ফিৎ ইন্দিয়া সাইক্লোথোনগী অনিশুবা ইদিসন অসি লৈবাক শিনবা থুংবদগী পাম্নরক্লি। কেন্দ্রগী স্পোর্তস মন্ত্রী শ্রী কিরেন রিজিজুনা হন্দক্তা ইভেন্ত অসি সোসিএল মীদিয়াগী থোংদা লোঞ্চ তৌখি। মসিগী মেগা সাইক্লিংগী থৌরম অসি দিসেম্বর ৭, ২০২০দগী হৌখি অমদি মসিদা লৈবাক শিনবা থুংবদগী পার্তিসিপেন্তশিংনা শরুক য়ারকখি। ফিৎ ইন্দিয়া সাইক্লোথোন অসিদা দিসেম্বর ১৫ ফাওবা মীওই ১২,৬৯,৬৯৫না শরুক য়াখি অমদি সাইকল থৌদুনা কিলোমিতর ৫৭,৫১,৮৭৪ থৌবা ঙমখি। মসিদা নেহরু য়ুবা কেন্দ্র সঙ্গাথন (এন.ৱাই.কে.এস.)গী পার্তিসিপেন্ত ৩,১১,৪৫৮; নেস্নেল সর্ভিস স্কীম (এন.এস.এস.)কী পার্তিসিপেন্ত ৪,১৪,৩৫৪ অমসুং অতোপ্পা পার্তিসিপেন্ত ৫,৪৩,৮৮৩ য়াওখি। ফিৎ ইন্দিয়া সাইক্লোথোন অসি সোসিএল মীদিয়াদসু য়াম্না পাম্নরি। মীচম প্রজাশিংগা লোইননা কেলেব্রিতীশিংনসু মখোয়না সাইকল থৌবগী ফোতো অমসুং ভিদিওশিং পোস্ত তোরক্লি।

ইভেন্ত অসি দিসেম্বর ৩১, ২০২০ ফাওবা মখা চত্থগনি। প্রজাশিংনা ফিৎ ইন্দিয়াগী ৱেবসাইৎ (https://fitindia.gov.in/fit-india-cyclothon-2020/)তা রেজিস্তর তৌদুনা শরুক য়াবা য়াগনি, মখোয়না অপাম্বা অশাংবগী চাং অদুদা নুংতিগী সাইকল থৌগনি অমসুং মখোয়গী ফোও অমসুং ভিদিও অদু @FitIndiaOff তেগ তৌদুনা সিয়র তৌগনি অমসুং হেশতেগ #FitIndiaCyclothon অমসুং #NewIndiaFitIndia শীজিন্নগনি।

মেগা ইভেন্ত অসিদা প্রজাশিংদা শরুক য়ানবা থৌগৎলদুনা শ্রী রিজিজুনা হন্দক্তা অসুম্না ত্বীৎ তৌখি “সাইকল থৌবা অসি হকচাং ফনা থম্নবা অমসুং কার্বোন ফুৎপ্রিন্তশিং হন্থনবা অফবা লম্বী অমনি। দিসেম্বর ৭-৩১ ফাওবা পাঙথোক্কদবা ২শুবা ফিৎ ইন্দিয়া সাইক্লোথোন অসিদা অদোমগী ইমুং অমসুং মরুপশিংগা য়াওনবা পুম্নমক্তা হায়্জরি। ঐখোয়না পি.এম. @NarendraModi জীগী ‘ফিৎনেস কা দোস আধা ঘন্তা রোজ’ #NewIndiaFitIndia #FitIndiaMovement”কী অপাম্বা অসি য়াওশিনসি।

One of my favourite forms of cardio! #earlymorningbikerides #Chandigarh pic.twitter.com/E7f7PZsmMQ

— Anil Kapoor (@AnilKapoor) December 5, 2020

Cycling is a great way to stay fit & reduce carbon footprints. I invite all of you to the 2nd Fit India Cyclothon with your family & friends from Dec 7-31. Let's join the clarion call of PM @NarendraModi Ji 'Fitness Ka Dose Aadha Ghanta Roz' #NewIndiaFitIndia #FitIndiaMovement pic.twitter.com/FJ355fwwSu

— Kiren Rijiju (@KirenRijiju) December 6, 2020

ফিৎ ইন্দিয়া সাইক্লোথোনগী হৌদোকপগী ইদিসন অসি পনাজি, গোৱাদা জনুৱারী ২০২০দা স্পোর্তস মন্ত্রীনা লোঞ্চ তৌখি। ইভেন্ত অসি মীয়ামবু আউৎদোর এক্তিবিতীশিং তৌহন্নবা অমসুং লৈবাক অসিদা সাইকল থৌবগী চৎনবী অমা হৌদোক্নবা পান্দমগা লোইননা শিনখিবনি। মসিদা লৈবাক শিনবা থুংবদগী সাইক্লিস্ত লাখ ৩৫কী মথক্না শরুক য়াবা উবা ফংখি।

*******