অনা লায়েংশঙদা পুখৎলকপা কেসশিং মওং চুম্না মেনেজ তৌবগী কেন্দ্র অমসুং স্তেত/য়ু.তি. লৈঙাকশিংনা লৌখৎলিবা থৌরাংশিং অসিনা ভারত্তা শিবগী চাং মখা তানা হন্থহল্লক্তুনা ঙসি চাদা ১.৪৪ ওইরে‍। মতিং লৈবা কনতেনমেন্তকী লাল্লোং, ইচঙ থৌনা চাংয়েং তৌথোকপা অমদি মরম শুবা স্তেন্দর্দ ওফ কেয়র প্রতোকোলদা য়ুম্ফম ওইবা মান্নবা ক্লিনিকেল মেনেজমেন্তকী চৎন-পথাপ লৈঙাক্কী অমদি লনাই অনা লায়েংশঙশিংদা লৈহনবনা নৌনা শিবগী মশিং হন্থরকপনি‍।

হৌখিবা নুমিৎ ১৬নিসিদগী হৌনা লৈবাকসিদা নোংমদা নৌনা শিবা মীশিং ৩০০গী মখাদা লৈরি‍।

কোবিদ মেনেজমেন্ত অমসুং রেসপোন্স পোলিসীগী শরুক অমা ওইনা কোবিদ লাকশিনবখক্তা নত্তনা মতিং লৈবা ক্লিনিকেল কেয়র কোবিদনা ফীভম লুনা শোকহল্লবা অনাবশিংদা পীদুনা পুন্সি কন্ননবা অমদি শিবগী মশিং হন্থহন্নবা থৌরাংদা কেন্দ্র লৈঙাক্না অকনবা মীৎয়েঙ চঙলি‍। কেন্দ্র অমসুং স্তেত/য়ু.তি. লৈঙাক্না খুৎশম্নদুনা পায়খৎমিন্নবা থৌরাংশিংনা লৈবাক শিনবা থুংনা হকশেলগী ফেসিলিতীশিং মপাঙ্গল কনখৎহল্লে‍।

ভারতনা মীওই মিলিয়ন অমদা খ্বাইদগী য়ামদনা মী শিবগী চাং (১০৯) লৈবাকশিংগী মরক্তা অমা ওইরি‍। রসিয়া, জর্মনী, ব্রাজিল, ফ্রান্স, য়ু.এস.এ., য়ু.কে. অমসুং ইতালীগুম্বা লৈবাকশিংদা মীওই মিলিয়ন অমদা শিবগী চাং কা হেন্না ৱাংলি‍।

ভারতকী হৌজিক নারিবা মীশিং ২,২৩,৩৩৫ অসি ভারতকী অপুনবা নাখিবা মীশিংগী চাদা ২.১৪ খক্তনি‍। হৌখিবা পুং ২৪দা মীওই ১৯,২৯৯ নাবা ফগৎলকখিবনা অপুনবা হৌজিক নারিবা মীশিং ৮৫৫ হন্থহল্লকখি‍।

ফিগর অসিদা হৌখিবা পুং ২৪দা হৌজিক নারিবা মীশিংদা অহোংবা লাকখিবশিং উৎলি‍। মহারাস্ত্রদা মীওই ১,১২৩ নৌনা হাপচিল্লক্তুনা খ্বাইদগী মশিং য়াম্না হেনগৎলকপা ওইখি অদুগা রাজস্থান্দা মীশিং ৬৭২ হন্থরক্তুনা খ্বাসদগী য়াম্না মশিং হন্থরকপা ওইখি‍।

মীওই মিলিয়ন অমদা হৌজিক নারিবা মীশিংগী চাংসু ভারতকী ফীভম মালেমগী খ্বাইদগী নেমবশিংগী মরক্তা ওইরি‍। ভারত্তা লৈরিবা চাং অসি ১৬২নি অদুগা ব্রাজিল, রসিয়া, জর্মনী, ইতালী, য়ু.কেও অমসুং য়ু.এস.এ.নচিংবা লৈবাকসিংদদি মীওই মিলিয়ন অমদা হৌজিক নারিবা মীশিংগী চাং কা হেন্না ৱাংলি‍।

ঙসি ফাওবদা নাবা ফগৎলকখ্রবা অপুনবা মীশিং ১০,০৭৫,৯৫০নি‍। ফগৎলকপগী চাং চাদা ৯৬.৪২দা হেনগৎলক্লে‍।‍

নৌনা ফগৎলকখিবা মীশিংগী চাদা ৭৯দি স্তেত/য়ু.তি. ১০দগীনি‍।

কেরলাদা মীওই ৫,৪২৪ নৌনা ফগৎলক্তুনা কোবিদতগী খ্বাইদগী মশিং য়াম্না ফগৎলকপা ওইখি‍। মহারাস্ত্র অমসুং উত্তর প্রদেশতা মথংশিৎনা মীওই ২,৪০১ অমসুং ১,১৬৭ নৌনা ফগৎলকপগী পাউ লাকখি‍।

হৌখিবা পুং ২৪সিদা মীওই ১৮,৬৪৫ নৌনা নারকপা থেংনখি‍।

নৌনা নারকপা মীশিংগী চাদা ৮২.২৫দি স্তেত/য়ু.তি. ১০দগীনি‍।

কেরলাদা হৌখিবা পুং ২৪দা মীওই ৫,৫২৮ নৌনা নারকপগী পাউ লাকখি‍। ঙরাং মহারাস্ত্রদা মীওই ৩,৫৮১ নৌনা নারকপা অমদি ছতিসগরদা মীওই ১,০১৪ নৌনা নারকপগী পাউ লাকখি‍।

হৌখিবা পুং ২৪দা পাউ লাকখিবা নৌনা শিখিবা মীওই ২০১গী মনুংদা চাদা ৭৩.৬৩দি স্তেত/য়ু.তি. তরেৎতগীনি‍।

মহারাস্ত্রদা মীওই ৫৭ নৌনা শিদুনা খ্বাইদগী য়ামবা ওইখি‍। কেরলাদা মীওই ২২ নৌনা শিখি অমদি ৱেস্ত বেঙ্গলদা মীওই ২০ শিদুনা মতুং ইনখি‍।

হৌজিক ফাওবদা সেম্পল ৯০ য়ু.কে.গী অনৌবা মখলগী জিনোম পোজিতিব ওইবা থেংনখি‍।

****