কেন্দ্রগী হকশেল অমসুং য়াইফ য়ুম্বাল মন্ত্রালয়না ২০২০গী দিসেম্বর ২৮ অমসুং ২৯দা রাজ্য মরি, অসাম, অন্ধ্র প্রদেশ, পঞ্জাব অমসুং গুজরাত্তা কোবিদ-১৯ ভেক্সিনেশনদা য়ুমফম ওইবা থবক-থৌরমশিংগীদমক্তা নুমিৎ নিনিগী দ্রাই রন পাংথোকখ্রে

য়ুনিভর্সেল ইম্যুনাইজেশন প্রোগ্রাম (য়ু.আই.পি.) অমসুং লৈবাক পাকশন্না তোঙান-তোঙানবা মখলগী ইজেক্তেবল ভেক্সিনেশন কেমপেনশিং কয়া অমা খুদম ওইনা মীজলশিং-রুবেলা (এম.আর.) অমসুং এদল্ত জপানীজ এন্সেফলাইতিস (জে.ই.)কেমপেন তোবদা থেংনখিবা এক্সপরিয়েন্স অদুনা মরম ওইরগা মরু ওইবা পোপ্যুলেশন গ্রুপশিং খুদম ওইনা হেল্থ কেয়র ৱার্করশিং, ফ্রন্তলাইন ৱার্করশিং অমসুং চহি ৫০ মথক্কী মীশিংবু কোবিদ-১৯গীদমক্তা ভেক্সিনেত তৌনবা মথৌ তাবা খোংথাংশিং অদু লৌখৎখ্রে।

দ্রাই রন এক্সরসাইজ অসি কোবিদ-১৯ ভেক্সিনেশন তৌবগী থৌওংগী এন্দ-তু-এন্দ তেস্তিংদা পান্দম থম্লি অমসুং ওপরেশনেল গাইদলাইনশিংগী মতুং ইন্না  মসিদা প্লানিং অমসুং প্রিপেয়রেশন য়াওগনি; কো-ৱিন এপ্লিকেশনদা ফেসিলিতীশিং অমসুং য়ুজরশিং শেম্বা, সেসন সাইত শেম্বা অমসুং সাইতশিংগী মেপ্পিং তৌবা, হেল্থ কেয়র ৱার্করস (ঐচ.সি.দবল্যু.) দেতা অপলোদ তৌবা, জিলা অদুনা ফংবা ভেক্সিনশিং অমসুং ভেক্সিন এলোকেশন তৌবা, সেসন প্লানিং, ভেক্সিনেশন তীম থাদোকপা, সেসন সাইত্তা লোজিস্তিক্স থাদোকপা, ভেক্সিনেশন তৌবগী মোক দ্রিল অমসুং ব্লোক, জিলাশিং অমসুং রাজ্যগী থাক্তা রিপোর্ত থাগৎপা অমসুং মীফমশিং য়েংশিনবা য়াওগনি।  দ্রাই রনগী পান্দম অসি আই.তি. প্লেতফোর্ম কো-ৱিনগী ফীল্দ ইমপ্লিমেন্তেশনগী থবক পাইখৎপা অমসুং কনফর্ম তৌবা অমসুং তশেংনা চৎনহন্দ্রঙৈগী মমাংদা তুংগীদমক্তা লমজিং-লমতাকপীবসুনি।

জিলা অমসুং ব্লোক তাস্ক ফোর্স য়াওহনবগা লোইননা জিলাগী কলেক্তরবু দ্রাই রন পাংথোক্নবগীদমক্তা থৌদাং লৌহল্লি অমসুং তশেংনা ভেক্সিনেশন পাংথোকপা মতমদা গেপশিং নত্রগা অপনবশিংগী মতাংদা লৌশিংশিং পীগদবনি।

নুমিৎ নিনিগী দ্রাই রন অসি অন্ধ্র প্রদেশকী কৃষ্ণা জিলাদা,  গুজরাত্তা রাজকোত অমসুং গান্ধিনাগরদা, পঞ্জাবতা শহীদ ভগত সিং নাগর (নৱানশহর) অমসুং অসামদা সোনিৎপুর অমসুং নালবারিদা পাংথোকখি।

জিলাগী এদমিনিস্ত্রেশন্না থবক কয়া অমগীদমক্তা অখন্নবা তীমশিং শেমখি অমসুং থবক-থৌওংশিং খুদম ওইনা দমী বেনিফিসরীশিংগী দেতা অপলোদ তৌবা, সেসন সাইত শেম্বা, ভেক্সিন এলোকেশন, ভেক্সিনেতরশিং অমসুং বেনিফিসরীশিংদা কম্যুনিকেশন ভেক্সিনেশনগী অকুপ্পা মরোলশিং, বেনিফিসরী মোবিলাইজেশনগী থবক পাংথোকখি।

দ্রাই রন অদুগী অহানবা নুমিত্তা ফীলদ ফীদবেক অদুদু জোইন্ত সেক্রেতরী (পব্লিক হেল্থ)না রাজ্য অমসুং জিলাগী প্রোগ্রাম ওফিসরশিংগা লোইননা ভীদিও কনফরেন্সিংগী খুত্থাংদা ২০২০গী দিসেম্বর ২৯দা রিভ্যু তৌখি। রাজ্য খুদিংমক্না ওপরেশনেল এপ্রোচকী মতাংদা অমসুং ত্রান্সপরেন্সী লৈহন্নবা অঞসুং লৈবাক শিনবা থুংনা য়াম্লবা মীশিং খয়া অমদা য়ৌহনগনি হায়না থাজরিবা ভেক্সিনেশনগী থৌওংশিংবু মাইপাক্না য়েংশিন্নবা আই.তি. প্লেতফোর্ম শিজিন্নবদা রাজ্য পুম্নমক্না অপেনবা ফোংদোরকখি। আই.তি. প্লেতফোর্মশিংগী মতাংদা অহেনবা সুজেশনশিংসু কো-ৱিন প্লেতফোর্মগী মখাতানা ফগৎহন্নবগীদমক্তা খঙজিনখি।

অসুম্না ফংখিবা মচা খাইরবা ইনসাইতশিং অমসুং ফীদবেকনা ওপরেশনেল গাইদলাইনশিং অমসুং আই.তি. প্লেতফোর্ম ফগৎহনবদা মতেং পাংগনি অমসুং কোবিদ-১৯ ভেক্সিনেশন পাংথোকপগী শিল্লিবা থৌরাংগী মপাঙ্গল কনখৎহনগনি।

******