ঙাকশেল মন্ত্রী শ্রী রাজনাথ সিংহনা ঙসি এরো ইন্দিয়া-২১গীদমক্তা শিল-লাংলিবা অমসুং থৌরাং য়াৎপশিংবু ঙসি হঙ্গৎনা য়েংশিনখ্রে। ঙাকশেল মন্ত্রালয়গী দিফেন্স বিভাগনা মন্ত্রীদা থৌরম অসিনা হৌজিক চৎনরিবা মালেমগী একজিবিসনগী কাঙলোনশিং ইল্লি অমসুং থৌরম অসি কার্বারদা মিৎয়েং থম্বা একজিবিসন অমা ওইনা শিন-লাংবনি হায়না পাউদমখি। নোংথক্কী কুমহৈদা পুক্নিং হুনবা মীয়াম্না হন্দকী চহিগী থৌরম অসিদি মালেমগী ওইবা এ. অমসুং দি.গী কারবারশিংগী মীওইশিংগী মরক্তা মীওই অমগা মীওই অমগা থেংনবদা শাফনবা অমসুং লাক্কদৌরিবা অনৌবা চহি অসিদা খুৎশম্নবগী থৌওংশিংবু মপাঙ্গল হেন্না লৈহন্নবা ভর্চুএলগী খুত্থাংদা ওইনা য়েংলগনি।

থৌরম অসিনা অহাঙবশিং লোইনা য়োনবা ঙম্নখিবা অমসুং একজিবিতর ৫০০+ হেন্না রেজিস্তর তৌরকপগী থৌওং লৈদুনা মীয়াম্না য়াম্না পাম্নবগী মওং উবা ফংখি। কোবিদ-১৯না মরম ওইদুনা লৈরিবা শিংনবশিং অসি য়েংলদুনা, ঙাকশেল মন্ত্রীনা থৌরম অসি ইং ২০২০দা চত্থোক চৎশিন তৌবদা অথিংবা লৈখিবা অমসুং লোকদাউন থমখিবদগী খুদোংচাদবা কয়া থেংনখিবা এরোস্পেস অমসুং দিফেন্স ইন্দস্ত্রীগী পুক্নিং থৌগৎপগী পান্দমগা লোয়ননা কারবারগী নুমিৎ খক্তদা, হায়বদি ফেব্রুৱারি ৩-৫, ২০২১দা  পাংথোক্নবা খঙহনখি।

নই-দিল্লীদা লৈরিবা মীরমগী মিসনশিংগী সেনিয়র মীহুৎশিংদা এরো ইন্দিয়া-২১গী মতাংদা মখোয়গী লুচিংবশিং অমসুং সেনিয়র ওইরবা ৱারেপ লৌবা মীওইশিংবু শরুক য়ানবা ওক্তোবরদা মাংজৌননা পাউ ফাওদুনা ফোর্মেল ওইবা থৌরম অসিদা শরুক য়ানবা পাউজেল পীবগী থৌওংসু লৈখ্রবনি। এরো ইন্দিয়া-২১না ভারতকী এরোস্পেস অমসুং দিফেন্সকী পোত্থোক পুথোকপা ঙম্বগী মতিক উৎপগা লোয়ননা ওতোমেতিক রুতকী খুত্থাংদা এফ.দি.আই.বু ৭৪%দা হেনগৎখিবা, দিফেন্স এক্কুইজিসন প্রোসিজর-২০২০, খুৎশম্ননা পোত্থোক শেম-শামিন্নবগীদমক্তা ভারত্তা শেল থাদরকপবু খুমাং চাউশিলহন্নবা অমসুং ইং ২০২০গী লাইচৎ মনুংদা শেমখিবা দিফেন্স প্রদক্সন অমসুং এক্সপোর্ত প্রোমোসন পোলিসী ২০২০ (দি.পি.ই.পি.পি.)গী  শেমদোক্লবা  ওফসেৎ গাইদলাইন্নচিংবা পোলিসী শেম্বগী খোঙথাংনচিংবগী মরম ওইদুনা ভারত্তা শেল থাদনিংবগী পুক্নিং থৌগৎনবা পান্দম থম্লি।

ঙাকশেল মন্ত্রীনা ভারতনা মালেমগী এরোস্পেস অমসুং দিফেন্সকী পোত্থোক শাবশিংগী মকোক-থোংবা লৈবাক মঙাগী মনুং চনগনি হায়বগী খোঙফম চেৎপগী মতাংদা পনখিবগা লোয়ননা এরো ইন্দিয়া-২১ অসিনা লুচিংবশিংগী লুচিংবা ওইনিংবগী ভারতকী অনিংবা অসিগী খুদম ওইরগনি হায়খি। শ্রী রাজনাথ সিংহনা “আত্মানির্ভর ভারত অসি প্রধান মন্ত্রী শ্রী নরেন্দ্র মোদীগী খ্বাইদগী মরু ওইবা মঙলান্নি অমসুং ভারতকী এরোস্পেস অমসুং দিফেন্স সেক্তর অসি মপুং-মরৈ ফারে অমসুং মরী ফজনা লৈবা লৈবাকশিংগা ভারত অমসুং মালেমগীদমক্তা ভারত্তা শাবা দিফেন্সকী খুৎশু খুৎলাই শানবগী ইন্দস্ত্রী কয়া ভারত্তা শানবা খোঙলোই ওইবা য়াবা পার্ত্নর লেপ্তনা থিরি” হায়নসু ফোংদোকখি।

ঙাকশেল মন্ত্রীনা থৌরম অসিগী মতাংদা কন্না হোৎনরিবশিংগী মতাংদা ভারতকী মিসনশিংদা নীংথিনা পাউ ফাওনবা অমসুং মীরমগী লৈবাকশিংগী লুচিংবা অমসুং ইন্দস্ত্রীগী মরু ওইবা মীওইশিংদা এরো ইন্দিয়া-২১দা অৱাংবা থাক্তা শরুক য়ানবা হায়নবা হায়খিবগা লোয়ননা ভারত্তা লৈরিবা স্ত্রেতজিক অমসুং কারবারগী খুদোংচাবশিংগী মরমদা খঙহন্নবসু পাউতাকখি। ঙাকশেল মন্ত্রীনা এরো ইন্দিয়া-২১ অসিনা ভারতনা লুচিংবা ঙম্বগী মতিক লৈরে অমসুং কোবিদকী মতুংগী মালেমদা ঐখোয়গী পাঙ্গল কনখৎহনবা ঙম্বগী মতিকসু লৈরে হায়না তাক্লগনি হায়খি।

*****