ওনলাইন ওইনা ফংলিবা হেন্দবুক অসিনা এ.তি.এল.শিংগী খুত্থাংদা গ্রাসরুৎ ইন্নোবেসনগী তেক্নিকেল ওইনা মপাঙ্গল লৈবা মেকানিজম শেমগৎনবা লৈবাক শিনবা থুংনা লৈরিবা স্কুলশিংদা অকুপ্পা মরোল য়াওবা গাইদেন্স অমা পীরি।

থৌরম অসি অখন্নবা ভিদিও মেসেস অমগী খুত্থাংদা শরুক য়াদুনা নিতি আয়োগকী ভাইস চিয়রমেন দা. রাজিব কুমারনা হায়, “ঙসি বিবেকানন্দগী মপোক নুমিৎকী থৌরম অসিদা ঐখোয়না এ.তি.এল. হেন্দবুক্কী ২শুবা ভর্জন ফোঙলি মসিদা এ.আই.এম.গী তীমনা এ.তি.এল.গী থৌরাংগী মরু ওইবা য়ুম্বী ৪ – সেলেক্সন, ইস্তাব্লিশমেন্ত, ইনেবলমেন্ত অমসুং সেলেব্রেসন শীজিন্নদুনা ফ্রেমৱার্ক অমদা গ্রাউন্দদা থবক ওইনা চহি ৩ অসিদা পাঙথোকখিবা অদু উৎলি। হেন্দবুক অসি নিতি আয়োগকী ক্বালিতী পোলিসী ৱার্কশিংগী শীজিন্ননবা থম্লিবা অসিদা অহেনবা মরু ওইবা অমগা হাপচিনবনি অমসুং মসিনা গ্রাসরুৎকী থাক্তা খঙজিনহৌবশিং অমসুং খোঙথাংশিং লৌখৎখিবগী অফবা থৌওংশিং য়াওরি।”

এ.আই.এম.গী মিসন দিরেক্তর অমসুং নিতি আয়োগকী এদিস্নেল সেক্রেতরী মিস্তর আর রামানন্না হেন্দবুক অসি ভর্চ্যুএল ওইনা ফোঙবদা ৱা ঙাংবদা মহাক্না এ.আই.এ,গী খ্বাইদগী মরু ওইবা প্রোগ্রাম অমা ওইরিবা অতল তিঙ্করিং লেব অসিগী পান্দমশিং অমসুং শরুক য়ারিবশিংদা মসিগী কান্নবশিংগী মতাংদা ফোঙদোকখি।

“লাইরিক অসি স্কুল, মেন্তর অমসুং ইন্নোবেতরশিংনা অতল তিঙ্করিং বেলশিংগী তোঙান তোঙানবা হিরমশিং খঙনবা অমসুং মসি চাউখৎহন্নবা ৱান স্তোপ রিফরেন্স অমা ওইরগনি। ঐখোয়না লাইরিক অসি শীজিন্নবদা নুংঙাইনবা লাইথোকহনখি অমসুং মসিদা ক্যু.আর. কোদশিং য়াওরি মসিনা প্রোগ্রাম অসিগী তোঙান তোঙানবা হিরমশিংগী মরমদা হেন্না অকুপ্পা মরোল য়াওবা লিঙ্কশিং ফংহনগনি,” হায়না মহাক্না মখা তাখি।

মিসন হাই লেবেল কম্মিতি (এম.ঐচ.এল.সি.) বোর্দ মেম্বর, এ.আই.এম., নিতি আয়োগ দা. বিজে চৌথাইৱালেনা মহাক্না মহৈরোইশিংদা ৱা ঙাংবদা স্বামী বিবেকানন্দবু পনখি অমসুং মখোয়দা মহাক্কী তাকপী-তম্বীরম্বা অদুনা মখোয়না খুমাং চাউশিন্নবা অমসুং অচৌবা পান্দমশিং ফংনবা মখোয়দা পাউতাক পীখি।

“এ.তি.এল. অসি ঐখোয় পুম্নমক্কী ওইনা অতল ইন্নোবেসন মিসনগী খুত্থাংদা লৈবাক অসিগী নহাশিংগী ৱাখলদা করম্না ইন্নোবেসন ইকোসিস্তেম পোকহনবগে হায়বগী মতাংদা অথোইবা লর্নিং এক্সপরিয়েন্স অমা ওইখ্রে। ঐহাক্না স্কুলশিং অমসুং মহৈরোয়শিংসা পব্লিকেসন অসি মপুং ফানা শীজিন্ননবা পাউতাক পীরি। ঐহাক্না হায়নিংবদি মহৈরোই পুম্নমক্না শীংনবগা লোইননা মাইথিগনি হায়না কীদনবা চংশিনগদবনি,” হায়না মহাক্না ফোঙদোকখি।

হেন্দবুক অসিগী কোপী অসি https://aim.gov.in/pdf/ATL_Handbook_2021.pdf দা ফংগনি অমসুং দাউনলোদ তৌবা য়াগনি।

এ.তি.এল.গী মরমদা:

অতল তিঙ্করিং লেব অসিনা নহাশিংনা মখোয়গী ৱাখল্লোনশিং অদু মখোয় মশানা খুৎ থাদুনা মথন্থা তৌজবগী খুথাংদা মেকরস্পেস অমা পীগনি; অমসুং ইন্নোবেতিব স্কিলশিং তমশিনগনি। ওন্তপ্রিনোরশিপ অমসুং ইন্নোবেসন য়োকখৎনবা অতল ইন্নোবেসন মিসন, নিতি আয়োগনা হৌজিক ফাওবদা লৈবাক অসিগী এ.তি.এল. ৭০০০কী মথক্তা লিংখৎদুনা গ্রেদ VI অমসুং গ্রেদ XII ফাওবগী মরক্তা লৈবা মহৈরোই মিলিয়ন ৩+দা প্রোব্লেম সোল্ব তৌবা, তিঙ্করিং অমসুং ইন্নোবেতিব ওইবা ৱাখল্লোন পোকহনবা ঙমখ্রে।

******



(Release ID: 1688133) Visitor Counter : 1