হয়েং জনুৱারি ১২দা মহাক্কী ময়ুমদা রোদ ত্রান্সপোর্ত অমসুং হায়ৱেজ অমসুং এম.এস.এম.ইগী য়ুনিয়ন মিনিস্তর শ্রী নিতিন গাদকরিনা খাদি অমসুং ভিলেজ ইন্দস্ত্রিস কম্মিসন্না পুথোকপা অনৌবা মচু অমা হৌদোক্লগনি। অকোয়বগী ফিবম শোকহন্দবা, হু চেন্দবা “খাদি প্রকৃতিক পেন্ত” কৌবা অসি মখল অসিগী ওইনা অহানবনি অমসুং কোকফাই-শুজা অমসুং মহি-মতাই কয়া চঙবা ঙমদে। ষন্থীনা মপুংওইনা শাবা মচু অসি মমল হোঙই অমসুং মনম চেন্দে অমসুং বিউরো ওফ ইন্দিয়ান স্তেন্দার্দনা শকখঙলে।

দিসতেম্পর পেন্ত অমসুং প্লাস্তিক ইমুলসন পেন্ত হায়না খাদি প্রকৃতিক পেন্ত অসি মওং অনি থোক্না ফংলি। লৌমীশিংগী শেন্থোক হেনগৎহন্নবা প্রধান মন্ত্রীগী পান্দমগী শরুক অমা ওইনা খাদি প্রকৃতিক পেন্ত পুথোকপনি। প্রোজেক অসিগী ৱাখল্লোল অসি মার্চ ২০২০দা কে.ভি.আই.সিগী চিয়রমেন্না হৌদোকখিবনি অমসুং তুংদা কে.ভি.আই.সিগী য়ুনিত অমা ওইরিবা কুমারাপ্পা নেসনেল হেন্দমেদ পেপর ইন্সতিতুৎ, জয়পুরনা পুথোকপনি।

মচু অসিদা ধাতুশিং হায়বদি মিশি, মর্কুরি, ক্রোমিয়ম, অর্সেনিক, কেদমিয়ম অমসুং অতোপ্পশিং য়াওদে। মসিনা লমদম অসিদা পোৎথোক পুথোকপা হেনগৎহনগনি অমসুং তেক্নোলোজি পীদুনা লমদম অসিগী মীয়াম থবক ফংহনগনি। মসিগী তেক্নোলোজি অসিনা অকোয়বগী ফিবম শোকহন্দবা পোৎথোকশিং পুথোক্নবা ষন্থী শীজিন্নবা হেনগৎহনগনি অমসুং লৌমীশিং অমসুং ষন লোইবা মীওইশিংগী শেন্থোক হেনগৎহনবা ঙমগনি। মসিনা লৌমীশিংদা ষন অমদা চহি অমদা চাউরাক্না লুপা ৩০,০০০গী অহেনবা শেন্থোক ফংবা ঙমগনি হায়না পানরি। ষন্থী শীজিন্নবা অসিনা অকোয়বগী ফিবম লু-নান্না থম্বা ঙমগনি অমসুং খোঙবালশিং ফুনজিনবদগী ঙাকথোকপা ঙমগনি।

মমিং লৈরিবা নেসনেল লেবোরেতোরি অহুমদা খাদি প্রকৃতিক দিসতেম্পর অমসুং ইমুলসন পেন্তশিং চাংয়েং তৌরে

• নেসনেল তেস্ত হাওস, মুম্বাই
• শ্রী রাম ইন্সতিতুৎ ফোর ইন্দস্ত্রিয়েল রিছর্স, নিউ দিল্লি
• নেসনেল তেস্ত হাওস, ঘাজিয়াবাদ

খাদি প্রকৃতিক ইমুলসন পেন্তনা বি.আই.এস ১৫৪৮৯:২০১৩ স্তেন্দার্দ ফংলে অমসুং খাদি প্রকৃতিক দিসতেম্পর পেন্তনা বি.আই.এস ৪২৮:২০১৩ স্তেন্দার্দ ফংলে।

*****