শেনমিৎলোন্দা মন্ত্রীমন্দলগী মীফম (সি.সি.ই.এ.)

মন্ত্রীমন্দলনা এস.সি.শিংগীদমক্তা পোস্ত মেত্রিক স্কোলরশিপ্তা ত্রান্সফোর্মেতরী অহোংবশিংগী অয়াবা পীখ্রে
সরকারনা এস.সি.শিংগীদমক্তা অচৌবা শাফু পীরদুনা মথংগী চহি ৫দা করোর মরিদগী হেনবা এস.সি.গী মহৈরোইশিংগীদমক লুপা করোর ৫৯,০০০গী পোস্ত মেত্রিকস্কোলরশিপ স্কিমগী অয়াবা পীখ্রে

Posted On: 23 DEC 2020 4:39PM by PIB Imphal

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী ইকোনোমিক এফিয়র্সকী মন্ত্রীমন্দলগী কমিতীনা ঙসি মথংগী চহি ৫দা এস.সি.গী মহৈরোই করোর ৪ হেনবদা কান্নবা ফংহন্নবা “পোস্ত মেত্রিক স্কোলরশিপ তু স্তুদেন্ত বিলোংগিং তু সেদ্যুল কাস্ত (পি.এম.সি.-এস.সি.)”গী কেন্দ্রনা পুথোকপা স্কিমদা চাউনা অমসুং ত্রান্সফোর্মেতরী অহোংবশিং পাংথোকপদা অয়াবা পীখ্রে মসিদগী মখোয়না মখোয়গী অৱাংবা থাক্কী মহৈ-মশিং মপুং ফাহনবা ঙম্লগনি।
মন্ত্রীমন্দলনা লুপা করোর ৫৯,০৪৮গী অপুনবা ইনভেস্তমেন্তকী অয়াবা পীখ্রে অমসুং মসিগী মনুংদা কেন্দ্র সরকারনা লুপা করোর ৩৫,৫৩৪ (৬০%) চাদিং তৌগনি অমসুং লেমহৌবা শেনফম্না রাজ্য সরকারশিংনা পুথোক্কনি।  স্কিম অসিনা লৈরিবা “কমিৎতেদ লাইএবিলিতী” সিস্তেমগী মহুৎ শিনগনি অমসুং মরুওইবা স্কিম অসিদা কেন্দ্র সরকারনা হেন্না শরুক য়াগনি।
সেদ্যুল কাস্ত মহৈরোইশিংগী পোস্ত মেত্রিক স্কোলরশিপ স্কিম অসি ক্লাস ১১দগী হৌবা মেত্রিক্কী মতুংগী কোর্স অমা হেক্তা তম্বা য়াহল্লি। স্কিম অসিদা সরকারনা মহৈ-মশিং তম্বগী অচংবা পুথোকই।
কেন্দ্র সরকারনা হোৎনরিবশিং অসি হেনগৎহন্নবগীদমক ফিরেপ লৌরি মরমদি চহি ৫গী মতমগী মনুংদা এস.সি.শিংগী জি.ই.আর. (হাইয়র এজুকেসন) লৈবাক্কী থাক্তা য়ৌবা ঙম্নবনি।
অকুপ্পা ৱারোল মখাদা পীরিঃ
স্কিম অসি খ্বাইদগী লাইরবা মহৈরোইশিংবু মিং চনবীনবা, মতম চানা পেমেন্ত তৌনবা, পাক-চাউরবা একাউন্তিবিলিতী, মখা তানা য়েংশিনবা অমসুং মপুং ফানা নুং-পান উহনবদা শাফু পীরি।
১. লাইরবা ইমুংশিংগী ক্লাস ১০ পাস তৌরবা মহৈরোইশিংনা মখোয়না পাম্বা মতুং ইন্না অৱাংবা থাক্কী মহৈ-মশিংগী কোর্স্তা মিং চন্নবা খোংজং অমা চৎথগনি। অসিগুম্বা খ্বাইদগী লাইরবা মহৈরোই করোর ১.৩৬রোম্না মতম অসিদা ক্লাস ১০গী মতুংদা মখোয়গী মহৈ-মশিং তম্বা মখা চৎথবা ঙমদ্রি হায়না পানরি, মখোয়বু মথংগী চহি মঙাদা অৱাংবা থাক্কী মহৈ-মশিংগী সিস্তেমগী মনুং চন্না পুরক্কনি।
২. স্কিম অসি অফবা সাইবর সেক্যুরিতীগী পাম্বৈশিংগা লোইননা ওনলাইন প্লেৎফোর্মদা চলাইগনি মসিদগী নুং পান উবা, একাউন্তিবিলিতী, ইফিসিএন্সী, অমসুং থেংথবা তৌদনা মতম চানা তেংবাং ফংহনবা ঙমগনি।
৩. রাজ্যশিংনা ইলিজিবিলিতী, কাস্ত স্তেতস, আধারগী শক্তাক অমসুং বেঙ্ক একাউন্তকী ৱারোলশিং ওনলাইন পোর্তেলদা ফুল-প্রুফ ভেরিফিকেসন তৌগনি।
৪. স্কিম অসিগী মখাদা মহৈরোইশিংবু শেলগী তেংবাংগী ত্রান্সফর দি.বি.তি. মোদকী থোংদা অমসুং আধার ইনেবল পেমেন্ত সিস্তেম শিজিন্নদুনা পাংথোক্কনি। কুমজা ২০২১-২২দগী হৌখিদুনা স্কিম অসিদা কেন্দ্রগী শরুক (৬০%) ফিক্স তাইম সেদ্যুলগী মতুং ইন্না মহৈরোইশিংগী বেঙ্ক একাউন্ততা দি.বি.তি. মোদকী থোংদা হকথেংননা থাদোক্কনি।
৫. মোনিতরিং মেকানিজম হেন্না মপাঙ্গল কলহনগনি অমসুং সোসিএল ওদিৎ, অহুমশুবা পার্তীনা চহিগী ইভালুএসন তৌহল্লগা অমসুং ইন্সতিত্যুসন খুদিংমক্কী চহি তঙ্খাইগী সেল্ফ-ওদিৎ তৌরবা রিপোর্তকী থোংদা চৎথগনি।
কেন্দ্রগী শেন্থং অসি কুমজা ২০১৭তগী কুমজা ২০১৯-২০ ফাওবগী মনুংদা চাউরাক্না লুপা করোর ১১০০ চহি খুদিংগী ওইরম্মি, মদু কুমজা ২০২০-২১দগী ২০২৫-২৬ ফাওবগী মনুংদা শরুক ৫দগী হেন্না হেনগৎতুনা চাউরাক্না লুপা করোর ৬,০০০ চহি খুদিংগী ওইরগনি।


*****



(Release ID: 1683163) Visitor Counter : 5