প্রধানমন্ত্রীগী লোইশঙ
ইন্দিয়া ইন্তরনেসনেল সাইন্স ফেস্তিবেল ২০২০দা প্রধান মন্ত্রীনা হৌদোকপগী ৱারোল পীগনি
Posted On:
20 DEC 2020 6:38PM by PIB Imphal
ভিদিও কনফরেন্সকী খুৎথাংদা দিশেম্বর ২২গী নুংথিল পুং ৪:৩০ তাবদা ইন্দিয়া ইন্তরনেসনেল সাইন্স ফেস্তিবেল(আই আই এস এফ) ২০২০দা প্রধান মন্ত্রী শ্রী নরেন্দ্র মোদীনা হৌদোকপগী ৱারোল পীগনি। থৌরম অদুদা য়ুনিয়ন মিনিস্তর দোক্তর হর্স ভর্ধনসু শরুক য়াগনি।
আই.আই.এস.এফকী চাউরাকপা
খুন্নাই অসিদা সাইন্তিফিক ওইবা থৌনা হেন্না লৈহন্নবা, সাইন্স অমসুং তেক্নোলোজি মিনিস্ত্রি অমসুং আর্থ সাইন্সেস মিনিস্ত্রিনা বিঞ্জান ভারতীগা লোয়ন্না ইন্দিয়া ইন্তরনেসনেল সাইন্স ফেস্তিবেল শীনবনি। ২০১৫দগী হৌখিবা ইন্দিয়া ইন্তরনেসনেল সাইন্স ফেস্তিবেল অসি সাইন্স অমসুং তেক্নোলোজি চাউখৎহন্নবা কুহ্মৈ অমনি। ফেস্তিবেল অসিগী পান্দমদি মীয়ামগা সাইন্সকা চৎমিন্নবা, সাইন্সকী নুংঙাইবা হরাও-তয়াম্বা ফোঙদোকপা অমসুং পুন্সি মহিং ফগৎনবা সাইন্স, তেক্নোলোজি, ইঞ্জিনিয়ারিং অমসুং মেথেমেতিক্স(স্তেম)না কমদৌনা পাম্বৈশিং পুথোক্কদগে হায়বা উৎপনি। ইন্দিয়া ইন্তরনেসনেল সাইন্স ফেস্তিবেল ২০২০গী পান্দমদি সাইন্তিফিক ওইবা লৌশিং, অনৌবা পুথোকপা, পাম্বৈশিং পুথোক্নবা ৱাখল খনবা, অৱাবা কোক্নবা পাম্বৈ পুথোকপা অমসুং পুন্না থবক তৌমিন্নবদা মিৎয়েং থমদুনা নহারোলশিংদা ২১সুবা চহিচাগী লৌশিং লৈহন্নবা মতেং পাংবনি। ফেস্তিবেল অসিগী মিৎয়েং শানবা পান্দমদি মহৈরোয়শিং সাইন্তিফিক ওইবা হিরমশিংদা লাইরিক তম্নবা অমসুং থবক শুনবা পুক্নিং থৌগৎপনি।
*****
(Release ID: 1682262)
Visitor Counter : 174
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam