নোংমগী ওইনা অনৌবা লাকপা কেস মশিংদগী নাবা ফবগী মশিংনা হেনবগী চৎনবী অসি লেপ্তনা চত্থরকপগা লোয়ননা এক্তিব কেসকী মশিংদা য়াম্না তাথরকপগী ফিভম উবা ফংলি। ভারতকী অপুনবা এক্তিব কেস মশিং অসি লাখ ২.৫০দা তাথরক্তুনা ঙসি ফাওবদা পুন্না ২,৫০,১৮৩ ওইরি।

হৌজিক্না ২.৫%গী মখাদা লৈরবা এক্তিব কেসকী মশিং অসিনা অপুনবা কেসকী শরুক ২.৪৩% ওইরি।

ভারত্তা অনৌবা মীওই ১৯০৭৯না কোবিদ পোজিতিব ওইখিবদা মান্নবা মতম অদুদা অনৌবা মীওই ২্‌৯২৬না নাবা ফখিবগী পাউ লাকখি। মসিনা হৌখিবা পুং ২৪দা এক্তিব ওইবা কেস মশিংদা অপুনবা ৪,০৭১ হন্থহনখি।

রাজ্য মঙা, কেরলা, মহারাস্ত্রা, উত্তর প্রদেশ, নোংচুপ বেঙ্গোল অমসুং ছতিসগরনা অপুনবা এক্তিব কেস মশিংগী শরুক ৬২% ওইরি।

ভারতনা হৌখিবা নুমিৎ ৭নি অসিদা মিলিয়নগী মীয়ামগী মনুংদা অনৌবা কেস লাকপা (১০১) খ্বাইদগী নেম্বা লৈবাক ওইরি। হৌখিবা নুমিৎ ৭নিদা পাউদমলকখিবগী মতুং ইন্না ব্রাজিল, রসিয়া, ফ্রান্স, ইতালী, য়ু.এস.এ. অমসুং য়ু.কে.না কেস পর মিলিয়ন পোপ্যুলেসনগী মশিং ৱাংনা লৈরি।

ভারতকী অপুনবা নাবা ফবগী মশিং অসি করোর ১দা নকশিল্লক্লি। অপুনবা নাবা ফবগী কেস মশিং অসি লাখ ৯৯ (৯৯,০৬,৩৮৭) হেনখ্রবনি।

নাবা ফবগী চাং অসি ঙসি ফাওবগী মনুংদা ৯৬.১২%দা ফগৎলকখ্রে। নাবা ফবা অমসুং এক্তিব কেসকী মশিংগী মরক্তা খেৎনবা অসি লেপ্তনা হেনগৎলক্লি অমসুং হৌজিক্কী ওইনা ৯৬,৫৬,২০৪দা লৈরি।

অনৌবা নাবা ফবগী ৭৮.৬৪%গী শরুক অসি রাজ্য/য়ু.তি. তরাদগী লাকপনি।

কেরলানা কোবিদতগী নাবা ফবা মীওই ৫,১১১ লৈদুনা মাংজিল থাদুনা চৎলি অমসুং মহারাস্ত্রানা মীওই ৪,২৭৯ লৈখি। নোংচুপ বেঙ্গোলনা নোংমদা নাবা ফবা মশিং ১,৪৯৬ লৈরি হায়রক্লি।

রাজ্য/য়ু.তি. ১০না অনৌবা কেসকী শরুক ৮০.৫৬% পীরক্লি।

হৌখিবা পুং ২৪দা কেরলাদা কেস ৪,৯৯১ লাকখি। মহারাস্ত্রাদা ঙরাং অনৌবা কেস ৩,৫২৪ লাকখিবদা নোংচুপ বেঙ্গোলনা অনৌবা কেস ১,১৫৩ লাকখি।

হৌখিবা পুং ২৪দা মীওই ২২৪ লৈখিদবগী পাউ লাকখি। মসিগী মনুংদগী ৭৫.৪৫%দি রাজ্য/য়ু.তি. ১০দগীনি।

অনৌবা লৈখিদবগী ২৬.৩৩%দি মহারাস্ত্রাদগীনি (৫৯)। নোংচুপ বেঙ্গোলদা অনৌবা মীওই ২৬ লৈখিদবদা কেরলাদনা অনৌবা মীওই ২৩ লৈখিদে।

****