সেন্তর অসিনা মাংজৌননা কোবিদ-১৯গী ভেক্সিন অসি পুথোক্নবা স্তেতশিং/য়ু.তি.শিংগী থৌবুশিংগা খুৎশম্নদুনা থৌরম অসি পাংথোক্নবা শেম-শাদুনা লৈরে। হেলথ অমসুং ফেমিলি ৱেলফিয়রগী য়ুনিয়ন মিনিস্তর (এম.ও.ঐচ.এফ.দবল্যু)না ঙসি স্তেত অমসুং য়ু.তি.শিংগী এদমিনিস্ত্রেসনশিংগা লোয়ননা ভেক্সিন এদমিনিস্ত্রেসন অসিগী খ্বায়দগী অরোইবা ওইরিবা কোৱিন সোফতৱায়রগা ভিদিও কনফরেন্স অমা পাংথোকখ্রে।

মিতিং অসি কোবিদ-১৯ কোন্বেৎকী এম্পাৱর গ্রুপ ওন তেক্নোলোজিকেল অমসুং দেতা মেনেজমেন্তগী চেয়রমেন অমসুং কোবিদ-১৯গী নেস্নেল এক্সপার্ত গ্রুপ ওন ভেক্সিন এদমিনিস্ত্রেসনগী মেম্বর শ্রী রাম সেৱাক শর্ম্মানা চেয়র লৌখি। মিতিং অসি স্তেত প্রিন্সিপাল সেক্ত্রেতরী, এন.ঐচ.এম. মিসন দাইরেক্তরস অমসুং স্তেত ইম্ম্যুনাইজেসন ওফিসর অমসুং হেলথ মিনিস্ত্রীগী মকোক থোংবা ওফিসরশিং য়াওরি। মিতিং অসিগী মনুংদা স্তেতশিং/য়ু.তি.শিনা কো-ৱিন সোফতৱায়রদা পীরকপা ফীদবেক অমসুং মসিগী শিজিন্নগদবা, দ্রাই রনস্তগী থেংনবা অৱাবশিং অসি মমুৎ তানা খন্নখি।   

শ্রী আর. এস. শর্ম্মানা কো-ৱিন সোফতৱায়গী মতাংদা মপুং ফাবা মিংয়েং অমা পীখি অমসুং মসিগী প্রিন্সিপল অসিনা ভেক্সিন্নেসন শিজিন্নবাদা তেক্নোলোজিগী মতেং পীগনি। মহাক্না হায় মদুদি, য়াম্না চেৎপা, থাজবা য়াবা অমসুং য়াম্না য়াংবা তোক্নোলোজি  অসিনা লৈবাক অসিগী কোবিদ-১৯ ভেক্সিনেসন্দা মতেং পীগনি মসিনা মালেমগী ওইনা খ্বায়দগী চাওবা ইম্ম্যুনাইজেসনগী থবক ওইগনি। মসি মমাংদা অমুক্তা তৌখিদ্রিবা ইম্ম্যুনাইজেসন অমনি হায়না মহাকনা উৎখি। শরুক য়ারিবশিং অসিদা ৱা ঙাংলদুনা মহাক্না হায় মদুদি, থৌওং অসি মীয়ামগী ওইবনি, ভেক্সিন অসি মতমখুদিংদা অমসুং মফম খুদিংদা ফংহন্নবা হোৎনবনি।      

ই.জি.গী চেয়রপর্সননা মতম চানা ভেক্সিনেসনগা দেতা লৌবা অসি মরুওইবা অমনি হায়না মরুওইবা পীরি, মহাক্না হায়রি মদুদি মসি য়াশিন্নবা য়াদবা; হায়রিবা অসিদা দেতা থাগৎপা মতমদা ওনলাইন নত্ত্রগা ওফলাইন অসিগী শম্বগী থেংনবা অৱাবশিং অসি উৎকদবনি।

আধার প্লেতফোর্ম শিজিন্নবগী মতাংদা ৱা ঙাংলদুনা মহাক্না স্তেতশিং অসিদা পাউতাক পীখি মদুদি বেনেফিসরিশিংনা মখোয়গী হৌজিক পায়রিবা মোবাইল নম্বর অসি রেজিস্ত্রেসন তৌবদা হাপকদবনি অমসুং মতুংদা মসি এস.এম.এস.কী খুত্থাংদা ই-পাউ ফাওনগনি; আধার ওথেন্তিকেসন তৌবদা মীহুৎ অমত্তা তৌবা য়ারোই। মহাক্না তাকখি মদুদি ভেক্সিনেসন ফংখিব মীওই অমা ময়েক শেংনা খঙদোকপা য়াম্না মরু ওই অমসুং কনানা কনাদা ভেক্সিন্নেসন পীখিবগে অমসুং করম্বা মতমদা হায়বা অসি দিজিতেল রেকোর্দ অমা লৈগনি। মহাক্না স্তেত অমসুং য়ু.তি.শিং অসিদা দেতা খোমজিনবা অসিনা থবকশিং অসি লায়থোকহন্নবা অমসুং ফিলদগী থাক্তা চৎনবা ওইগদবনি হায়না হায়খি।  

স্তেতশিং অমসুং য়ু.তি.শিং অসিগী থবকশিং অসিদা মরীক চুম্বা অমসুং খুমাং চাওশিনবা খন্ন-নৈনবা অমা চৎথখি। মখোয়গী ফীদবেক অমসুং সোফৱায়র/প্রোতোকোল মখা তানা অহোংবা লাকপা অসি খন্নগনি। হায়রিবা অসিদা : সেসন এল্লোকেসন/থৌরাং/তাইম স্লোতিং; ৱার্ক ফ্লো এল্লোকেসন; ভেক্সিনেতর এল্লোকেসন; ভেক্সিনেতর অমসুং বেনেফিসরিজদা এস.এম.এস. থাবা; অমসুং কন্নেক্তিবিতিগী থেংনবা অৱাবা অসি য়াওরি।

****