প্রধানমন্ত্রীগী লোইশঙ
সিরুম ইন্সতিত্যুৎ ওফ ইন্দিয়া অমসুং ভারত বাইওতেক্কী ভেক্সিন অয়াবা পীখিবদা পি.এম.না লৈবাক মীয়ামদা নুংঙাইবা ফোঙদোকখ্রে
কোরোনা লান্মীশিংদা তৌবিমলগী ৱাহৈ ফোঙদোকখ্রে
Posted On:
03 JAN 2021 11:49AM by PIB Imphal
দি.সি.জি.আই.না সিরুম ইন্সতিত্যুৎ ওফ ইন্দিয়া অমসুং ভারত বাইওতেক্কী ভেক্সিনশিং অয়াবা পীখিববু প্রধান মন্ত্রী শ্রী নরেন্দ্র মোদীনা কোরোনা লান্থেংনবগী থৌনা হাপকদবা খোঙফম চেৎলবা তাঞ্জা অমনি হায়না হায়খ্রে।
ত্বীত পরেং অমদা প্রধান মন্ত্রীনা হায়খি,
“থৌনা লৈরবা লান্থেং অসিগী খোঙফম চেৎপা তাঞ্জা অমনি!
দি.সি.জি.আই.না @SerumInstIndia অমসুং @BharatBiotechকী ভেক্সিনশিং অয়াবা পীখিবনা হেন্না মশা মউ ফবা অমদি কোবিদ লৈত্রবা লৈবাক অমগী লম্বীদা হেন্না খোঙজেল য়াঙশিহল্লে।
কংগ্রেজুলেসন ভারত।
ঐখোয়গী মথৌ কনবা সাইন্তিস্তশিং অমদি ইনোভেতরশিংগী মফমদা নুংঙাইবা ফোঙদোকচরি।”
“অথু অকায়গী শিজিন্ননবা অয়াবা পীরবা ভেক্সিন অনি অসি ভারত্তা শাবনি হায়বা ৱাফমসিনা ভারত মচা পুম্নমকপু চাউথোকহল্লগনি! মসিনা ঐখোয়গী সাইন্তিফিক কম্ম্যুনিতীগী মরুদগী মিনুংশি অমদি চেকশিঞ্জবগা লোয়নরিবা আত্মনিরভর ভারতকী মঙলানবু মঙফাউনহন্নবগী ইথিল উৎলি।”
“ঐখোয়না ঐখোয়গী দোক্তরশিং, মেদিকেল স্তাফ, সাইন্তিস্ত, পুলিস পর্নোনেলশিং, সেনিতেসন ৱর্করশিং অমদি কোরোনা লান্মী পুম্নমকপু খুদোং চাখিদ্রবা ফীভমসিদা মখোয়গী থোইদোক হেন্দোকপা থবক্কীদমক তৌবিমল খঙবা হন্না উৎচরি। পুন্সি কয়া কনখিবগীদমক্তা মখোয়গী মফমদা মতম পুম্বগী ওইনা লমন তোন্দুনা লৈহৌরগনি।”
****
(Release ID: 1686718)
Visitor Counter : 250
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam