ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়
লৈবাক অসিদা এভিয়ান ইনফ্লুএঞ্জাগী ফিবম
Posted On:
11 JAN 2021 3:11PM by PIB Imphal
২০২১গী জনুৱারীগী ১১ ফাওবদা, লৈবাক অসিগী স্তেত ১০দা এভিয়ান ইনফ্লুএঞ্জা থেংনরে। আই.সি.এ.আর.-এন.আই.ঐচ.এস.এ.দি.না রাজস্থানগী তোঙ্ক, কারৌলি, ভিলৱারা দিস্ত্রীক্ত; অমসুং গুজরাতকী ভালসাদ, ভাদোদারা অমসুং সুরত দিস্ত্রীক্ততা ক্বাক অমসুং লমকোই/লমলক্কী উচেক শিবা থেংনরে। মখা তানা, উত্তরাখন্দগী কোতদ্বার অমসুং দেহরাদুন দিস্ত্রীক্ততা ক্বক শিবা থেংনরি। দিল্লীদা, ক্বাক অমসুং ঙানু মথংশিৎনা নই দিল্লী অমসুং সঞ্জয় পাৎতা শিবাগী পাউদম লৈরি।
মখা তানা, পার্ভানি দিস্ত্রীক্ততা পোলত্রীশিংদা এভিয়ান ইনফ্লুএঞ্জা শন্দোরক্লি মরক অসিদা মহারাস্ত্রদা ক্বাকশিংদা এ.আই. অসি মুম্বাই, থানে, দাপোলি, বীদতা থেংনরি।
হারিয়ানাদা, লায়না অসি শন্দোরক্তনবা নারবা উচেকশিং অসি কল্লিং তৌদুনা লাকশিন্নবা হোৎনরি। ২০২১গী জানুৱারীগী ১১দা সেন্ত্রেল তীম অমা হিমাচলদা চৎকনি অমসুং পঞ্চকুলা য়ৌশিন্দুনা ইপিসেন্তর ওইরিবা মফমশিং য়েংশিনগনি অমসুং থি-হুম্বগী থবক চৎথগনি।
স্তেতশিংদা মীয়াং প্রজাবু ৱাখল তাহন্দুনা অমসুং অরানবা পাউ শন্দোক্তনবা হায়জখ্রে। স্তেতশিং/য়ু.তি.শিংদা ঈশিংগী মফমশিং, অহিংবা উচেক্কী মার্কেৎ, জুশিং, পোলত্রী ফার্মশিং অসিনচিংবা অসি হেন্না কুপ্না য়েংশিন্নবা লোয়ননা অশিবা উচেকশিং অসি মফম চানা ফুমজিনবা, পোলত্রী ফার্মশিং অসি বাইও-সেক্যুরিতি কনখৎহনবা অসি হায়জখি। মসিগী মথক্তা কল্লিংগীদমক পি.পি.ই. অমসুং অতৈ মচাকশিং মরাং কাইনা থম্বা মরু ওইবা খঙহল্লি। দি.এ.ঐচ.দি.গী সেক্ত্রেতরীনা স্তেত এনিমেল হজবেন্দরী দিপার্তমেন্ততা হেলথ ওথোরিতিশিংগা ই-পাউ ফাওনবা অমসুং মতেং পীনদুনা লায়নাশিং অসি মতম চানা য়েংশিন্দুনা অমসুং লায়না অসি মীওইবদা চোংশিনখিদনবা চেকশিন্নবা হায়রি।
************
(Release ID: 1687641)
Visitor Counter : 157
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Kannada
,
Malayalam